માથાના વાળને તૂટતા બચાવવા આ રીતે ઘરે જ બનાવો લસણ શેમ્પૂ

ખૂબ જ ઓછા ખર્ચે ઘરે જ બનાવો લસણ શેમ્પૂ

આજકાલ લોકોના મોંઢે એક જ પ્રકારની સમસ્યા સાંભળવા મળી રહી છે કે તેમના માથાના વાળ ખરી રહ્યા છે અથવા તો પછી તૂટી રહ્યા છે. આ સમસ્યાથી બચવા માટે લોકો શેમ્પૂ, કંડીશનર, તેલ, સાબુ વગેરેનો ઉપયોગ કરે છે. આ તમામ પ્રોડક્ટનો ઉપયોગ કર્યો હોવા છતાં જો તમારા વાળ તૂટવાની સમસ્યા દૂર નથી થઈ રહી તો હવે લસણનો ઉપયોગ કરો. હવે આ રીતે સરળતાથી ઘરે જ બનાવો લસણ શેમ્પૂ અને જાણો તે બનાવવા માટેની રીત.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

લસણ શેમ્પૂ બનાવવા માટેની જરૂરી સામગ્રી

– લસણની 10થી 15 તાજી કળી

– 1 ચમચી ઓલિવ ઓઈલ

– 3થી 5 બૂંદ પિપરમિન્ટ ઓઈલ (ફુદીનાનું તેલ)

– 3થી 5 બૂંદ ટી ટ્રી ઓઈલ (ચાના છોડનું તેલ)

– 1 બોટલ ઓર્ગેનિક શેમ્પૂ

આ રીતે ઘરે જ સરળતાથી બનાવો લસણ શેમ્પૂ

સૌપ્રથમ લસણને છોલીને, ધોઈને સારીરીતે સાફ કરી નાખો. હવે લસણની કળીઓને પીસી નાખો અને તેની એક પેસ્ટ (ચટણી જેવું) તૈયાર કરો. લસણ પીસતી વખતે તેમાં થોડું પાણી નાખો કે જેથી આ પેસ્ટ મુલાયમ બને. હવે લસણની આ પેસ્ટ તૈયાર થઈ ગયા બાદ તેને એક બાઉલમાં કાઢો અને તેમાં ઓલિવ ઓઈલ અને પિપરમિન્ટ ઓઈલ (ફુદીનાનું તેલ) મિક્સ કરો. હવે એક ચમચીથી આ બધું મિક્સ કરી લો. હવે તૈયાર થઈ ગયેલી લસણની આ પેસ્ટને તમારા રેગ્યુલર શેમ્પૂમાં મિક્સ કરો અને તેનો ઉપયોગ કરો. તમે આ લસણ શેમ્પૂનો ઉપયોગ અઠવાડિયામાં 2થી 3 વખત કરી શકો છો.

જાણો લસણ શેમ્પૂના વિવિધ ફાયદા વિશે

લસણ શેમ્પૂથી તમારા માથાના વાળનો ગ્રોથ થશે અને તે વધારે મજબૂત બનશે. તમારા વાળ વધુ સુંદર અને ચમકદાર બનશે. માથાના વાળ સહિત શરીરની ચામડી માટે પણ ફાયદાકારક છે આ લસણ શેમ્પૂ.

from Page Array – I Am Gujarat http://bit.ly/2IiBxE0