સેંકડો નરભક્ષક વાઘની ધરતી પર લોકોનું રક્ષણ કરે છે આ દેવી, હિંદુ-મુસ્લિમ છે ભક્તો

નરભક્ષક વાઘની ધરતી

સુંદરવન નામ સાંભળવામાં ખૂબ જ સારું લાગે છે પરંતુ અહીં રહેતા લોકોને પૂછો જે હંમેશા ભયના ઓથાર હેઠળ જીવે છે. સુંદરવન સેંકડો નરભક્ષક વાઘની ધરતી છે, ખબર નહીં ક્યારે કોઈ વ્યક્તિ વાઘનો શિકાર બને. તેમ છતાં અહીં એક એવી શક્તિ છે જે વાઘ સામે સ્થાનિકોનું રક્ષણ કરે છે. એ છે બોનબીબી. હિંદુઓ તેમને દેવી તરીકે પૂજે છે જ્યારે મુસ્લિમો બોનબીબી માનીને બંદગી કરે છે. સ્થાનિક લોકોને વિશ્વાસ છે કે બોનબીબી વાઘથી તેમને બચાવશે. જાણો કોણ છે બોનબીબી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સાઉદી અરબથી આવ્યા

હિંદુ અને મુસલમાન બંને માને છે કે બોનબીબી સ્વર્ગમાંથી તેમની રક્ષા માટે મોકલવામાં આવી છે. સ્થાનિક લોકો વચ્ચે એવું માનવામાં આવે છે કે વનબીબી સાઉદી અરબના એક મુસ્લિમ પરિવારમાં જન્મી હતી. મોટા થઈને તેઓ જ્યારે હજ પર ગયા ત્યારે દૈવી શક્તિ પ્રાપ્ત થઈ. પછી સુંદરવનમાં આવીને લોકોની રક્ષા કરવા લાગી.

રાક્ષસનું ઘમંડ દૂર કર્યું

પૌરાણિક માન્યતા અનુસાર આ જંગલ પર પહેલા દક્ષિણ રાય નામના એક રાક્ષસનું રાજ હતું. ક્રૂર રાક્ષસના અત્યાચારથી લોકોને બચાવવા માટે દેવીએ યુદ્ધમાં રાક્ષસને હરાવી દીધો. હાર્યા બાદ રાક્ષસે દયાની ભીખ માગી તો દેવીએ તેને માફ કરી દીધો.

રાક્ષસે આપ્યું હતું આ વચન

રાક્ષસે દેવીને વચન આપ્યું હતું કે તે વાઘના હુમલાથી લોકોની રક્ષા કરશે. પરંતુ તે છળ કરીને ગાઢ જંગલોમાં છુપાઈ ગયો. અહીંના સ્થાનિકો માને છે કે તે રાક્ષસ જ વાઘનું રૂપ લઈને લોકો પર હુમલો કરે છે.

સુંદરવનમાં છે પ્રતિમા

સુંદરવનના જંગલમાં વનબીબીની પ્રતિમા અનેક જગ્યાએ સ્થાપિત કરેલી છે. માછીમારો અને મધ એકત્ર કરવા આવતા લોકો જંગલમાં પ્રવેશતાં પહેલા વનબીબીની પૂજા કરે છે.

બંને ધર્મના કેટલાંકને નથી પસંદ

એક તરફ જ્યાં બંને ધર્મના લોકો આ દેવીની પૂજા કરે છે ત્યાં બીજી બાજુ હિંદુ-મુસ્લિમોનું એક જૂથ વિરોધમાં છે. હિંદુઓનું કહેવું છે કે મુસ્લિમો આ દેવીની પૂજા કેમ કરે છે અને તેમના નામની પાછળ બીબી કેમ લગાવ્યું છે. તો મુસ્લિમોને દેવીની પૂજા એટલે કે બુતપરસ્તી સામે વાંધો છે.

from Dharma Adhyatma News in Gujarati: Latest Dharma Adhyatma News, Read Breaking Dharma Adhyatma News on Iamgujarat.com – Page Array – I Am Gujarat http://bit.ly/2IZ7od7