લગ્ન પહેલા જ પિતા બનવાની તૈયારી કરી રહ્યો છે સલમાન ખાન!

સલમાનના ફેન્સને આંચકો લાગશે

છેલ્લા ઘણા વર્ષોથી સલમાન ખાનના ફેન્સ તેના લગ્નની રાહ જોઈ રહ્યા છે. સલમાન બોલિવુડનો સૌથી યોગ્ય મુરતિયો છે! ઘણા સમયથી એક્ટરના લિંક અપ અને રિલેશનશીપની ચર્ચા છે તેમ છતાં સલમાને હાલ તો લગ્ન કરવાનો કોઈ મૂડ ન હોય તેમ લાગે છે. જો કે હવે સલમાનના લગ્નની નહીં પરંતુ નવી ખબર સામે આવી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સરોગસીથી પિતા બનશે સલમાન!

સલમાનના નજીકના સૂત્રનું માનીએ તો સલમાન સરોગસી દ્વારા બેબી પ્લાન કરી રહ્યો છે. જી, હા બિલકુલ બરાબર વાંચ્યું. સલમાનને બાળકો ખૂબ ગમે છે તે વાત જગજાહેર છે. સલમાન ઘણીવાર કબૂલી ચૂક્યો છે કે જો તે લગ્ન કરશે તો માત્રને માત્ર બાળકો પેદા કરવા માટે કરશે. જો કે, ભારતમાં સલમાન સરોગસીથી પિતા બને તે શક્ય નથી. જણાવી દઈએ કે, સંસદમાં સરોગસી બિલ પસાર કરવામાં આવ્યું છે. જે અંતર્ગત વ્યવસાયિક સરોગસી પ્રતિબંધિત છે અને નિઃસંતાન ભારતીય દંપતીઓને જરૂરિયાતો માટે સરોગસીની પરવાનગી આપવામાં આવશે. મતલબ કે સરોગસી વ્યવસાય નહીં પરોપકારનું સાધન હશે.

આ સેલેબ્સ પણ સરોગસીથી પેરેન્ટ્સ બન્યા છે

હવે સલમાન હાલ લગ્ન માટે તૈયાર નથી ત્યારે જાણકારી મળી રહી છે કે તે સરોગસીનો સહારો લઈ શકે છે. આ પહેલા બોલિવુડમાં કિંગ ખાન શાહરૂખ, કરણ જોહર, એકતા કપૂર અને તુષાર કપૂર જેવા સેલેબ્સ સરોગસી દ્વારા પેરેન્ટ્સ બન્યા છે. હવે આ રસ્તે કદાચ સલમાન પણ ચાલી શકે છે. હવે આ ખબર કેટલી સાચી છે તે તો સમય આવ્યે જ ખબર પડશે.

સરોગસીની પરવાનગી કોને?

સંસદમાં પસાર થયેલા સરોગસી બિલ મુજબ, એવા દંપતી જે બંને અથવા કપલમાંથી કોઈ એક માતા-પિતા બનવા માટે સક્ષમ ન હોય અથવા કોઈ કારણોસર બાળક ન થતું હોય તેઓ સરોગસીની મદદ લઈ શકે છે. અપવાદ રૂપે એવા કપલને સામેલ કરવામાં આવ્યા છે જેના બાળકો માનસિક કે શારીરિક રૂપે સક્ષમ ન હોય અથવા કોઈ ગંભીર બીમારીથી પીડાતા હોય.

કોને નહીં મળે મંજૂરી?

સરોગસી બિલમાં એવા લોકોને પણ અલગ તારવવામાં આવ્યા છે જેમને સરોગસીની પરવાનગી નહીં મળે. બિલ મુજબ, સિંગલ પુરુષ અથવા મહિલા, કુંવારા કપલ અને હોમોસેક્શુઅલ વ્યક્તિઓને સરોગસીની મંજૂરી નહીં મળે.

ઈદ પર રિલીઝ થશે ‘ભારત’

વર્કફ્રંટની વાત કરીએ તો સલમાન ખાનની ફિલ્મ ‘ભારત’ 5 જૂને ઈદના તહેવાર પર રિલીઝ થશે. આ સિવાય ભાઈજાન દબંગ 3નું શૂટિંગ પણ કરી રહ્યો છે. આ ફિલ્મ 20 ડિસેમ્બર 2019એ રિલીઝ થશે.

from Page Array – I Am Gujarat http://bit.ly/2PTndU8