Heroએ લોન્ચ કરી 3 નવી બાઈક, જાણો તેની કિંમત

કંપનીએ લોન્ચ કર્યા 3 બાઈક

નવી દિલ્હીઃ લાંબી રાહ જોયા બાદ આખરે હીરો મોટોકોર્પએ ભારતમાં XPulse 200 અને XPulse 200T બાઈક લોન્ચ કરી દીધી છે. હીરોએ XPulse 200ના Carb વેરિયન્ટની દિલ્હીમાં એક્સ-શોરૂમ કિંમત 97,000 રૂપિયા રાખી છે. જ્યારે Xpulse 200ના ફ્યૂલ-ઈંજેક્ટેડ વેરિયન્ટની દિલ્હીમાં એક્સ-શોરૂમ કિંમત 1.05 લાખ રૂપિયા છે. જ્યારે XPulse 200T માત્ર carb વેરિટન્ટમાં જ આવશે. તેની એક્સ-શોરૂમ કિંમત 94,000 રૂપિયા છે. આ ઉપરાંત કંપનીએ Xtreme 200Rનું ફુલી ફેયર્ડ વર્ઝન પણ લોન્ચ કર્યું છે. જેનું નામ Xtreme 200S છે અને દિલ્હીમાં તેની એક્સ-શોરૂમ કિંમત 98,500 રૂપિયા છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

10 દિવસમાં શરૂ થશે ડિલીવરી

હીરો મોટોકોર્પે જાહેરાત કરી છે કે આ ત્રણેય બાઈકની ડિલીવરી 10 દિવસમાં શરૂ કરી દેશે. કંપનીએ કહ્યું છે કે દેશના મોટાભાગના હિસ્સામાં આ બાઈકની ડિલીવરી આ મહિનાના અંત સુધીમાં શરૂ થઈ જશે. હીરો XPulse 200 અને XPulse 200T બંને બાઈકમાં 199.6ccનું સિંગલ સિલિન્ડર, એર કૂલ્ડ એન્જિન આપવામાં આવ્યું છે. આ બાઈકસમાં 5 સ્પીડ ટ્રાંસમિશન છે. બાઈકમાં 18bhpનો પાવર અને 17Nm ટોર્ક જનરેટ કરે છે.

કંપની ડીલરશિપમાં શરૂ થઈ ગયું છે બુકિંગ

બ્રેકિંગ સિસ્ટમની વાત કરીએ તો XPluse 200 અને XPulse 200Tના ફ્રન્ટમાં 276mm ડિસ્ક બ્રેક આપવામાં આવી છે, જ્યારે રિયરમાં 220mm ડિસ્ક બ્રેક છે. વધારે સેફ્ટી અને વધારે પ્રભાવી બ્રેકિંગ માટે આ બાઈકસમાં સિંગલ ચેનલ એન્ટી લોક બ્રેકિંગ (ABS) સિસ્ટમ આપવામાં આવી છે. આ બંને બાઈક્સ માટે દેશભરમાં કંપનીની ડીલરશિપ પર બુકિંગ શરૂ થઈ ગયું છે. બાઈકમાં LED હેડલેમ્પ આપવામાં આવ્યા છે. 5 કલર ઓપ્શનમાં મળશે આ બાઈક્સ.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2GWeAoY