RCBની ટીમ પર વરસી પડ્યો વિજય માલ્યા, વિરાટના પ્લેયર્સને કહ્યાં ‘કાગના વાઘ’

RCBનો પૂર્વ માલિક ટીમના પ્રદર્શનથી નાખુશ

IPLની 12મી સિઝન પૂરી થવાને આરે છે. દર વર્ષની જેમ આ સિઝન પણ અત્યંત રોમાંચક રહી. લીગ ખતમ થવાના છેલ્લા દિવસ સુધી સાત ટીમોએ પ્લેઑફમાં પહોંચવા માટે સંઘર્ષ કર્યો. દર વર્ષની જેમ આ વખતે પણ ખરાબ પ્રદર્શનને કારણે RCBની ટીમ પહેલા જ પ્લેઑફમાંથી બહાર થઈ ગઈ અને પોઈન્ટ્સ ટેબલમાં છેલ્લા સ્થાને રહી. વિરાટની ટીમ શરૂઆતની સતત 6 મેચ હારી. બાદમાં લીગના બીજા હાફમાં તેણે થોડી લય પકડી પણ ત્યાં સુધી મોડું થઈ ગયું હતું. હવે ટીમના પ્રદર્શનથી નારાજ ટીમના પૂર્વ માલિક અને ભાગેડુ દારૂના વેપારી વિજય માલ્યાએ આ ટીમને ‘કાગનો વાઘ’ કહી છે.

RCBની ટીમ મહાન, પણ માત્ર પેપર પર

માલ્યાએ RCBના કેપ્ટન વિરાટ કોહલીની એક તસવીર ટ્વીટ કરતા લખ્યું, ‘હંમેશાં એક મજબૂત લાઈનઅપ રહે છે પણ માત્ર પેપર પર. લાકડીની ચમચીથી તબાહ.’ જણાવી દઈએ કે, છેલ્લી મેચ બાદ વિરાટે ઈન્સ્ટાગ્રામ પર દર્શકોની એક તસવીર શેર કરી હતી. તે તસવીરમાં RCBના ફેન્સે એક બેનર પકડ્યું ગતું અને તેના પર લખેલું હતું, ‘અમે હંમેશાં પોતાનું માથું ઊંચું રાખીએ છીએ અને RCB માટે અમારો પ્રેમ ક્યારેય ખતમ નહીં થાય.’ આ તસવીરને શેર કરતા કોહલીએ લખ્યું, ‘બધાના પ્રેમ અને સપોર્ટ માટે ધન્યવાદ – પ્રશંસકો, ગ્રાઉન્ડ સ્ટાફ અને સહાયક કર્મચારીઓ સહિત પૂરી ટીમ. આવતા વર્ષે વધુ મજબૂત બની કમબેક કરીશું.’

14 મેચોમાં માત્ર 5 જીત, પોઈન્ટ્સ ટેબલમાં છેલ્લી

જણાવી દઈએ કે, RCBએ આ વર્ષે 14માંથી માત્ર પાંચ મેચો જીતી હતી અને એક મેચ વરસાદને કારણે ધોવાઈ ગઈ હતી. આ રીતે 11 પોઈન્ટ્સ સાથે ટેબલમાં સૌથી તળિયે રહી હતી. આ વર્ષે પણ RCBના બોલર્સ અને બેટ્સમેનોનું પ્રદર્શન કંગાળ રહ્યું અને તે જ તેમની હારનું મુખ્ય કારણ રહ્યું.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2DTIyb5