શાહિદને ફરી કરીનાની યાદ આવી, કહ્યું – જ્યારે દિલ તૂટ્યું હતું ત્યારે…

ટ્રેલર લૉન્ચમાં શાહિદને પૂછાયા અંગત સવાલ

બોલિવૂડ અભિનેતા શાહિદ કપૂરની ફિલ્મ ‘કબીર સિંહ’નું ધમાકેદાર ટ્રેલર સોમવારે મુંબઈમાં લૉન્ચ કરવામાં આવ્યું. ફિલ્મમાં શાહિદ એક એવા આશિકની ભૂમિકામાં છે, જેનું દિલ તૂટ્યું છે. દિલ તૂટ્યા બાદ ખૂબ ખરાબ હાલતમાંથી પસાર થઈ રહેલા પ્રેમીની ભૂમિકામાં શાહિદ ખૂબ જામી રહ્યો છે. ફિલ્મના ટ્રેલરમાં શાહિદની ખરાબ હાલત જોઈ ઑડિટોરિયમમાં બેઠેલા મીડિયાવાળાઓએ તેની અસલી જિંદગી વિશે પણ સવાલ પૂછી લીધા.

સવાલને મજાકમાં ઉડાવતા શાહિદે કહ્યું આવું

પોતાની ફિલ્મ ‘કબીર સિંહ’ના ટ્રેલરની લૉન્ચ ઈવેન્ટમાં એકાએક કરીના કપૂરનું નામ વચ્ચે આવી જતા શાહિદે પહેલા તો મજાકિયા અંદાજમાં આ સવાલથી નિપટવાનો પ્રયત્ન કર્યોય. તેણે સવાલ પર સવાલ કરતા કહ્યું કે, ‘શું તમારું દિલ પણ ક્યારેય તૂટ્યું નથી? જે લોકોના દિલ નથી તૂટ્યા તે હાથ ઊંચો કરે, જુઓ… (હૉલના લોકોની તરફ ઈશારો કરતા) અહીં હાજર લોકોમાંથી કોઈનો હાથ ઊંચો ન થયો. ભૂષણજી (ફિલ્મના નિર્માતા) અને કિયારા અડવાણીના હાથ પણ ન ઉઠ્યાં. સંદીપ (ફિલ્મના નિર્દેશક)ના બંને હાથ નીચે છે કારણ કે તેમને તો આ ફિલ્મ બનાવી છે. બધાનું દિલ તૂટ્યું છે યાર.’

‘બ્રેકઅપ વખતે હું ક્લિન શેવમાં રહેતો હતો’

જ્યારે ફરીવાર સલાવ પૂછવામાં આવ્યો કે, શાહિદ તું તૂટેલા દિલ સાથે તે મુશ્કેલ સમયમાંથી કેવી રીતે બહાર આવ્યો? સવાલ સાંભળી હસીને શાહિદે કહ્યું, ‘તમે મારી લાઈફના આ પેજમાં મને જરૂર મળ્યા હશો, તો જોયું હશે કે મારો હાલ શું હતો? ફર્ક માત્ર એટલો હતો કે, હું ક્લીન શેવમાં રહેતો હતો, ક્લીન શેવમાં રહેવાથી મારા પર શું વીતી રહ્યું છે, તે કોઈને ખબર પડતી નહોતી.’

દિલ તૂટે ત્યારે બધું બેરંગ થઈ જાય છે

શાહિદે ફરી એકવાર સવાલનો ગોળ-ગોળ જવાબ આપવા લાગ્યો અને બોલ્યો, ‘દિલ તો બધાનું તૂટે છે અને મને લાગે છે કે કબીર સિંહના લેવલ સુધી કોઈ નથી લઈ જતું. બહુ ઓછા એવા લોકો હોય છે જેઓ આ લેવલે જાય છે. કદાચ એટલે જ તમે આવા પાત્રોને પડદા પર જોવાનું પસંદ કરો છો, પણ જ્યારે દિલ તૂટે છે તો કંઈ જ સારું નથી લાગતું. એવું લાગે છે કે, બધું બ્લેક એન્ડ વ્હાઈટ ફિલ્મમાં જોઈ રહ્યાં છીએ. જિંદગી બેરંગ લાગે છે.’

‘જબ વી મેટ’ વખતે પ્રેમમાં પડ્યાં શાહિદ-કરીના

દુનિયા જાણે છે કે, ‘જબ વી મેટ’ના શૂટિંગ દરમિયાન શાહિદ, અભિનેત્રી કરીના કપૂરના પ્રેમમાં પડ્યો હતો. કરીના પણ શાહિદને ખૂબ પ્રેમ કરતી હતી પણ આ લવસ્ટોરીમાં એક ખરાબ તબક્કો આવ્યો અને બધું ખતમ થઈ ગયું. કરીના અને શાહિદ અલગ થઈ ગયા અને શાહિદનું દિલ તૂટી ગયું.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2WHHXAV