વેકેશનમાં રાંચી આંટો મારી આવો, હિલસ્ટેશન અને ધોધ જોઈને ખુશ થઈ જશો

ફરવાના બેસ્ટ સ્થળ

ઉનાળાની ગરમીથી કંટાળી ગયા હોવ અને ઓછા બજેટમાં કુદરતનો બેસ્ટ નજારો જોવો હોય અને ટાઢક જોઈતી હોય તો ઝારખંડના મુખ્ય શહેર એવા રાંચીમાં આટો મારવા જેવો છે. રાંચી શહેર કૂલ કેપ્ટન મહેન્દ્રસિંહ ધોનીને લઈને જાણીતું છે. આ સિવાય પણ અહીં ટ્રેકિંગ કરવા માટે અને એમ જ ફરવા માટેના બેસ્ટ પ્લેસ છે. લીલાછમ જંગલ, ધોધ, ખળખળ વહેતી નદી અને જૂના મંદિર ટુરને યાદગાર બનાવી દેશે. રાંચી શહેર બ્રિટિશ શાસનકાળમાં સમર કેપિટલ હતું. જોઈએ કેટલાક બેસ્ટ પ્લેસ.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટાગોર હિલ

સમગ્ર રાંચીની સાથે કુદરતી નજારો જ્યાંથી જોઈ શકાય છે એવી ટેકરી. જ્યાં બેસીને સાંજ પસાર કરવી એક બેસ્ટ એક્સપિરિયન્સ બની રહેશે. ચારથી પાંચ દિવસ રાંચીમાં રોકાવવાનું આયોજન હોય ત્યારે એક સાંજ ટાગોર હિલ પર ખાસ પસાર કરવી જોઈએ. ટાગોર હિલને મોરાબાડી હિલ પણ કહેવામાં આવે છે. અહીં બેસીને રવિન્દ્રનાથ ટાગોરે કેટલીક કવિતાઓની રચના કરી હોવાનું માનવામાં આવે છે. રવિન્દ્રનાથ ટાગોરના ભાઈ જ્યોતિન્દ્રનાથ અહીં 1912માં રોકાયા હતા. આ જગ્યાને શાંતિધામ પણ કહેવામાં આવે છે.

વોટરફોલ

રાંચીને વોટરફોલ સિટી પણ કહેવામાં આવે છે. કારણ કે અહીં નાના-મોટા અનેક વોટરફોલ આવેલા છે. રાંચીથી 28 કિમી દૂર આવેલો છે હુન્ડ્રુ વોટરફોલ.પહાડ પરથી પડતું પાણીનો નજારો જોઈને દિલ ખુશ થઈ જશે. દુનિયાના સૌથી ઊંચા જળધોધમાં આ વોટરફોલનો પણ સમાવેશ થાય છે. દસમ ફોલ્સ. આ જગ્યા પર જઈને તમને ફિલ્મ ‘ગુરુ’નું ગીત ‘બરસો રે મેઘાં’ યાદ આવી જશે. આ ફિલ્મમાં જે રીતે વોટરફોલનો નજારો છે એવો નજારો અહીં જોવા મળશે. દસમ ફોલ્સ પાસે સ્વિમિંગ કરવા લાયક જગ્યા હોવાથી ઘણા પ્રવાસીઓ અહીં ડૂબકી લગાવે છે. રાંચી જિલ્લાંના તૈમારા ગામમાં આ વોટરફોલ આવેલો છે. રાંચીથી 40 કિમી દૂર આવેલો છે. આ વોટરફોલ્સ

જોહના ફોલ્સ

નજીકમાં જોહના ગામ આવેલું હોવાથી આ વોટરફોલ્સનું નામ જોહના રાખવામાં આવ્યું છે. તેને ગૌતમ ધારા પણ કહેવામાં આવે છે. રાજા બલદેવસિંહ બિરલાના પુત્રોએ અહીં નજીકમાં એક મંદિર અને આશ્રમ તૈયાર કરાવ્યા છે. જે હકીકતમાં એક બૌદ્ધ સ્તૂપ છે. પણ અહીં ઉનાળામાં દેશ-વિદેશમાંથી પ્રવાસીઓ કુદરતી નજારો જોવા માટે આવે છે. ખાસ કરીને અહીં વહેલી સવારનો નજારો માણવા લાયક છે. રાંચી સિટીથી તે 40 કિમી દૂર છે. આ સિવાય અહીં હીરણી ફોલ્સ પણ જોવા જેવો છે. જે શહેરથી 70 કિમી દૂર આવેલો છે. આ જગ્યા ખૂબ જ એડવેન્ચર અને અનોખા એક્સાઈટમેન્ટથી ભરી છે.

જગન્નાથ મંદિર

જે રીતે ઓડિશાનું જગન્નાથ મંદિર જાણીતું છે એમ ઝારખંડનું જગન્નાથ મંદિર પણ ખાસ જોવા જેવું છે. અહીં મંદિર પરિસરમાં એક ગાર્ડન છે અને અહીં આસપાસનો નજારો પણ બેસ્ટ છે. વર્ષ 1691માં આ મંદિર તૈયાર થયું હતુ. અહીં પણ દર અષાઢી બીજના દિવસે રથયાત્રાનું આયોજન થાય છે. પહરી મંદિર પણ ખાસ જોવા જેવું છે. જે મહાદેવનું મંદિર છે. કુલ 2140 ફૂટની ઊંચાઈએ આવેલા આ મંદિરની ટેકરી પરથી નજારો એક વખત માણવા જેવો છે. વૈદ્યનાથ મંદિર. બાર જ્યોર્તિલિંગ પૈકીનું એક જ્યોર્તિલિંગ ઝારખંડમાં આવેલું છે તે વૈદ્યનાથ મંદિર છે. આ એ જ જગ્યા છે જ્યાં રાવણે તપ કરીને શિવજી પાસે વરદાન માગ્યું હતું કે તેમને દસ માથા જેટલું જ્ઞાન આપવામાં આવે. અહીં શિવ પ્રકારમાંથી ઉત્પન્ન થયા છે.

રજરપ્પા

માતા છિન્નમસ્તિકેનું મંદિર ઝારખંડના રજરપ્પામાં આવેલું છે. ઝારખંડના રામગઢ જિલ્લામાં આ ભક્તોનું જાણીતું મંદિર છે. નવરાત્રીના દિવસોમાં અહીં ખૂબ જ ભીડ રહે છે. અહીં મંદિરની ખાસ વાત એ છે કે, અહીં બીરાજમાન દેવીનું શિશ નથી. ઝારખંડ સિવાય બિહાર અને પશ્ચિમ બંગાળમાંથી લોકો અહીં દર્શન કરવા માટે આવે છે. આ મંદિરનું પરિસર ખૂબ જ સુંદર છે.

શિખરજી મંદિર

પારસનાથ હિલ પર આવેલા શિખરજી મંદિર પરથી એક અદ્ભૂત નજારો જોવા મળે છે. અહીં જૈન મંદિર હોવા છતા અનેક બીજા શ્રદ્ધાળુઓ પર દર્શન કરવા માટે આવે છે. આ જગ્યા રાજ્યની સૌથી વધુ ઊંચાઈએ આવેલી જગ્યા છે. અહીં ખાસ કરીને ફોટોગ્રાફર્સ અને ટ્રેકિંગ કરનારા લોકો વધારે મુલાકાત લે છે. અહીં હિલ પર નાના-મોટા કુલ 20 મંદિર આવેલા છે. ખાસ જલ મંદિર પાશ્વનાથ અને ગૌતમ મંદિરમાં ખાસ દર્શન કરવા જેવા છે.

નક્ષત્ર વન

જંગલની અંદરે એક એવો બગીચો ઊભો કરવામાં આવ્યો છે કે ફોટા પાડીને થાકી જશો. શાંતિનો અહેસાસ અને કુદરતી ઠંડક માણવી હોય તો નક્ષત્ર વનમાં આંટો મારવા જેવો છે. અહીં આવ્યા બાદ કોઈ નકારાત્મક વિચાર નહીં આવે. કારણ કે 27 નક્ષત્રનો અભ્યાસ કરીને બગીચો તૈયાર કરવામાં આવ્યો છે. આ ઉપરાંત રાંચીથી રામગઢ જવાના રસ્તે નેશનલ હાઈવે 33 પર ચાલા ગામ નજીક એક ભગવાન બિરસા બાયોલોજિક પાર્ક આવેલું છે. જે હકીકતમાં પ્રાણી સંગ્રહાલય છે. લોંગ ડ્રાઈવની મજા માણવી હોય તો આ રુટ બેસ્ટ છે.

 

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2WjOFzW