મોદી 2.0માં બજાર માટેની વ્યૂહરચના

69482287

દેવર્ષ વકીલ , હેડ – એડવાઈઝરી , પ્રાયવેટ બ્રોકિંગ એન્ડ વેલ્થ મેનેજમેન્ટ , એચડીએફસી સિક્યોરિટીઝ લિમિટેડ

સત્તામાં પરત લાવતો નરેન્દ્ર મોદીનો વિજય એક સાધારણ સિદ્ધિ નથી. સ્વતંત્ર ભારતની આ એવી પ્રથમ બહુમતી સરકાર છે કે જેમાં સત્તાધારી પક્ષને કુલ 50 ટકા અથવા તેનાથી વધુ મત મળ્યા છે.

વૈશ્વિક ઇતિહાસમાં પણ એવું આ પ્રથમ વખત બન્યું છે કે જેમાં નોટબંધી અને જીએસટી જેવા આકરા સુધારાનો અમલ કરનારો રાજકીય પક્ષ સત્તા પર આવ્યો હોય.
હું માનું છું કે વિવિધ પરિબળોને કારણે તેજીનું આ બજાર હવેથી આગેકૂચ કરશે. નોટબંધી અને જીએસટી જેવા આકરા નિર્ણયોનો અમલ થઈ ચૂક્યો છે. હું માનું છું કે આપણે આગામી સમયગાળામાં અર્થતંત્ર માટે આવા પ્રકારના ડિસરપ્શન્સનો સામનો કરવો પડશે નહીં.

સરકાર હવે ટેક્સના નિયમના પાલન પર ધ્યાન કેન્દ્રિત કરશે. ઇ-વે બિલના નિયમોને આકરા બનાવવામાં આવશે. તેનાથી જીએસટી મારફત સરકારની આવકમાં વધારો થશે. ઘરેલુ અને આંતરરાષ્ટ્રીય સ્તરે પુષ્કળ નાણાપ્રવાહ આ ઇવેન્ટ પૂરી થાય તેની રાહ જોતો હતો. આ રોકાણકારો હવે બજારમાં ધસારો કરશે.

સરકાર જુલાઈમાં કેન્દ્રીય બજેટ રજૂ કરશે. બજેટમાં સરકાર રાજકોષીય શિસ્ત માટે ફરી પ્રયાસ કરશે. ભારતીય રિઝર્વ બેન્ક પાસેનાં વધારાનાં નાણાંનો ઉપયોગ તથા સરકારી કંપનીઓમાં હાલના હોલ્ડિંગના ડિસઇન્વેસ્ટમેન્ટની ધારણા રાખો. તેથી પીએસયુ શેરો અને ખાસ કરીને સરકાર હિસ્સો વેચે તેવી શક્યતા છે તેવા શેરો આગામી સમયગાળામાં લાઇમલાઇટમાં રહેશે. આવી કંપનીઓમાં હિન્દુસ્તાન ઝિન્ક અને ટાટા કોમ્યુનિકેશન વગેરેનો સમાવેશ થાય છે.

આ નાણાપ્રવાહનો મુખ્ય પાયો મ્યુચ્યુઅલ ફંડ્સ (એમએફ)માં એસઆઇપી છે, જે માસિક ધોરણે ₹8,000 કરોડને વટાવી ગયો છે. આ નાણાપ્રવાહમાં માત્ર ચાલુ જ નહીં રહેશે, પરંતુ તેમાં વધારો થશે, કારણ કે આ મહત્ત્વની ઇવેન્ટ પૂરી થાય તેની રાહ જોઈ રહેલા રોકાણકારો હવે વધુ રોકાણ કરશે.

હું માનું છું કે ટૂંકા ગાળામાં નિફ્ટી અને લાર્જ-કેપ શેરોમાં મોટો અપસાઇડ આવશે નહીં. આપણે લાર્જ-કેપ શેરોમાં ઘણા ઊંચા સ્તર માટે અર્નિંગ ગ્રોથ અને અર્થતંત્રમાં રિકવરીની રાહ જોવી પડશે. તેથી હવે સ્મોલ-કેપ અને મિડ-કેપ શેરો પર ધ્યાન કેન્દ્રિત કરવાનો સમય છે.

જો ઇતિહાસને માર્ગદર્શક ગણવામાં આવે તો 2014માં પણ આવું જોવા મળ્યું હતું. ચૂંટણીનાં બે સપ્તાહમાં નિફ્ટી સમાન સ્તરે રહ્યો હતો, પરંતુ મિડ-કેપ શેરો અને સ્મોલ-કેપ શેરોમાં ઉછાળો આવ્યો હતો. ચૂંટણીનાં બે સપ્તાહમાં સ્મોલ-કેપ ઇન્ડેક્સમાં 16 ટકા અને મિડ-કેપ ઇન્ડેક્સમાં 10 ટકાનો ઉછાળો આવ્યો હતો.
આ વખતે પણ આવું જ થવાની ધારણા છે. તેથી સારી ક્વોલિટીના સ્મોલ-કેપ અને મિડ-કેપ શેરો માટેની ફાળવણીમાં વધારો કરો. હું માનું છું કે હાલના સ્તરથી ક્વોલિટી મિડ-કેપ શેરો અને સ્મોલ-કેપ શેરોમાં ઉછાળો આવશે.

<b>ડિસ્ક્લેમર :</b>વિવિધ બ્રોકરેજ , વિશ્લેષકો અને ફંડ મેનેજરો દ્વારા આ પાના પર દર્શાવાયેલા વિચારો તેમના પોતાના છે. વાચકોએ આ ભલામણોનો અમલ કરતાં પહેલાં વ્યાવસાયિક સલાહકારોની સલાહ જરૂરી છે. ઈટી અહીં દર્શાવેલી પસંદગી માટે જવાબદાર નથી. www.economictimes.com પર ઈટીના સિદ્ધાંતોની આચારસંહિતા ચકાસવા વિનંતી છે.

from Page Array – I Am Gujarat http://bit.ly/2YQZ1ov