IPL 2019 : ફાઈનલમાં જે ટીમ કરશે આ કામ, ટ્રૉફી તે જ લઈ જશે

આ ફેક્ટર નક્કી કરશે IPL2019નો ચેમ્પિયન

IPL12ની ફાઈનલમાં ટક્કર માટે રોહિત શર્માની મુંબઈ ઈન્ડિયન્સ અને ધોનીની ચેન્નઈ સુપરકિંગ્સ તૈયાર છે. બંને ટીમો આ લીગની ફાઈનલમાં ચોથી વખત સામસામે થશે. અગાઉ ત્રણ વખત બંને વચ્ચે ટક્કર થઈ છે જેમાં મુંબઈએ બે અને ચેન્નઈએ એક ફાઈનલ જીતી છે. જોકે, એક વાત દરેક વખતે ચેમ્પિયન બનનારી ટીમમાં સમાન રહી છે અને તે છે પ્રથમ બેટિંગનો નિર્ણય. એટલે કે જે પણ ટીમ પ્રથમ બેટિંગ કરે છે તેની જીતની શક્યતા વધારે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ચેન્નઈ આઠમી, મુંબઈ પાંચમી વખત ફાઈનલમાં

અમે આ વાત આંકડાઓના આધારે કહી રહ્યાં છીએ. જોકે, પ્રથમ કે બાદમાં બેટિંગ કરનારી ટીમ ચેમ્પિયન બની શકે તેવી પૂરી શક્યતા છે. આ લીગમાં અત્યાર સુધી ચેન્નઈ આઠ વખત ફાઈનલમાં પહોંચી છે જ્યારે મુંબઈ પાંચ વખત આ સિદ્ધિ મેળવી ચૂકી છે. આંકડાઓ પર નજર કરીએ તો એ સ્પષ્ટ થાય છે કે, આ બંને ટીમો વચ્ચે રમાયેલી ફાઈનલમાં જેણે પ્રથમ બેટિંગ કરી છે તેને જ જીત મળી છે.

2010ની ફાઈનલ

આ સિઝનની ફાઈનલમાં ધોનીની યલો આર્મીની ટક્કર સચિન તેંડુલકરના સુરમાઓ સાથે થઈ હતી. ચેન્નઈએ પ્રથમ બેટિંગ કરતા પાંચ વિકેટે 168 રન બનાવ્યા હતા. જેની સામે મુંબઈ નવ વિકેટ ગુમાવી 146 રન જ બનાવી શકી હતી અને ચેન્નઈ 22 રનથી મેચ જીતી ગઈ હતી.

2013ની ફાઈનલ

2013ની IPL ફાઈનલમાં રોહિતની મુંબઈની ટક્કર ધોનીની ચેન્નઈ સાથે થયો. આ મેચમાં મુંબઈ ટૉસ જીતી પ્રથમ બેટિંગ કરતા નવ વિકેટ ગુમાવી 148 રન બનાવ્યા હતા જેના જવાબમાં ચેન્નઈ 23 રનથી હારી ગઈ હતી. અહીં મુંબઈ ચેન્નઈને હરાવી IPLમાં પ્રથમવાર ચેમ્પિયન બની હતી.

2015ની ફાઈનલ

IPLની ફાઈનલમાં છેલ્લે 2015માં આ બંને ટીમો સામસામે આવી હતી. આ મેચમાં ધોનીએ ટૉસ જીતી મુંબઈને બેટિંગ આપી મોટી ભૂલ કરી દીધી હતી. મુંબઈએ પાંચ વિકેટ ગુમાવી 202 રનનો વિશાળ સ્કોર બનાવ્યો હતો, જેની સાાથે ચેન્નઈ 161 રન જ બનાવી શકી અને મેચ 41 રનથી ગુમાવવી પડી અને મુંબઈ બીજીવાર ચેમ્પિયન બન્યું.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2VhMJ6o