ગોરખપુર, ભોપાલ: લોકસભા ચૂંટણીના છેલ્લા તબક્કાના મતદાન દરમિયાન યુપીમાં બે ચૂંટણી કર્મચારીઓના હાર્ટ અટેકથી મોત થયા છે. ગોરખપુર જિલ્લાના પિપરાઈચના માધોપુર પ્રાથમિક વિદ્યાલયના બુથ નંબર 381 પર તૈનાત ચૂંટણી કર્મચારીનું ડ્યૂટી દરમિયાન મોત થઈ ગયું. તો કુપવા બુથ નંબર 213માં પણ ડ્યૂટી દરમિયાન એક કર્મચારીને હાર્ટ અટેક આવ્યો, જેનાથી તેમનું મોત થઈ ગયું.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
સહાયક ચૂંટણી અધિકારી જેએન મૌર્યએ જણાવ્યું કે, 56 વર્ષના રાજારામની ચૂંટણીમાં ડ્યૂટી હતી. વહેલી સવારે 3 કલાકની આસપાસ અચાનક તબીયત બગડતાં તેમને પિપરાઈચ હોસ્પિટલ લઈ જવાયા, જ્યાં ડોક્ટરોએ તેમને મૃત જાહેર કરી દીધા. લાશને પોસ્ટમોર્ટમ માટે મોકલી અપાઈ છે. તેઓ રેલવે કર્મચારી હતા. તો, ગોરખપુરના બુથ નંબર 213માં ચૂંટણી અધિકારી વિનોદ શ્રીવાસ્તવનું હાર્ટ અટેકથી મોત થઈ ગયું.
મધ્ય પ્રદેશમાં પણ બે અલગ-અલગ મામલામાં ચૂંટણી ડ્યૂટી દરમિયાન બે સરકારી કર્મચારીના મોત થઈ ગયા. ધાર લોકસભા બેઠકના જલવત પોલિંગ બુથમાં તૈનાત ગુરુ સિંહ ચોગડનું રવિવારે સવારે હાર્ટ ફેલ થવાથી મોત થઈ ગયું. મુખ્ય ચૂંટણી અધિકારી વીએલ કાંતારાવે તેની પુષ્ટી કરી. તો, બીજા મામલામાં દેવાસ લોકસભા બેઠક પર તૈનાત પ્રિસાઈન્ડિંગ અધિકારી અનિલ નેમાનું શનિવારે રાત્રે કાર્ડિઆક અરેસ્ટથી મોત થઈ ગયું. ઉલ્લેખનીય છે કે, અંતિમ તબક્કામાં ઉત્તર પ્રદેશની 13 અને મધ્ય પ્રદેશની 8 લોકસભા બઠકો પર મતદાન થયું હતું.
from Page Array – I Am Gujarat http://bit.ly/2YyOO03
No comments:
Post a Comment