‘ચાલ જીવી લઈએ’ના 100 દિવસ પૂરા, હજુ પણ કરી રહી છે જબરદસ્ત કમાણી

‘ચાલ જીવી લઈએ’ની પ્લેટિનમ ગ્રોસિંગ ક્બલમાં એન્ટ્રી

સિદ્ધાર્થ રાંદેરિયા, યશ સોની અને આરોહી પટેલ સ્ટારર ગુજરાતી ફિલ્મ ‘ચાલ જીવી લઈએ’ને ન માત્ર ઑડિયન્સનો જબરદસ્ત પ્રેમ મળી રહ્યો છે પણ આ આ ફિલ્મે બૉક્સ ઑફિસ પર પણ નવા રેકોર્ડ્સ સેટ કર્યા છે. ફિલ્મ ભારતની બહાર પણ સારું પ્રદર્શન કરી રહી છે. કોકોનટ મોશન પિક્સર્સના પ્રોડક્શન હેઠળ બનેલી આ ફિલ્મ ગુજરાતી ફિલ્મ ઈતિહાસની સૌથી વધુ કમાણી કરનારી ફિલ્મ બની ગઈ છે અને પ્લેટિનમ ગ્રોસિંગ ક્બબમાં સ્થાન પામી છે.

100 દિવસ પછી પણ ફિલ્મ જોવા ઑડિયન્સનો ધસારો

લીડ એક્ટર્સની શાનદાર એક્ટિંગ, દમદાર સ્ટોરી લાઈન, સુંદર ડિરેક્શન અને માઉથ પબ્લિસિટીના દમ પર ફિલ્મે બૉક્સ ઑફિસ પર 100 દિવસ પૂરા કરી લીધા છે. ફિલ્મને વિપુલ મેહતાએ ડિરેક્ટ કરી છે અને તેમાં મનોરંજનના એલિમેન્ટનો શાનદાર ઉપયોગ કરી તેમણે ઑડિયન્સને થિએટર્સમાં આવવા માટે આકર્ષી છે.

એક્ટિંગ, મ્યૂઝિક, નિર્દેશનના થઈ રહ્યાં છે વખાણ

ફિલ્મનું મ્યૂઝિક પણ લોકોને ખૂબ જ ગમી રહ્યું છે જેને સચિન-જિગર દ્વારા કમ્પોઝ કરવામાં આવ્યું છે. ફિલ્મમાં સિદ્ધાર્થ રાંદેરિયા અને યશ સોનીની પિતા-પુત્ર તરીકેની કેમિસ્ટ્રીને લોકો ખૂબ વખાણી રહ્યાં છે. આરોહીનો ચુલબુલી છોકરીનો અંદાજ પણ ઑડિયન્સને ખૂબ ગમ્યો છે.

બીજી ભાષાઓમાં પણ બની શકે છે રીમેક

ફિલ્મની સફળતા વિશે વાત કરતા પ્રોડ્યૂસર રશ્મિન મજેઠિયા કહે છે કે, ‘ચાલ જીવી લઈએ’ હવે એક ઉદાહરણ બની ગઈ છે કે, સારા કન્ટેન્ટ દ્વારા કેવી રીતે ગુજરાત જ નહીં પણ ઓવરસીઝ માર્કેટમાં પણ ઑડિયન્સને એટ્રેક્ટ કરી શકાય. અમે આ ફિલ્મને ખૂબ જ દિલથી અને પાવરફુલ સ્ટોરી સાથે બનાવી. મને લાગે છે કે, આ ફિલ્મ ભારતની બીજી પ્રાદેશિક ભાષાઓમાં પણ બનશે. અસલમાં તો અમે પ્રાદેશિક અને મેઈનસ્ટ્રીમ ઑડિયન્સ માટે આ ફિલ્મની રીમેક બનાવવાનું વિચારી રહ્યાં છીએ.’

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2WMLL40