‘થોર’, ‘ટર્મિનેટર’ જેવી જાણીતી ફિલ્મોના એક્ટરે બ્રિજ પરથી કૂદીને આત્મહત્યા કરી

ઈસાક કેપીએ બ્રિજ પરથી કૂદી જીવન ટૂંકાવ્યું

42 વર્ષીય એક્ટર ઈસાક કેપીએ બ્રિજ પરથી કૂદીને આત્મહત્યા કરી છે. ઈસાક જાણીતી ફિલ્મ ‘થોર’માં પોતાના કેરેક્ટર માટે જાણીતો હતો. USA ટૂડેના રિપોર્ટ અનુસાર, અભિનેતાએ એરિઝોનાના ફ્લેગસ્ટાફની પાસેના એક પુલ પરથી હાઈવે પર કૂદીને આત્મહત્યા કરી છે. એરિઝોનાના સાર્વજનિક સુરક્ષા વિભાગે આ જાણકારી આપી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

બે યુવકોએ બચાવવા માટે પ્રયત્ન કર્યો પણ…

રિપોર્ટ અનુસાર બે યુવકોએ તેને કૂદતો અટકાવવા માટે પ્રયત્ન પણ કર્યો હતો પણ તે સફળ ન રહ્યાં અને એક વાહન સાથે ટકરાવાને કારણે ઈસાકનું ઘટનાસ્થળે જ મોત નિપજ્યું. એક્ટરે આત્મહત્યા કરતા પહેલા ઈન્સ્ટાગ્રામ પર લાંબો અને દિલ તોડી નાખનારો મેસેજ કર્યો છે.

ઈન્સ્ટાગ્રામ પર લખ્યો ઈમોશનલ મેસેજ

http://bit.ly/2Yy33C8

તેણે પોતાની પોસ્ટમાં લખ્યું, ‘છેલ્લા એક સપ્તાહથી મેં પોતાની જાત અંગે ઘણી પ્રકારના આત્મમંથન કર્યા છે. હું મારી જાતને એક સારો માણસ સમજતો હતો પણ હું એક સારો માણસ નથી પણ કહેવા માગું છું કે, કે, હું જીવનભર એક ખરાબ વ્યક્તિ રહ્યો છું.’

દારૂ-ડ્રગ્સની લતથી હતો પરેશાન

પોતાની આ પોસ્ટમાં તેણે દારૂ અને ડ્રગ્સ સાથે સંધર્ષની સફર પણ વર્ણવી છે. તેણે જિસસ ક્રાઈસ્ટ, અમેરિકન રાષ્ટ્રપતિ ડોનાલ્ડ ટ્રમ્પ અને તે તમામ લોકોની માફી માગી જેમના દિલ તેણે જાણતા-અજાણતા દુભાવ્યા છે. ઉલ્લેખનીય છે કે, એક્ટર સેટ ગ્રીન સાથે તણાવને કારણે પણ ઈસાક ચર્ચામાં રહ્યો હતો.

જાણીતી ફિલ્મોમાં કરી ચૂક્યો છે કામ

તેણે ઘણી મોટી ફિલ્મોમાં નાના પાત્રો ભજવ્યા હતા. 2011માં બ્લોકબસ્ટર ફિલ્મ ‘થોર’માં તેણે પોતાના રોલ દ્વારા સૌથી વધુ નામના મેળવી હતી. આ ઉપરાંત 2009માં આવેલી ‘ટર્મિનેટર સાલ્વેશન’માં તેણે બારબારોસા અને આ જ વર્ષે આવેલી ‘ફેનબૉયઝ’માં ગરફનકેલનું પાત્ર ભજવ્યું હતું.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2HlPFLE