મોર્ગન સ્ટેન્લીએ રિલાયન્સ ઇન્ડ.ને ડાઉનગ્રેડ કરી ઇક્વલ વેઇટ કર્યું

69261970

મુંબઈ:ફાઇનાન્શિયલ સર્વિસિસ કંપની મોર્ગન સ્ટેન્લીએ રિલાયન્સ ઇન્ડસ્ટ્રીઝ (આરઆઇએલ) માટે તેના રેટિંગને ડાઉનગ્રેડ કર્યું છે. આરઆઇએલ માટે તેણે રેટિંગને ઓવરવેઇટથી ઘટાડીને ઇક્વલવેઇટ કર્યું છે. મોર્ગન સ્ટેન્લીની અપેક્ષા પ્રમાણે નાણાકીય વર્ષ 2020માં રિલાયન્સ ઇન્ડસ્ટ્રીઝનો વૃદ્ધિદર ઘટીને અડધો થઈ જશે. છેલ્લાં ત્રણ નાણાકીય વર્ષમાં અર્નિંગમાં 17 ટકાના ચક્રવૃદ્ધિદરે વધારો થયો છે.

મોર્ગન સ્ટેન્લીએ જણાવ્યું હતું કે છેલ્લાં બે વર્ષમાં અર્નિંગ અપસ્વિંગ ઉલ્ટાય તેવી શક્યતા છે. કોર બિઝનેસ પર દબાણ હોવાના કારણે તેનું અપસાઇડ મર્યાદિત રહેવાની શક્યતા છે. મોર્ગન સ્ટેન્લીએ કહ્યું કે, “અમને લાગે છે કે રિલાયન્સ ઇન્ડનું બે વર્ષનું અર્નિંગ અપસ્વિંગ રિવર્સ થશે. આમ છતાં રોકાણકારો ચુસ્ત ક્રૂડ માર્કેટમાં રિફાઇનિંગ હેડવિન્ડને નકારી રહ્યા છે. ગેસ અને પોલિએસ્ટર માર્કેટમાં સપ્લાયનો ભરાવો થવાના કારણે 2020માં વૃદ્ધિદર ઘટી શકે છે. કોર બિઝનેસ ધીમો પડ્યો હોવાથી રિલાયન્સ માટે અપસાઇડની શક્યતા ઓછી છે. હાલમાં કોઈ કેપેસિટીનો ઉમેરો થયો નથી.”

મોર્ગન સ્ટેન્લીએ રિલાયન્સ ઇન્ડસ્ટ્રીઝનો ટાર્ગેટ ભાવ ₹1,230થી સુધારીને ₹1,349 કર્યો છે કારણ કે તેણે ફોરવર્ડ અંદાજને રોલ કર્યો છે. મોર્ગને જણાવ્યું કે ડિજિટલ ઇન્વેસ્ટમેન્ટમાં સંભવિત અપસાઇડના કારણે સ્ટ્રક્ચરલ અપસાઇડ મળી શકે છે કારણ કે રિલાયન્સ ઇન્ડસ્ટ્રીઝ નવો બિઝનેસ રોલ આઉટ કરી રહી છે. પરંતુ એનર્જી બિઝનેસમાં તેના સાઇક્લિકલ અવરોધોના કારણે તેના શેરમાં ડાઉનગ્રેડિંગ કરવામાં આવ્યું છે.

કંપનીના અંદાજ પ્રમાણે રિલાયન્સ ઇન્ડસ્ટ્રીઝનું રિફાઇનિંગ માર્જિન નાણાકીય વર્ષ 2020માં સરેરાશ 11 ડોલર પ્રતિ બેરલ હશે જ્યારે નાણાકીય વર્ષ 2021માં તે 12.75 ડોલર પ્રતિ બેરલ હશે. જે નાણાકીય વર્ષ 2019માં 19 ટકાનો ચક્રવૃદ્ધિ વધારો દર્શાવે છે. ક્રૂડ અને નેપ્થા માર્જિનમાં નીચા ડિસ્કાઉન્ટના કારણે ઇન્ટરનેશનલ મેરીટાઇમ ઓર્ગેનાઇઝેશનની હકારાત્મક અસર ઊડી ગઈ છે.

મોર્ગન સ્ટેન્લીએ અર્નિંગનો અંદાજ 15થી 17 ટકા જેટલો રાખીને જણાવ્યું હતું કે રિલાયન્સ ઇન્ડસ્ટ્રીઝના એનર્જી બિઝનેસનું વેલ્યુએશન નાણાકીય વર્ષ 2021ના EV/EBITDA કરતા લગભગ 7.8 ગણું છે જે વધારે પડતું મૂલ્ય ધરાવે છે.

મોર્ગન સ્ટેન્લીએ કહ્યું કે, “માર્જિનની અપેક્ષામાં અવરોધક પરિબળો અને મર્યાદિત અર્નિંગ ગ્રોથ છતાં આટલું મૂલ્ય છે. માત્ર રિફાઇનિંગ કરતા અને કેમિકલ ઇક્વિટીઝ વધારે આકર્ષક લાગે છે કારણ કે તે સાઇકલના સુધારા માટે વધારે સારું લીવરેજ આપે છે અને રિલાયન્સ જેવી ઇન્ટિગ્રેટેડ કંપનીની સરખામણીમાં વધારે આકર્ષક મૂલ્ય પણ ધરાવે છે.”

દરમિયાન, બજારમૂડીની બાબતમાં રિલાયન્સ ઇન્ડસ્ટ્રીઝને પાછળ રાખીને ટીસીએસ નંબર વન બની ગઈ છે. રિલાયન્સનો શેર ગુરુવારે સળંગ ચોથા દિવસે ઘટ્યો હતો. ચાર દિવસમાં તેનું મૂલ્ય 10.79 ટકા ઘટીને ₹1,255.15 થયું છે જેથી તેની બજારમૂડી ઘટીને ₹7,95,628 કરોડ થઈ છે. ટીસીએસની માર્કેટ-કેપ ₹8,13,779.67 કરોડ છે.

from Page Array – I Am Gujarat http://bit.ly/2VUUS5c