શૉ-પંતની તોફાની બેટિંગ, દિલ્હી સામે હાર સાથે બહાર થઈ સનરાઈઝર્સ હૈદરાબાદ

દિલ્હી ક્વૉલિફાયરમાં. SRH બહાર

IPL12ની એલિમિનેટર મેચમાં દિલ્હી કેપિટલ્સે સનરાઈઝર્સ હૈદરાબાદને 3 વિકેટે હરાવી ક્વૉલિફાયરમાં પ્રવેશ કરી લીધો છે. દિલ્હીએ 163 રનના ટાર્ગેટને 19.5 ઓવરમાં 8 વિકેટ ગુમાવી પાર કરી લીધો. દિલ્હી માટે પૃથ્વી શોએ શાનદાર 56 જ્યારે રિષભ પંતે તોફાની 49 રનની ઈનિંગ્સ રમી. આ હારની સાથે જ હૈદરાબાદના IPL12ના અભિયાનનો અંત આવ્યો છે જ્યારે જીતનારી ટીમ દિલ્હી હવે ક્વૉલિફાયર-2માં ચેન્નઈ સુપરકિંગ્સ સાથે રમશે.

એક બોલ બાકી રહેતા મેળવી રોમાંચક જીત

163 રનના ટાર્ગેટ સામે દિલ્હીના ઓપનર શિખર ધવન (17) અને પૃથ્વી શૉ (56) શાનદાર શરૂઆત કરી હતી. બંનેએ 66 રનની ભાગીદારી નોંધાવી હતી. જોકે, બાદમાં 111 રન સુધી પહોંચતા ટીમના પાંચ વિકેટ પડી ગઈ હતી અને મુશ્કેલીઓ વધી ગઈ હતી. શૉ પણ 56 રન બનાવી આઉટ થઈ ગયો હતો. જોકે, રિષભ પંતે 21 બોલમાં 49 રનની તાબડતોબ બેટિંગ કરતા દિલ્હીને જીતની નજીક પહોંચાડી હતી. જીતમાં પાંચ રન બાકી હતા ત્યારે પંત આઉટ થયો હતો અને ફરી એકવાર ડ્રામા શરૂ થયો હતો. આખરે કિમો પૉલે ચોગ્ગો ફટકારી દિલ્હીને જીત અપાવી દીધી હતી.

મોટો સ્કોર ન બનાવી શક્યા SRHના પ્લેયર્સ

અગાઉ દિલ્હીએ ટૉસ જીતી સનરાઈઝર્સને પ્રથમ બેટિંગ આપી હતી. હૈદરાબાદે 20 ઓવરમાં 8 વિકેટે 162 રન બનાવ્યા હતા. હૈદરાબાદ માટે માર્ટિ ગુપ્ટિલ (36), મનીષ પાંડે (30) અને કેન વિલિયમ્સન (28)એ સારી ઈનિંગ્સ રમી હતી પણ મોટો સ્કોર બનાવી શક્યા નહોતા. દિલ્હી તરફથી કિમો પૉલે 3, ઈશાંત શર્માએ 2 અને ટ્રેન્ટ બૉલ્ટ-અમિત મિશ્રાએ 1-1 વિકેટ મેળવી હતી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2Wynv5c