ક્રેટાને ટક્કર આપવા હોન્ડા લાવી રહી છે નવી કોમ્પેક્ટ SUV

આ વર્ષના અંત સુધીમાં શરૂ થઈ જશે પ્રોડક્શન

નવી દિલ્હી: Honda પોતાની કોમ્પેક્ટ એસયુવી HR-Vને ભારતીય બજારમાં લાવવાની તૈયારીમાં છે. રિપોર્ટસ મુજબ, કંપનીએ દિલ્હી સ્થિત પોતાના ડીલર્સને Honda HR-V બતાવી છે. માનવામાં આવી રહ્યું છે કે, તેનું પ્રોકડક્શન આ વર્ષના અંત સુધીમાં શરૂ થઈ જશે. આ કોમ્પેક્ટ એસયુવી ભારતમાં કંપનીની લાઈનઅપમાં CR-Vથી નીચેના સેગમેન્ટમાં આવશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કેવો છે લુક?

લુકની વાત કરીએ તો હોન્ડા એચઆર-વીમાં ક્રોમ ગ્રિલ, એલઈડી હેડલેમ્પ્સ અને એલ શેપમાં એલઈડી ડેટાઈમ રનિંગ લાઈટ (ડીઆરએલ) આપવામાં આવી છે. એસયુવીમાં કૂપ કાર જેવી રુફલાઈન અને એલ શેપમાં ટેલ લાઈટ્સ છે. તેની પાછળના દરવાજાના હેન્ડલ સી-પિલરમાં છે. એચઆર-વીમાં ડ્યૂલ-ટોન ઈન્ટિરિયર, ટચસ્ક્રીન ઈન્ફોટેનમેન્ટ સિસ્ટમ, 3-સ્પોક મલ્ટી ફંક્શન સ્ટીયરિંગ વ્હીલ અને 3-ડાયલ ઈન્સ્ટ્રુમેન્ટ ક્લસ્ટર છે.

આવું છે તેનું એન્જિન

ઈન્ટરનેશનલ માર્કેટમા ઉપલબ્ધ આ એસયુવીમાં 1.5 લીટર, 4 સિલિન્ડર પેટ્રોલ એન્જિન છે, જે 128 bhpનો પાવર અને 155 Nm ટોર્ક જનરેટ કરે છે. તેનું એન્જિન 6-સ્પીડ મેન્યુઅલ ગિયરબોક્સથી લેસ છે. ભારતીય બજારમાં તે એસયુવી હુંડઈ ક્રેટા, નિશાન કિક્સ અને રેનો કેપ્ચર જેવી એસયુવીને ટક્કર આપશે.

વર્ષ 2014માં આવી હતી એચઆર-વી

આ એસયુવીને ઈન્ટરનેશનલ માર્કેટમાં પહેલી વખત વર્ષ 2014માં રજૂ કરાઈ હતી. તેનો અર્થ એ થયો કે ભારતમાં લેન્ચ થનારી એચઆર-વી જૂની જનરેશન હશે. જોકે, શક્યતા છે કે કંપની આ એસયુવીનું ફેસલિફ્ટ વર્ઝન ભારતમાં લોન્ચ કરશે. ઉલ્લેખનીય છે કે, હોન્ડા એચઆર-વી કેટલીક જગ્યાએ Vezel નામથી પણ વેચવામાં આવે છે. તે સાઉથ ઈસ્ટ એશિયામાં ઘણી પોપ્યુલર કોમ્પેક્ટ એસયુવી છે.

કેટલી હશે કિંમત?

રિપોર્ટમાં દાવો કરાયો છે કે, હોન્ડા એચઆર-વી આ વર્ષના અંત સુધઈમાં ભારતમાં લોન્ચ કરવામાં આવી શકે છે. તેની કિંમત 15 લાખથી 20 લાખ રૂપિયાની રેન્જમાં રહેવાની શક્યતા છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2GI32nV