મુંબઈ નજીક સિંગાપોર જેવું મેગા સિટી બનાવી રહ્યા છે મુકેશ અંબાણી, પ્રોજેક્ટ પર કામ શરૂ

ટૂંક સમયમાં કરશે મોટી જાહેરાતઃ

મુકેશ અંબાણી ટૂંક જ સમયમાં કોઈ મોટી જાહેરાત કરે એવી શક્યતા છે. આ જાહેરાત ભારતના ઈન્ફ્રાસ્ટ્રક્ચર ક્ષેત્રે ગેમ ચેન્જર પુરવાર થાય તેવી શક્યતા છે. બિઝનેસ સ્ટાન્ડર્ડની સ્ટોરી મુજબ રિલાયન્સ ઈન્ડસ્ટ્રીઝ મુંબઈની નજીક એક મેગાસિટી બનાવવાની બ્લુ પ્રિન્ટ તૈયાર કરી રહી છે. સૂત્રોના જણાવ્યા મુજબ આ રિલેયાન્સ ઈન્ડસ્ટ્રીની પ્રોજેક્ટની અંદર પ્રોજેક્ટ્સ પહેલની શરૂત હશે. આ પ્રોજેક્ટનો દરેક હિસ્સો પોતાની રીતે એક પ્રોજેક્ટ હશે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

સિંગાપોર પરથી લીધી પ્રેરણાઃ

અંબાણીનું મેગા સિટી સિંગાપોર પરથી પ્રેરણા મેળવી વિકસાવવામાં આવશે. તેમાં એરપોર્ટ, બંદર અને દરિયાઈ કનેક્ટિવિટી હશે. BSની સ્ટોરી મુજબ આ શહેરમાં પાંચ લાખ જેટલા લોકો વસી શકશે અને હજારો ધંધા-ઉદ્યોગ પાંગરશે. એક દશકાની અંદર અંદર આ પ્રોજેક્ટમાં $75 બિલિયન જેટલું ઈન્વેસ્ટમેન્ટ કરવામાં આવશે.

મોટા પાયે લોન્ચ થશે પ્રોજેક્ટઃ

અંબાણી આ પ્રોજેક્ટ ઘણા મોટા પાયે લોન્ચ કરશે. નિષ્ણાંતોના મતે જેમ જિયોએ ટેલિકોમ સેક્ટરની ગેમ બદલી નાંખી એમ ઈન્ફ્રાસ્ટ્રક્ચર ક્ષેત્રે મુકેશ અંબાણીની એન્ટ્રી આ સેક્ટરની ભૂમિતિ બદલી નાંખશે. રિલાયન્સના દરેક પ્રોજેક્ટ ભારતના ઈતિહાસમાં એક નવો અધ્યાય ઉમેરે છે. આ પ્રોજેક્ટ ઈન્ફ્રાસ્ટ્ર્ક્ચર સેક્ટરની સિકલ બદલી નાંખશે.

મુંબઈ બદલાઈ જશેઃ

આ મેગાસિટી પછી મુંબઈ આખુ બદલાઈ જશે. ટોચના રિયલ એસ્ટેટ એનાલિસ્ટે જણાવ્યું કે આ નવા શહેરમાં પ્રોપર્ટીની કિંમત મુંબઈ કરતા ઓછી હશે પરંતુ મુંબઈથી તેમાં રિવર્સ માઈગ્રેશન શરૂ થઈ જશે. આ પ્રોજેક્ટનો સૌથી મહત્વનો ભાગ એ છે કે રિલાયન્સ માત્ર પ્રોજેક્ટ ડેવલપ જ નહિ કરે પરંતુ શહેર બને પછી તેનું સંચાલન પણ સંભાળશે. આ માટે રિલાયન્સને સ્પેશિયલ પ્લાનિગ ઓથોરિટી લાયસન્સ પણ આપવામાં આવ્યું છે. આ લાયસન્સને કારણે અંબાણીને પ્રોજેક્ટની કોસ્ટ ઘટાડવામાં ખાસ્સી મદદ મળશે.

પ્રોજેક્ટની ધીરુભાઈ લિંકઃ

રિલાયન્સ ગૃપના દીર્ઘદૃષ્ટા સ્થાપક ધીરુભાઈ અંબાણીએ નવી મુંબઈમાં વર્લ્ડ ક્લાસ શહેર વસાવવાનું સપનું જોયું હતું. તેમણે 1980માં આ દિશામાં વિચાર કર્યો હતો. તે સાઉથ મુંબઈ અને નવી મુંબઈને રોડથી જોડવાનો પ્રોજેક્ટ હાથ ધરવા માંગતા હતા. જો આ પ્લાન સફળ ગયો હોત તો મુંબઈમાં ગીચતા ક્યારની ઓછી થઈ ગઈ હોત.

જમીન લીઝ પર લીધીઃ

આ મહિનાની શરૂઆતમાં રિલાયન્સે જાહેર કર્યું કે તે નવી મુંબઈ સેઝ પાસેથી 2180 કરોડના ખર્ચે 4000 એકર જમીન લીઝ પર લઈ રહી છે અને તે વૈશ્વિક સ્તરે ત્યાં ઈકોનોમિક હબ બનાવશે. NMSEZને આ જગ્યા 2006માં વર્લ્ડ ક્લાસ સેઝ વિકસાવવા માટે આપવામાં આવી હતી. તેના પ્રમોટર્સ મુકેશ અંબાણી, જય કોર્પ ઈન્ડિયા, SKIL ઈન્ફ્રાસ્ટ્રક્ચર લિમિટેડ અને સિટી એન્ડ ઈન્ડસ્ટ્રીયલ ડેવલપમેન્ટ કોર્પ (CIDCO) છે. PTIની સ્ટોરી મુજબ CIDCOનો તેમાં 26 ટકા સ્ટેક છે. બાકીનો હિસ્સો મુકેશ અંબાણીનો છે. જય કોર્પને આનંદ જૈન અને નિખિલ ગાંધીની SKIL ઈન્ફ્રાસ્ટ્રક્ચર પ્રમોટ કરે છે.

બાજી મારી ગયા અંબાણીઃ

વર્ષ 2005માં મુકેશ અંબાણીએ 2000થી જમીન ખરીદનારા નિખિલ ગાંધી સાથે હાથ મિલાવીને ચીનના SEZ જેવું SEZ વિકાસાવવાનું આયોજન કર્યું હતું. ટાટા ગૃપ ગાંધી સાથે જોડાવા માંગતું હતું પણ અંબાણી બાજી મારી ગયા. 2018માં મહારાષ્ટ્ર ઈન્ડસ્ટ્રીયલ પોલિસી અંતર્ગત રાજ્ય સરકારે SEZને ઈન્ડસ્ટ્રીયલ યુનિટ માટે જમીન આપવા જણઆવ્યું હતું. NMSEZએ ત્યારબાદ SEZને ઈન્ટિગ્રેટેડ ઈન્ડસ્ટ્રીયલ એરિયામાં કન્વર્ટ કરવાની મંજૂરી મેળવી લીધી હતી.

from Page Array – I Am Gujarat http://bit.ly/2G7SNKy