અમદાવાદ: તાજેતરમાં જ ગુજરાત સરકારે જાહેરાત કરી હતી કે, અંડર ગ્રેજ્યુએટ મેડિકલ કોર્સ માટે 1150 નવી બેઠકો ઉમેરવામાં આવશે. પરંતુ અત્યાર સુધીમાં માત્ર 100 બેઠકો ઉમેરવામાં જ સફળ રહ્યા છે. સરકારના સૂત્રોએ જણાવ્યા પ્રમાણે, આ અંગેની દરખાસ્ત કેન્દ્ર સરકારને મોકલવામાં આવી હતી તેમ છતાં રાજ્ય સરકારે 100 બેઠકો જ ઉમેરીને સંતોષ માનવો પડશે. 28 જૂને ગુજરાત સરકારના અધિકારીઓએ કેંદ્ર સરકાર સાથે મુલાકાત કરી હતી પરંતુ વાત આગળ વધી નહોતી, તેમ સૂત્રોએ જણાવ્યું.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
રાજકોટ મેડિકલ કોલેજ અને ભાવનગર મેડિકલ કોલેજ બંનેમાં 50-50 બેઠકો ઉમેરવામાં આવી છે. હાલમાં જ ગુજરાત સરકારે મેડિકલ, એન્જિનિયરિંગ અને અન્ય પ્રોફેશનલ કોર્સની બેઠકોમાં 25% વધારો જાહેર કર્યો હતો. આ વર્ષની શરૂઆતમાં કેંદ્ર સરકારે આર્થિક પછાત વર્ગ (EWS) માટે નક્કી કરેલા 10% અનામત ક્વોટાને અમલમાં મૂકી શકાય અને તેનાથી SC, ST અને OBC ક્વોટાને અસર ના થાય તે ધ્યાને રાખીને આ નિર્ણય લેવાયો હતો.
રાજ્યમાં મેડિકલ કોર્સ માટે 4650 બેઠકો છે. અને રાજ્ય સરકારે વધુ 1150 બેઠકો ઉમેરવા માટે પ્રસ્તાવ મોકલ્યો હતો. સોમવારે મેડિકલ કોર્સનું મેરિટ લિસ્ટ જાહેર થશે. સરકારના સૂત્રોએ જણાવ્યું, “પહેલા રાઉન્ડમાં સ્ટુડન્ટ્સનું રિપોર્ટિંગ થવામાં વિલંબ થઈ શકે છે કારણકે ઓલ ઈન્ડિયાના એડમિશનની તારીખો સાથે ક્લેશ થાય છે. અગાઉ રિપોર્ટિંગ 6 જુલાઈથી શરૂ થતું હતું પણ આ વર્ષે સમયગાળામાં ફેરફાર થશે.”
મેડિકલમાં એડમિશન લેવા માટે ઓલ ઈન્ડિયા ક્વોટાનું કાઉન્સેલિંગ કરતી મેડિકલ કાઉન્સેલિંગ કમિટી (MCC) 30 જૂન 2019 સુધી બેઠકોની ફાળવણી કરશે અને 1 જુલાઈએ પહેલું લિસ્ટ બહાર પાડશે. જે વિદ્યાર્થીઓને પહેલા રાઉન્ડમાં સીટ મળી હોય તેમણે 1થી 6 જુલાઈની વચ્ચે એડમિશન લેવાનું રહેશે. ગુજરાતમાં મેડિકલ, ડેન્ટલ, આયુર્વેદિક અને હોમિયોપેથિકના અંડર ગ્રેજ્યુએટ કોર્સમાં એડમિશન માટે 24,840 વિદ્યાર્થીઓએ રજિસ્ટ્રેશન કરાવ્યું. જેમાંથી 23,591 વિદ્યાર્થીઓએ હેલ્પલાઈન સેન્ટર પર ડૉક્યુમેન્ટ્સ વેરિફાઈ કરાવ્યા.
from Page Array – I Am Gujarat https://ift.tt/2Xz4Dah
No comments:
Post a Comment