બજાજ પલ્સરમાં એન્ટિ લૉક બ્રેકિંગ સિસ્ટમ, કિંમતમાં થયો આટલો વધારો

બજાજની પલ્સર સિરીઝના બાઈક્સમાં હવે ABS

બજાજની પોપ્યુલર પલ્સર સિરીઝના મોટાભાગના બાઈક્સમાં ABS (એન્ટિ લૉક બ્રેકિંગ સિસ્ટમ) લગાવવામાં આવી છે. ABSવાળા સૌથી લેટેસ્ટ મોડલ્સ પલ્સર 150 રેન્જની બાઈક્સ છે. જેમાં પલ્સર 150, પલ્સર 150 નિયોન અને પલ્સર 150 ટ્વિન ડિસ્કનો સમાવેશ થાય છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જાણો બાઈક્સની કિંમતમાં કેટલો વધારો થયો

ABS જોડાયા બાદ આ 3 બાઈક્સની કિંમતોમાં 3 હજારથી લઈને 7 હજાર રૂપિયા સુધીનો વધારો થયો છે. બજાજના આ ત્રણેય બાઈક્સમાં સિંગલ ચેનલ્સ એબીએસ આપવામાં આવ્યું છે. ABS (એન્ટિ લૉક બ્રેકિંગ સિસ્ટમ) જોડાયા બાદ પલ્સર 150 નિયોનની કિંમત 68,250 રૂપિયા, સ્ટાન્ડર્ડ પલ્સર 150ની કિંમત 84,461 રૂપિયા અને પલ્સર 150 ટ્વિન ડિસ્કની કિંમત 88,339 રૂપિયા થઈ ગઈ છે.

શું છે આ એન્ટિ લૉક બ્રેકિંગ સિસ્ટમ

ABS એટલે કે એન્ટિ લૉક બ્રેકિંગ સિસ્ટમને એન્ટિ સ્કિડ બ્રેકિંગ સિસ્ટમ પણ કહેવામાં આવે છે. જો બાઈકમાં ABS (એન્ટિ લૉક બ્રેકિંગ સિસ્ટમ) હોય તો અચાનક બ્રેક મારવાથી બાઈક પરનો કંટ્રોલ જળવાઈ રહે છે અને એક્સિડેન્ટ થવાની શક્યતા ઘણી ઓછી થઈ જાય છે. એપ્રિલ મહિનાથી તમામ 125સીસી અથવા તેના કરતા વધારે ક્ષમતાવાળા બાઈક્સમાં ABS અનિવાર્ય કરવામાં આવી છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2V6msNh