સોશિયલ મીડિયા પર આ એક્ટ્રેસે પીએમ મોદીની ઉડાવી મજાક

એક્ટ્રેસે ઉડાવી પીએમ મોદીની મજાક

વડાપ્રધાન નરેન્દ્ર મોદી ચૂંટણી પ્રચારમાંથી આરામ મળ્યા બાદ કેદારનાથ ધામના દર્શન કરવા માટે પહોંચ્યા હતા, જ્યાં ગુફાની અંદર ધ્યાન કરતી તેમની તસવીર સોશિયલ મીડિયા પર વાયરલ થઈ હતી. ઓ ફોટો પર બોલિવુડ તરફથી પણ રિએક્શન જોવા મળ્યા. હવે બોલિવુડ એક્ટ્રેસ અને રાઈટર ટ્વિન્કલ ખન્નાએ ધ્યાનને લઈને સોશિયલ મીડિયા પર મજાક ઉડાવી છે અને મેડિટેશન કરતી એક તસવીર પોતાના ઈન્સ્ટાગ્રામ અકાઉન્ટ પર શેર કરી છે.

ટ્વિન્કલે શેર કરી તસવીર

ટ્વિન્કલ ખન્ના પોતાના નિવેદનો અને ટ્વીટ્સને લઈને સતત ચર્ચામાં રહે છે. તે સોશિયલ મીડિયા પર પણ રાજનેતાઓની મજાક ઉડાવવાની એક તક છોડતી નથી. ટ્વિન્કલે ધ્યાનની મુદ્રામાં એક ફોટો પોસ્ટ કર્યો છે, જેના કેપ્શનમાં તેણે લખ્યું છે કે, ‘છેલ્લા કેટલાક દિવસોથી આટલી બધી આધ્યાત્મિક તસવીરો જોયા બાદ, હવે હું મેડિટેશન ફોટોગ્રાફી-પોઝિઝ એન્ડ એન્ગલ્સ પર વર્કશોપની સીરિઝ શરૂ કરવા જઈ રહી છું. મને લાગે છે કે વેડિંગ ફોટોગ્રાફી બાદ ઘણી પોપ્યુલર થવાની છે #AJokeADayMayKeepJillSane’.

યૂઝર્સે ઉઠાવ્યો વાંધો

ટ્વિન્કલની આ પોસ્ટ સામે કેટલાક યૂઝર્સે વાંધો ઉઠાવ્યો છે. એક યૂઝરે તો લખ્યું છે કે, ‘પીએમ મોદી આપણા વડાપ્રધાન છે, તમારી આ રીતે તેમની મજાક ન કરવી જોઈએ’. તો બીજી એક યૂઝરે અક્ષય કુમારને ટેગ કરીને લખ્યું છે કે, ‘અમને બધાને તમારા પ્રત્યે પ્રેમ છે, પરંતુ તમારી પત્ની અમને ઈરિટેટ કરે છે’.

પીએમ મોદીએ કર્યો ટ્વિન્કલનો ઉલ્લેખ

થોડા દિવસ પહેલા અક્ષય કુમારે પીએમ મોદીનો ઈન્ટરવ્યૂ લીધો હતો. જેમાં પીએમ મોદીએ ટ્વિન્કલ ખન્ના અને તેની ટ્વીટનો ઉલ્લેખ કરતાં કહ્યું કે અક્ષય કુમારે તેમના ઘરમા રહેતી શાંતિની ક્રેડિટ તેમને આપવી જોઈએ કારણ કે ટ્વિન્કલ પોતાનો બધો ગુસ્સો સોશિયલ મીડિયા દ્વારા તેમના પણ કાઢી દે છે.

from Page Array – I Am Gujarat http://bit.ly/2WglRbM