કરણ જોહરની ફિલ્મ ‘તખ્ત’ની રીલિઝડેટમાં ફેરફાર કરાયો, આ દિવસે આવશે થિએટર્સમાં

કરણનો અતિ મહત્ત્વનો પ્રોજેક્ટ

કરણ જોહરની આવનારી ફિલ્મ ‘તખ્ત’ ની રીલિઝ ડેટમાં ફેરફાર કરવામાં આવ્યો છે. છેલ્લા કેટલાક સમયથી ચર્ચામાં રહી હતી. આ ફિલ્મમાં કરીના કપૂર, આલિયા ભટ્ટ, વિક્કી કૌશલ, રણવીરસિંહ, ભૂમિ પેડનેકર, જાહ્નવી કપૂર અને અનિલ કપૂર જોવા મળશે. આ ફિલ્મ એક મુગલ યુગ પર આધારિત છે. આ ફિલ્મને કરણનો એક મહત્ત્વનો પ્રોજેક્ટ માનવામાં આવે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આ હતું કારણ

એક રીપોર્ટ અનુસાર આ ફિલ્મની રીલિઝડેટ રદ્દ કરી દેવામાં આવી છે. પહેલા આ ફિલ્મ 2020ની શરુઆતમાં આ ફિલ્મ રીલિઝ થવાની હતી. પરંતુ, મળતી જાણકારી પ્રમાણે આ ફિલ્મ હવે 2020ના અંત સમયમાં રીલિઝ થાય એવી શક્યતાઓ છે. આ વર્ષે શરુ થનારું ફિલ્મનું શેડ્યુલ હવે આ વર્ષને અંતે શરુ થવા જઈ રહ્યું છે. આ કરાણે ફિલ્મની ડેટમાં ફેરફાર કરવામાં આવ્યો હતો. એક એવી વાત પણ સામે આવી છે કે, મુગલયુગની ફિલ્મ હોવાને કારણે ફિલ્મનો સેટ બનવામાં સમય લાગશે તેથી રીલિઝ ડેટ પાછળ કરી દેવામાં આવી છે.

પ્રી પ્રોડક્શનમાં મોડું થયું

આ ફિલ્મનું પ્રી-પ્રોડક્શન પણ મોડું થઈ રહ્યું છે. આ કારણે ફિલ્મ 2020ના દિવાળીના તહેવારની આસપાસ રીલિઝ થશે. આ વર્ષે તેમની બે ફિલ્મ ‘કલંક’ અને ‘સ્ટુડન્ટ ઓફ ધ યર-2’ રીલિઝ થઈ હતી. જેમાંથી ‘કલંક’ સારું એવું ક્લેક્શન કરી શકી છે. રણવીરસિંહ હાલમાં કપિલ દેવ બાયોપિક ફિલ્મનું શુટિંગ કરી રહ્યો છે. જ્યારે આલિયા ભટ્ટની ‘બ્રહ્માસ્ત્ર’ ફિલ્મ આવી રહી છે. એક રીપોર્ટ અનુસાર આયુષ્માન ખુરાના અને ભૂમિની પણ એક ફિલ્મ આવવાની છે. જોકે, આ પ્રોજેક્ટ અંગે કોઈ સત્તાવાર નિવેદન સામે આવ્યું નથી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2VPP1Kg