અખાત્રીજઃ દસ વર્ષે બની રહ્યો છે આવો શુભ સંયોગ, જાણો સોનુ ખરીદવાનું શુભ મુહૂર્ત

પવિત્ર દિવસ છે અખાત્રીજઃ

સાતમી મેના રોજ અખાત્રીજ છે. વૈશાખ મહિનાની અક્ષય તૃતિયાને ખૂબ જ શુભ દિવસ માવામાં આવે છે. આ દિવસને સર્વસિદ્ધ મુહૂર્ત માનવામાં આવે છે. જે રીતે ધનતેરસને શુભ મનાય છે એ રીતે લક્ષ્મીજીની કૃપા મેળવવા માટે અખાત્રીજનું વિશેષ મહત્વ છે. આ દિવસે કોઈપણ શુભ કાર્ય કરવા માટે વિશેષ સમય કે મુહૂર્ત જોવાની જરૂર નથી.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

આ વર્ષે બની રહ્યો છે શુભ સંયોગઃ

આ વખતે અખાત્રીજે એક દાયકા પછી ખૂબ જ સુંદર, શુભ અને અદભૂત યોગ બનવા જઈ રહ્યો છે. આ વખતે અખાત્રીજે ચાર મોટા ગ્રહોનો શુભ સંયોગ બની રહ્યો છે. જ્યોતિષ શાસ્ત્ર અનુસાર અખાત્રીજે સૌથી મોટા ચાર ગ્રહ સૂર્ય, શુક્ર, ચંદ્ર અને રાહુ ઉચ્ચ રાશિમાં ઉપસ્થિત હશે. આ દુર્લભ યોગ છે અને તેને સૌભાગ્યશાળી માનવામાં આવે છે. આ અગાઉ અખાત્રીજે આવો યોગ 2003માં બન્યો હતો.

અખાત્રીજે સોનુ ખરીદવાનું શુભ મુહૂર્તઃ

હિન્દુ માન્યતા અનુસાર અખાત્રીજે જે શુભ કામ કે ખરીદી કરાય તેનો ક્ષય નથી થતો. એટલે જ આ દિવસે સોનુ ખરીદવાનું મહત્વ છે. એવી માન્યતા છે કે જે વ્યક્તિ આ દિવસે શુભ મુહૂર્તમાં સોનુ ખરીદી ઘરે લાવે છે તેના ઘરે લક્ષ્મીજીનો વાસ થાય છે. આ અખાત્રીજે સોનુ ખરીદવાનું શુભ મુહૂર્ત સવારે 6 વાગી 26 મિનિટથી શરૂ થઈ રાત્રે 11 વાગી 47 મિનિટ છે. પૂજા માટેનું મુહૂર્ત સવારે 5.40થી બપોરે 1247 સુધી છે.

from Page Array – I Am Gujarat http://bit.ly/308xrF0