અમદાવાદઃ વલસાડની એક યુવતીએ ઓનલાઈન ઓર્ડર કરેલું પાર્સલ ઘર ડિલિવરી બોય સુધી આપવા ન આવતા ગ્રાહક કોર્ટે ઈ-કોમર્સ જાયન્ટ અમેઝોન વળતર ચૂકવવાનો આદેશ કર્યો છે. કંપની તરફથી આવેલા ડિલિવરી બોયે ઘરે આવીને ઓર્ડર આપવાથી ઈનકાર કરતા ટાઉનશીપના ગેટ પર આવીને ઓર્ડર લઈ જવા માટે કહી રહ્યો હતો.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
વસલાડની ગ્રાહક કોર્ટ દ્વારા અમેઝોન કંપનીને નેહા ગેડર નામની યુવતીને 3000 રૂપિયા દંડ ચૂકવવા માટે કહેવાયું છે. નેહાએ NET માટે તૈયારી કરી રહેલી પોતાની માતા માટે અમેઝોન પરથી 3 પુસ્તકો ઓર્ડર કર્યા હતા. ગ્રાહક કોર્ટે પોતાના નિવેદનમાં કહ્યું કે, આ રકમ કંપની દ્વારા પુસ્તકોની હોમ ડિલિવરી ન આપવા અને શારીરિત તથા માનસિક પરેશાની બદલ કંપનીને ચૂકવવી પડશે.
નેહાએ 13 મે, 2018માં ‘કેશ ઓન ડિલિવરી’ પર 3 પુસ્તકો મગાવ્યા હતા. અમેઝોનના ડિલિવરી બોય 16 જૂને નેહાને ફોન કર્યો અને પોતાનું પાર્સલ ટાઉનશીપના ગેટ પરથી લઈ જવા માટે કહ્યું. પરંતુ નેહા હોમ ડિલિવરીની કરવાની માગણી કરતી રહી. ડિલિવરી બોયે ઈનકાર કરતા કહ્યું કે હોમ ડિલિવરી કરવાનું કામ તેનું નથી.
ડિલિવરી બોયે આ બાદ નેહાને કહ્યું કે જો તે પાર્શલ કલેક્ટ કરવા માટે ટાઉનશિપના ગેટ પર નહીં આવે તો ઓર્ડર રીટર્ન થઈ જશે. નેહા પણ પાર્સલ લેવા ન ગઈ. તેણે અમેઝોનના કસ્ટમર કેરમાં ફોન કર્યો પરંતુ ટેલીકોલરે તેની માફી માગી પોતાનો ઓર્ડર ફરીથી કરવા માટે જણાવ્યું.
અમેઝોનના અધિકારી સાથે વાત કર્યા બાદ નેહાએ 25000 રૂપિયાના દાવો કર્યો અને 5000 માનસિક પરેશાની માટે વળતર માગ્યું. અમેઝોને પોતાના બચાવમાં કહ્યું કે નેહાનો ઓર્ડર ડિલિવર થઈ શકે એમ નહોતો. અમેઝોને વધુમાં કહ્યું તે માત્ર ઓનલાઈન માર્કેટ પ્લેસ છે અને હોમ ડિલિવરી તેની જવાબદારી નથી. પરંતુ જે કંપનીએ બૂક ડિલિવરી કરી છે હકીકતમાં તે જવાબદાર છે.
કંપનીએ દાવો કર્યો કે તે કોઈ એગ્રીમેન્ટને બંધનકર્તા નથી. પરંતુ ગ્રાહક અને બૂક્સ સપ્લાય કરતી કંપની વચ્ચે કોન્ટ્રાક્ટ છે. છેલ્લે અમેઝોને કહ્યું નેહાએ પોતાના ઓર્ડર રીટર્ન કર્યો હતો. પરંતુ કોર્ટે અમેઝોનની દલીલો સ્વીકારી નહીં અને પાર્સલ ડિલિવર ન થવા માટે તેને જવાબદાર ગણાવી.
from Page Array – I Am Gujarat https://ift.tt/2ZW9boy
No comments:
Post a Comment