અરુણ જેટલીની સ્થિતિ બની નાજુક, શુક્રવારે મોડી રાત્રે ખબર કાઢવા અમિત શાહ પહોંચ્યા એઇમ્સ

નવી દિલ્હીઃ દિલ્હી એઇમ્સમાં ભરતી કરવામાં આવેલ પૂર્વ કેન્દ્રિય નાણા પ્રધાન અરુણ જેટલી(66) હજુ પણ નાજૂક છે. ભાજપના વરિષ્ઠ નેતા જેટલી ઘણા સમયથી બીમાર છે. ગત 9 ઓગસ્ટના દિવસે તેમની તબીયત વધુ કથળતા તેમને એઇમ્સમાં ભરતી કરવામાં આવ્યા છે. નિષ્ણાંત ડૉક્ટરની ટીમ તેમના આરોગ્ય પર નજર રાખી રહી છે. એઇમ્સે 10 ઓગસ્ટ પછી તેમના આરોગ્ય અંગે કોઈ બુલેટિન જાહેર નથી કર્યું. જેટલીના ફેફસામાં પાણી ભરાઈ ગયું હોવાથી તેમને શ્વાસ લેવામાં તકલીફ થઈ રહી છે. જેના કારણે તેમને વેન્ટિલેટર પર રખાયા છે.

તેવામાં શુક્રવારે કેન્દ્રિય ગૃહપ્રધાન અમિત શાહ અને કેન્દ્રિય આરોગ્ય પ્રધાન હર્ષવર્ધન પણ તેમના ખબર કાઢવા માટે એઇમ્સ પહોંચ્યા હતા. શાહ એક કલાક કરતા વધારે સમય એઇમ્સમાં રહ્યા હતા. શુક્રવારે સવારે રાષ્ટ્રપતિ રામનાથ કોવિંદ તો સાંજે ઉત્તર પ્રદેશના મુખ્યમંત્રી યોગી આદિત્યનાથ પણ અરુણ જેટલીને મળવા માટે એઇમ્સ પહોંચ્યા હતા.

અચાનક વધેલી મુલાકાતોથી એવી આશંકા વ્યક્ત કરવામાં આવી રહી છે કે જેટલીની સ્થિતિ વધારે ગંભીર છે. તેમને સોફ્ટ ટિશૂ સકોમા છે. જે એક પ્રકારનું કેન્સર હોય છે. જેટલી પહેલાથી જ ડાયાબિટિસના દર્દી છે. તેમનું કિડની ટ્રાન્સપ્લાન્ટ પણ કરવામાં આવ્યું છે. સોફ્ટ ટિશ્યુ કેન્સરની ઈલાજ માટે તેઓ અમેરિકા પણ ગયા હતા. તો વધારે વજનથી છૂટકારો મેળવવા માટે બેરિએટ્રિક સર્જરી પણ કરાવી રાખી છે.

દિલ્હી વિશ્વવિદ્યાલયમાંથી વિદ્યાર્થી નેતા તરીકે રાજકીય કરિયરની શરુઆત કરનાર જેટલી સુપ્રીમ કોર્ટના વરિષ્ઠ વકીલ પણ છે. મોદી સરકારના પહેલા કાર્યકાળમાં નાણાં મંત્રી હતા પરંતુ પોતાના નબળા આરોગ્યના કારણે મોદી-2 સરકારમાં સામેલ થયા નહોતા. અટલ બિહારી વાજપેયીની સરકારમાં પણ જેટલી કેન્દ્રિય પ્રધાન રહ્યા હતા.

from Page Array – I Am Gujarat https://ift.tt/2KOGS5G