ઉજ્જવળ તક માટે મુંબઈ તરફ પ્રયાણ કરી રહ્યું છે ઢોલિવૂડ

મુંબઈમાં રહેલી છે ઉજ્જવળ તક

દીપાલિ છતવાની: મુંબઈને સપનાઓનું શહેર કહેવામાં આવે છે અને લાગે છે કે હવે આ વાત ગુજરાતી ફિલ્મ ઈન્ડસ્ટ્રી માટે પણ સાચી પડી રહી છે. ગુજરાતી એક્ટર્સની સરખામણીમાં એક્ટ્રેસિસ વધુ પ્રમાણમાં ઉજ્જવળ તકો માટે મુંબઈ શિફ્ટ થઈ રહી છે. તો ચાલો જાણીએ મુંબઈ તરફ કેમ પ્રયાણ કરી રહ્યા છે ગુજરાતી એક્ટર્સ?

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ગુજરાતી ફિલ્મ ઉદ્યોગમાં સીમિત તક છે

ગુજરાતી ફિલ્મ અને ટીવી એક્ટ્રેસ એશા કંસારા આ મુદ્દે વાત કરતા જણાવે છે કે ગુજરાતી ફિલ્મ ઉદ્યોગમાં સીમિત તકો છે. હું જ્યારે 18 વર્ષની હતી ત્યારે જ મેં એક્ટ્રેસ બનવાનું નક્કી કર્યું હતું અને તે સમયે ગુજરાતી ફિલ્મ ઉદ્યોગની સ્થિતિ અલગ હતી માટે મેં મુંબઈ શિફ્ટ થવાનું નક્કી કર્યું હતું. પણ, હવે જ્યારે ગુજરાતી ફિલ્મ ઉદ્યોગમાં ફરી જીવંત થઈ છે ત્યારે હવે હું અમદાવાદ આવી છું અને ગુજરાતી ફિલ્મો પણ કરી ચૂકી છું. પણ, મુંબઈમાં વધારે તક હોવાને કારણે હું ત્યાં પણ રહું છું.

મુંબઈમાં ક્રિએટિવ કાર્ય કરવા માટેની આઝાદી

એક્ટ્રેસ વિધિ પરીખ જણાવે છે કે મુંબઈ શહેર ક્રિએટિવ કાર્ય કરવા માટેની આઝાદી આપે છે અને હું હાલ મુંબઈમાં ક્રિએટિવ કાર્ય કરી રહી છું. એક્ટર મિત્ર ગઢવી જણાવે છે કે કરિયર બનાવવા માટે મુંબઈ જવું તે રિસ્ક લેવા જેવું છે કારણકે અમદાવાદ એ એક પ્રકારનું કમ્ફર્ટ ઝોન છે. મુંબઈમાં તકો રહેલી છે અને સાથે-સાથે ત્યાં એક્ટરને વિવિધ પ્રકારના રોલ પણ ઓફર થાય છે. હું અત્યારે મુંબઈ શિફ્ટ થયો છું પણ આ ખર્ચાળ શહેર છે અને અહીં જીવન જીવવું અઘરું છે.

જો સારો વિષય મળશે તો ગુજરાત આવીશું

મુંબઈ શિફ્ટ થયેલો અને હાલ હિન્દી ફિલ્મ બનાવનાર ગુજરાતી ફિલ્મમેકર મિખિલ મુસળે જણાવે છે કે હું અત્યારે હિન્દી ફિલ્મ પર કામ કરી રહ્યો છું પણ જો મને સારો વિષય મળશે તો હું ચોક્કસ ગુજરાતી ફિલ્મ તરફ વળીશ. જ્યારે એક્ટ્રેસ દીક્ષા જોષી જણાવે છે કે મને અમદાવાદ ખૂબ જ પસંદ છે અને સારી તકો મળશે તો હું ચોક્કસ અમદાવાદ પરત ફરીશ.

અમદાવાદ – મુંબઈ વચ્ચે સરખામણી શક્ય નથી

ગુજરાતી ફિલ્મેમકર અભિષેક જૈન જણાવે છે કે હું જ્યારે અમદાવાદમાં હતો ત્યારે દર અઠવાડિયે મુંબઈ જતો હતો અને હવે હું મુંબઈ આવી ગયો છું. અમદાવાદ અને મુંબઈ વચ્ચે સરખામણી શક્ય નથી. જો તમારે ગુજરાતી વિષય પર કામ કરવું હોય તો ગુજરાતમાં રહેવું જરૂરી છે. જ્યારે અલિશા પ્રજાપતિ જણાવે છે કે અમદાવાદ નાનું શહેર છે અને અહીં નવા એક્ટર માટે જગ્યા બનાવવી સરળ નથી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2E7LK3c