માઈકલ જેક્સનની બાયોપિક બનાવવા માગે છે આ કલાકાર, કરી દિલ ખોલીને આ વાત

ટાઈગરને ગમે છે આ ડાન્સરના સ્ટેપ

જેબા હસન. ટાઈગર શ્રોફની ડાન્સિગ સ્ટાઈલના સૌ કોઈ દિવાના છે. બોલિવૂડના એક્શન હીરોની સાથે તે ડાન્સિગ સ્ટાર પણ છે. તેના ફ્રી સ્ટાઈલ સ્ટેપ પરથી એવું લાગે છે તે બાળપણથી જ ડાન્સ કરી રહ્યો હશે. પણ ડાન્સ સાથેનો તેનો લગાવ છ વર્ષ જૂનો છે. આ અંગે એક ઈન્ટરવ્યૂમાં ટાઈગર શ્રોફે કહ્યું હતું કે, જ્યારે મે ફિલ્મ ‘હિરોપંતી’ સાઈન કરી હતી ત્યારે મે વિચાર્યું હતું કે, હું માઈકલ જેક્સનની જેમ ડાન્સ કરીશ. પણ હું રીતિકના ડાન્સનો પણ ફેન છું. આજે હું જ્યાં છું એની પાછળ માઈકલ જેક્સન છે. કારણ એ મારી પ્રેરણા હતા. પહેલી ફિલ્મ સાઈન કરતા પહેલાના એક વર્ષથી ડાન્સની પ્રેક્ટિસ કરી હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

છેલ્લા છ વર્ષથી ડાન્સ સાથે લગાવ

હું નાનપણથી ડાન્સ કરી રહ્યો છું એવું નથી પણ હું છેલ્લા છ વર્ષથી ડાન્સ કરી રહ્યો છું. ડાન્સ કરવા માટે ખૂબ મહેનત કરી છે. આખો દિવસ પ્રેક્ટિસમાં પસાર થઈ જતો હતો. હું ખૂબ શરમાળ છું. જે ખતમ કરતા સારો એવો સમય થયો હતો. અત્યાર સુધીમાં મે એક્શન અને રોમેન્ટિક ફિલ્મો કરી છે. પણ હું કોઈ દાયરામાં બંધાવા માગતો નથી. મારા પાત્રોની મદદથી હું દેશની પ્રજાની વચ્ચે જવા માગું છું. રિયાલીસ્ટિક ફિલ્મો પણ કરવા માગું છું. ઘણા લોકોની બાયોપિક બની છે પણ હું માઈકલ જેક્સનની બાયોપિકમાં કામ કરવા ઈચ્છું છું. મને ચાન્સ મળશે તો અવશ્ય હું કામ કરીશ.

એક દિવસ જરુર ત્યાં પહોંચીશ

આજે માઈકલ જેક્સનને દુનિયમાં દરેક લોકો, શેરીના બાળકો ઓળખે છે. તેની જેમ હું પણ મારા જીવનમાં એ ઊંચાઈ સુધી પહોંચવા માગું છું. આ સિવાય રીતિક રોશન સાથે મારી એક એક્શન ફિલ્મ આવી રહી છે. જે આ વર્ષે ઓક્ટોબરમાં રીલિઝ થશે. આ સિવાય ‘બાગી-3’ પણ આવી રહી છે. ‘સ્ટુડન્ટ ઓફ ધ યર-2’ માટે મને ખ્યાલ હતો કે લોકો તુલના કરશે. આ ફિલ્મ બે નવા કલાકારો માટે લ઼ૉન્ચ પેડ સમાન રહી છે. આ ફિલ્મના લુક માટે મારે ઘણી મહેનત કરવી પડી હતી. આ ફિલ્મ માટે મે મારી ટફ બોડીને ડાયેટથી પાતળી કરી છે. આ ફિલ્મમાં હું મારી કૉલેજ લાઈફને જીવી ગયો છું.

દર્શકોની આશા હોય છે.

એક વાત મારા માટે પરીક્ષા સમાન છે કે, લોકોને મારી પાસેથી એક આશા હોય છે. લોકો આપણને એક માઈક્રોસ્કોપથી જોતા હોય છે. ફિલ્મો સારી કરી રહ્યા છીએ કે ખરાબ, ખાનગી જીવનમાં પણ શું ચાલી રહ્યું છે. આ તમામ ખબર તેઓ વાંચવા માગે છે. હું એક સમયે ફૂટબોલ પ્લેયર બનવા માગતો હતો. પણ એ સમયે સ્પોર્ટ્સમાં ખાસ એવી કોઈ તક ન હતી. પછી ફિલ્મોમાં કામ મળવા લાગ્યું. મારા પપ્પાની સ્ક્રિન પ્રેઝેન્સ ખૂબ જ સરસ છે. તેનો કેરિયર ગ્રાફ ઊચો છે પણ આજે પણ તેઓ ગ્રાઉન્ડ લેવલના માણસ છે. તેની પરિંદે ફિલ્મ મને ખૂબ ગમે છે. જ્યારે તેમને બાગી-2 ગમે છે. તેમણે કરેલી સ્ટ્રગલ તેમણે મારી સામે રાખી નથી. હું પપ્પાની ઓળખ કરતા હું મારી ઓળખ ઊભી કરવા માગતો હતો.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2M83h1J