પાર્થ શાસ્ત્રી, અમદાવાદ: ગુજરાતના હવામાન ખાતા માટે 2019નું વર્ષ મહત્વનું છે. છેલ્લા દાયકામાં આ વર્ષનું ચોમાસુ સૌથી લાંબુ રહ્યું. આ વર્ષે છેલ્લા દશકાનો બીજો સૌથી વધુ વરસાદ પડ્યો હતો. આ વર્ષનું ચોમાસુ ખરા અર્થમાં સારું રહ્યું કારણકે દરેક જિલ્લામાં 100% જેટલો વરસાદ નોંધાયો હતો. અરેબિયન સમુદ્ર પર સર્જાયેલા Kyarr વાવાઝોડાના લીધે રવિવારે શહેરના કેટલાક વિસ્તારોમાં છૂટોછવાયો વરસાદ પડ્યો હતો. દક્ષિણ ગુજરાત અને સૌરાષ્ટ્રના કેટલાક વિસ્તારોમાં હળવો વરરસાદ નોંધાયો હતો. ભારતીય હવામાન ખાતા મુજબ વાવાઝોડાની અસર આગામી બે દિવસ સુધી જોવા મળશે. વાવાઝોડું ઓમાન તરફ ફંટાશે ત્યાં સુધી રાજ્યમાં તેની અસર જોવા મળશે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
નિષ્ણાતોના મતે ચોમાસાની શરૂઆતમાં વાયુ વાવાઝોડાના લીધે ગુજરાતમાં સારો વરસાદ પડ્યો હતો. રાજ્યના મહેસૂલ વિભાગ દ્વારા ચાલતા SECO (સ્ટેટ ઈમર્જન્સી ઓપરેશન્સ સેન્ટર)ના ડેટા મુજબ, છેલ્લા પાંચ વર્ષની વાત કરીએ તો ઓક્ટોબર 2016માં 74 મિલીમીટર વરસાદ નોંધાયો હતો. આ વર્ષે રાજ્યમાં ઓક્ટોબર મહિનામાં 47 મિલીમીટર વરસાદ પડ્યો હતો.
સોમવારે હવામાન ખાતાએ જણાવ્યું, “સુરત, વલસાડ, નવસારી, અમરેલી, ગીર સોમનાથ, પોરબંદર અને જૂનાગઢના છૂટાછવાયા વિસ્તારોમાં હળવોથી મધ્યમ વરસાદ ગાજવીજ સાથે થઈ શકે છે. ઉત્તર ગુજરાતના જિલ્લાઓ, કચ્છ, દીવ તેમજ દક્ષિણ ગુજરાત અને સૌરાષ્ટ્રના બાકીના વિસ્તારોમાં હવામાન સૂકું રહેશે.” નિષ્ણાતોના મતે, આ વર્ષે 7 તાલુકાઓને બાદ કરતાં તમામમાં 251-500 mmથી વધુ વરસાદ થયો છે. 251માંથી 118 તાલુકામાં 1000 મિલીમીટરથી વધુ વરસાદ નોંધાયો છે.
from Page Array – I Am Gujarat https://ift.tt/366Z1pb
No comments:
Post a Comment