મુંબઈ:બેન્કો ચાલુ સપ્તાહે બેન્ચમાર્ક લિંક્ડ લોનનો અમલ કરવાની હોવાથી હોમ લોનધારકો દિવાળીને વધુ ઉત્સાહથી ઊજવશે. બેન્ચમાર્ક લિંક્ડ લોનના કારણે કેટલાક કિસ્સામાં તો હોમ લોનધોરકોનો ધિરાણખર્ચ 0.3 ટકા જેટલો ઘટવાનો અંદાજ છે. SBIના હોમ લોનધારકોએ હવે અગાઉના 8.3 ટકા સામે 8.2 ટકાના દરે લોન ચૂકવવી પડશે.
SBIએ સ્પ્રેડ 2.65 ટકા રાખવાનો નિર્ણય લીધો છે. અત્યારે રેપો રેટ 5.4 ટકા છે. એટલે SBIનો એક્સ્ટર્નલ બેન્ચમાર્ક રેટ 8.05 ટકા થશે. બિનપગારદાર લોનધારકો પાસેથી SBI 0.15 ટકા વધારાનો વ્યાજદર લેશે. પગારદાર લોનધારકોનો અસરકારક દર 8.2 ટકા હશે, જે ₹30 લાખ સુધીની હોમ લોન લેનારા MCLR સિસ્ટમ હેઠળ 8.3 ટકાનો ફ્લોટિંગ વ્યાજદર છે. બેન્ક રિસ્ક ગ્રેડ (RG) 4-6માં આવતા લોનધારકો પાસેથી વધુ 0.10 ટકા વ્યાજ લેશે.
નવો એક્સ્ટર્નલ રેફરન્સ રેટ રેપો રેટ હોઈ શકે અથવા ત્રણ મહિના કે છ મહિનાના ટ્રેઝરી બિલ્સ કે ફાઇનાન્શિયલ બેન્ચમાર્ક ઇન્ડિયા દ્વારા પ્રકાશિત અન્ય કોઈ પણ બેન્ચમાર્ક માર્કેટ વ્યાજદર હોઈ શકે. ફાઇનાન્શિયલ બેન્ચમાર્ક ઇન્ડિયા બેન્ચમાર્ક રેટનું સંચાલન કરે છે. બેન્કોને એક્સ્ટર્નલ બેન્ચમાર્ક ઉપરાંત, સ્પ્રેડ નક્કી કરવાની છૂટ છે. લોનધારકના ક્રેડિટ એસેસમેન્ટમાં મોટો ફેરફાર થાય તો લોનના કરારમાં નક્કી કર્યા મુજબ ક્રેડિટ રિસ્ક પ્રીમિયમ પણ બદલાઈ શકે.
રેપો રેટ ફેબ્રુઆરી 2010ના 5.4 ટકા પછીના સૌથી નીચા સ્તરે છે. 3 મહિનાના ટ્રેઝરી બિલનો દર ફેબ્રુઆરીથી અત્યાર સુધીમાં એક ટકા ઘટ્યો છે અને અત્યારે તે 5.4 ટકા છે. 6 મહિનાના ટ્રેઝરી બિલનો દર ફેબ્રુઆરીમાં 6.4 ટકા હતો, જે ઘટીને અત્યારે 5.5 ટકા ચાલે છે. ફેબ્રુઆરી 2019 અને ઓગસ્ટ 2019ના ગાળામાં વ્યાજદરમાં 1.10 ટકા ઘટાડો થયો છે. તેની સામે MCLR માત્ર 0.20 ટકા ઘટ્યો છે.
ICRAના અહેવાલમાં જણાવ્યા અનુસાર ધિરાણદરના એક્સ્ટર્નલ બેન્ચમાર્કિંગને કારણે લોનધારકોને EMIsમાં નોંધપાત્ર વોલેટિલિટીની શક્યતા છે. એક અંદાજ પ્રમાણે રેપો રેટમાં 0.5 ટકાની વૃદ્ધિથી ₹75 લાખની 15 વર્ષની મુદતની લોનની માસિક ચુકવણીમાં ₹2,200નો વધારો થઈ શકે. એવી રીતે રેપો રેટમાં એક ટકા વધારો થાય તો હોમ લોનનો હપતો મહિને ₹4,500 વધશે. એક વર્ષથી ઓછા સમયમાં વ્યાજદરમાં 1.10 ટકાનો ઘટાડો થઈ શકતો હોય તો એટલી વૃદ્ધિ પણ થઈ શકે.
from Page Array – I Am Gujarat https://ift.tt/2mfqrXM
No comments:
Post a Comment