પ્રિયંકાના ભાઈના લગ્ન ફોક થયા, પ્રિયંકા બીજી વાર નણંદ બનતા બનતા રહી ગઈ!

પ્રિયંકાના ભાઈના લગ્નને લઈને ગણગણાટઃ

પ્રિયંકા ચોપરાના ભાઈ સિદ્ધાર્થ ચોપરાએ આ વર્ષની શરૂઆતમાં ઈશિતા કુમાર સાથે સગાઈ કરી લીધી હતી. ત્યાર પછી પ્રિયંકાએ તેની ભાભી સાથેના ફોટોઝ પણ ઈન્સ્ટાગ્રામ પર શર કર્યા હતા. નિક પણ આ પ્રસંગે હાજર રહ્યો હતો. એપ્રિલ મહિનાના છેલ્લા અઠવાડિયામાં થવાની ચર્ચા હતી. પરંતુ આ તારીખ નીકળી ગઈ અને લગ્ન થયા નહિ એટલે ગણગણાટ શરૂ થઈ ગયો હતો.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

યુએસથી મુંબઈ આવી હતીઃ

પ્રિયંકા ચોપરા થોડા દિવસ માટે યુ.એસથી મુંબઈ પણ આવી હતી. બધાને લાગ્યું કે તે તેના ભાઈના લગ્ન માટે આવી હશે. પરંતુ આમ ન થતા તેના ભાઈના લગ્ન ફોક થયા હોવાની ચર્ચા ઊઠી હતી. ઈશિતા કુમારે ઈન્સ્ટાગ્રામ પર તેના હોસ્પિટલના બિછાને હોવાના અને સર્જરી કરાવ્યાના ફોટોઝ શેર કરાતા બધાને લગ્યું હતું કે આ સર્જરીને કારણે લગ્ન મોકૂફ રખાયા છે અને ફેમિલી બીજુ મૂરત જોઈ રહ્યું છે.

મધુ ચોપરાએ કન્ફર્મ કર્યુંઃ

પરંતુ હવે પાક્કા સમાચાર છે કે આ લગ્ન નથી થવાના. પિંકવિલા વેબસાઈટના રિપોર્ટ અનુસાર સિદ્ધાર્થ અને ઈશિતાએ સહમતિએ આ લગ્ન ફોક કરી દીધા છે. આ પાછળનું કારણ પૂછાતા પ્રિયંકાની મમ્મીએ હોઠ સીવી લીધા હતા. ઈશિતાએ તેના ઈન્સ્ટાગ્રામ પરથી રોકાના બધા ફોટોઝ ડિલીટ કરી દીધા હતા.

અગાઉ પણ તૂટી ચૂક્યા છે લગ્નઃ

સિદ્ધાર્થના લગ્ન પહેલીવાર તૂટ્યા હોય એવું નથી. 2014માં સિદ્ધાર્થે તેની ગર્લફ્રેન્ડ કનિકા માથુર સાથે સગાઈ કરી હતી. કપલે ગોવામાં ડેસ્ટિનેશન વેડિંગ પણ પ્લાન કર્યું હતું. એ સમયે પણ લગ્ન ફોક કરાયા હતા. ખબર નહિ એ સમયે શું વાંકુ પડ્યું હતું.

from Page Array – I Am Gujarat http://bit.ly/2UZJ4tR