મલ્હાર ઠાકરના પ્રપોઝલ પર પરિણીતી ચોપરાએ આપ્યો આવો જવાબ

પરિણીતિએ ઈન્સ્ટા પર ચલાવ્યું ક્વેશ્ચન સેશન

બોલિવુડ એક્ટ્રેસ પરિણીતી ચોપરા તાજેતરમાં આવેલી તેની ફિલ્મ ‘કેસરી’ની સફળતાથી ખુશ છે. સાથે જ તેની આગામી ફિલ્મ બેડમિન્ટન સ્ટાર સાયના નહેવાલની બાયોપિકની તૈયારીઓમાં વ્યસ્ત છે. આ દરમિયાન તેણે ઈન્સ્ટાગ્રામ પર ફેન્સ માટે એક પ્રશ્નોત્તરી સેશન રાખ્યું હતું, જેમાં ફેન્સે તેને વિવિધ પ્રશ્નો પૂછ્યા હતા. ફેન્સે પણ ઘણા ઉટપટાંગ સવાલોનો મારો ચલાવ્યો હતો. સામે પરીએ પણ શક્ય એટલા સવાલોના મેજદાર જવાબો આપ્યા હતા.

મલ્હાર ઠાકરના પ્રપોઝલ વિશે પરિને પૂછાયો પ્રશ્ન

આ સવાલોમાં સૌથી આકર્ષક સવાલ રહ્યો ગુજરાતી એક્ટર મલ્હાર ઠાકરના પરિણીતિને કરવામાં આવેલા પ્રપોઝ અંગેનો. એક ચાહકે પરિને પૂછ્યું, ‘ગુજરાતી એક્ટર મલ્હાર ઠાકર તમારી સાથે લગ્ન કરવા માગે છે, તમારો શું વિચાર છે?’ પરિણીતી જવાબમાં લખ્યું, ‘હું તેને અમદાવાદમાં મળી હતી. તે બહુ ક્યૂટ છે.’ પરિણીતીના જવાબનો મલ્હારે પણ વળતો જવાબ આપવામાં ઢીલ ન કરી. તેણે પણ પોતાની ઇન્સ્ટાગ્રામ સ્ટોરી પર પરિણીતીના જવાબ નીચે ‘આપણી તરફથી ફાઈનલ છે!’ લખીને સ્ટોરી વહેતી કરી હતી. વધુમાં એ પણ લખ્યું હતું કે તેઓ અમદાવાદમાં નહીં, પણ વડોદરામાં મળ્યાં હતાં.

‘નમસ્તે ઈંગ્લેન્ડ’ સમયે થઈ હતી મુલાકાત

પરિણીતીએ મલ્હાર વિશે આપેલા જવાબમાં ચાહકો મલ્હારને ટેગ કરી રહ્યા હતા. પરિણીતી જ્યારે તેની ફિલ્મ ‘નમસ્તે ઇંગ્લેન્ડ’ના પ્રમોશન માટે ગુજરાત આવી હતી ત્યારે તેની મલ્હાર સાથે મુલાકાત થઈ હતી. જણાવી દઈએ કે, મલ્હારે એ પછી પરિણીતી પર ક્રશ હોવાની વાત તેમના ચાહકોને કહી હતી.

from Dhollywood News in Gujarati: Latest Dhollywood News, Read Breaking Dhollywood News – Page Array – I Am Gujarat http://bit.ly/2IJ8AlN
via IFTTT