વડોદરાઃ જાપાનના પ્રતિનિધિમંડળે બુલેટ ટ્રેન પ્રોજેક્ટની કામગીરી અંગે કર્યું નિરીક્ષણ

વડોદરાઃ પીએમ મોદીના મહત્વકાંક્ષી પ્રોજેક્ટમાંથી એક એવા અમદાવાદ-મુંબઈ બુલેટ ટ્રેન પ્રોજેક્ટને સમયસર પૂર્ણ કરવાને લઈને ભારત સરકારની સાથે-સાથે જાપાન પણ એટલું જ પ્રયત્નશીલ છે. ત્યારે જાપાનના લેન્ડ, ઈન્ફ્રાસ્ટ્રક્ચર, ટ્રાન્સપોર્ટ અને ટુરિઝમ વિભાગના નાયબ મંત્રી મસાશિ અડાચીની આગેવાનીમાં એક હાઈ લેવલ ડેલિગેશન શનિવારે વડોદરાની મુલાકાતે પહોંચ્યું હતું. જ્યાં તેમણે બુલેટ ટ્રેનને લઈને ચાલી રહેલી કામગીરીનું નિરીક્ષણ કર્યું હતું.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

નાયબ મંત્રી મસાશિ અડાચીએ નેશનલ અકેડમિ ઓફ ઈન્ડિયન રેલવે (NAIR) પાસે આવેલી હાઈ સ્પીડ રેલ ટ્રેઈનિંગ ઈન્સ્ટીટ્યૂટ (HSRTI)ની મુલાકાત લીધી હતી આ સાથે જ તેમણે વડોદરા રેલવે સ્ટેશનની પણ મુલાકાત લીધી હતી જ્યાં ટ્રેનનું સ્ટેશન સ્થાપિત કરવામાં આવશે.

મીડિયા સાથે વાત કરતાં અડાચીએ કહ્યું કે, તે પ્રોજેક્ટને લઈને થઈ રહેલી કામગીરી અંગે સંતુષ્ટ છે. હાઈ સ્પીડ રેલ ટ્રેઈનિંગ ઈન્સ્ટીટ્યૂટ (HSRTI)ખાતે તેમણે નેશનલ હાઈ સ્પીડ રેલ કોર્પોરેશન લિમિટેડના ચીફ પ્રોજેક્ટ મેનેજર દ્વારા બનાવવામાં આવેલા પ્રેઝન્ટેશનને પણ નિહાળ્યું હતુ. તેમણે તે સ્થળની પણ મુલાકાત લીધી જ્યાં કર્મચારીઓને તાલીમ આપવા માટે ટ્રેઈનિંગ ટ્રેક લગાવવામાં આવ્યો છે

વડોદરા રેલવે સ્ટેશન પરના પ્લેટફોર્મ નંબર 6 પર સ્ટેશન માટે પ્રસ્થાપિત સ્થાન પર ચાલી રહેલી કામગીરીનું પણ તેમણે નિરીક્ષણ કર્યું હતું. તેમણે પ્લેટફોર્મ નંબર 6 અને 7 વચ્ચે બનનારા બ્રિજ સાઈટની મુલાકાત લીધી હતી સાથે જ બ્રિજ ગર્ડર્સની લોન્ચિંગ સ્કીમને સમજવા માટે પણ  રસ દાખવ્યો હતો.

from Page Array – I Am Gujarat https://ift.tt/2XwFP2H