આગામી અઠવાડિયે દ. ગુજરાત અને સૌરાષ્ટ્રની સાથે અમદાવાદમાં તૂટી પડશે વરસાદ

અમદાવાદ, સુરત, રાજકોટઃ પાછલા ત્રણ-ચાર દિવસથી રાજ્યમાં દક્ષિણ ગુજરાત સૌરાષ્ટ્ર અને ડાંગ સહિતના વિસ્તારોમાં તોફાની વરસાદ થઈ રહ્યો છે. આગામી સમયમાં પણ હવામાન વિભાગની આગાહી પ્રમાણે દક્ષિણ ગુજરાત અને સૌરાષ્ટ્રના કેટલાક ભાગોમાં ભારેથી અતિભારે વરસાદ થવાની આગાહી વ્યક્ત કરવામાં આવી છે. જેમાં મધ્ય ગુજરાતના કેટલાક ભાગોનો પણ સમાવેશ થાય છે. અપર એર સાઈક્લોનિક સર્ક્યુલેશનની અસરના કારણે ગુજરાતમાં ભારેથી અતિ ભારે વરસાદ થવાની આગાહી વ્યક્ત કરવામાં આવી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આજની વાત કરીએ તો રાજ્યમાં ભરુચ, સુરત, તાપી, નવસારી, ડાંગ, વલસાડમાં ભારેથી અતિભારે વરસાદની આગાહી વ્યક્ત કરાઈ છે. જ્યારે આણંદ, ખેડા, પંચમહાલ અને દાહોદમાં પણ છૂટોછવાયો વરસાદ થઈ શકે છે. સૌરાષ્ટ્રની વાત કરીએ તો આજે ગીર સોમનાથની સાથે ભાવનગર, બોટાદ, રાજકોટ, અમરેલી અને દીવમાં વરસાદ થવાની સંભાવના વ્યક્ત કરવામાં આવી છે. મહત્વનું છે આ જગ્યાઓ પર છેલ્લા 2 દિવસથી સારા પ્રમાણમાં વરસાદ થઈ રહ્યો છે. આ આગાહી જ્યાં કરાઈ છે અને જ્યાં વરસાદ થઈ રહ્યો છે ત્યાં મોટી સંખ્યામાં ખેતીલાયક જમીનો આવેલી છે જેથી ખેડુતોમાં વરસાદ થતા આનંદની લાગણી છે. આગામી સમયમાં પણ આવો વરસાદ વરસતો રહે તેવી ઈચ્છા ખેડૂત વર્ગ દ્વારા વ્યક્ત કરાઈ રહી છે.

સોમવારથી થનારા વરસાદની આગાહી અંગે જણાવીએ તો, દક્ષિણ ગુજરાતમાં સામાન્યથી ભારે વરસાદ થવાની સંભાવના હવામાન વિભાગ દ્વારા વ્યક્ત કરવામાં આવી છે જેમાં ભરુચ, સુરત, તાપી, નવસારી, ડાંગ, વલસાડ અને દમણનો સમાવેશ થાય છે. આ સિવાય ઉત્તર અને મધ્ય ગુજરાતમાં આણંદ, ખેડા, પંચમહાલ, દાહોદ સહિતના વિસ્તારોમાં સામાન્ય વરસાદ થઈ શકે છે. વાત સૌરાષ્ટ્રની કરીએ તો ગીર સોમનાથ, બોટાદ, રાજકોટ, અમરેલી, દીવ વગેરે સ્થળોએ છૂટોછવાયો વરસાદ થવાની સંભાવના છે. અપર એર સાઈક્લોનિક સર્ક્યુલેશનની અસરના લીધે સોમવાર પછી આગામી દિવસોમાં પણ રાજ્યમાં સારો વરસાદ થવાની આગાહી છે.

3 અને 4 જૂલાઈએ ફરી એકવાર મેઘરાજાનું તાંડવ દક્ષિણ ગુજરાત, સૌરાષ્ટ્ર અને રાજ્યના અન્ય છૂટાછવાયા વિસ્તારોમાં થઈ શકે છે. જેમાં અમદાવાદ, ગાંધીનગર, ખેડા, મહિસાગર, દાહોદ, પંચમહાલ, અરવલ્લી વગેરે જગ્યાએ વરસાદની સંભાવના વ્યક્ત કરાઈ છે. હવામાન વિભાગની આગાહી પ્રમાણે 3 અને 4 તારીખે ફરી રાજ્યમાં તોફાની વરસાદ થઈ શખે છે. જેમાં દક્ષિણ ગુજરાત, સૌરાષ્ટ્ર સહિત મધ્ય અને ઉત્તર ગુજરાતનો પણ સમાવેશ થાય છે.

from Page Array – I Am Gujarat https://ift.tt/302Iuib