દિવાળી સમયે જ માનવતાનું ઉદાહરણ આપતી એક ઘટના પ્રકાશમાં આવી છે. એક મહિલાએ હિંમત દાખવી 14 મહિનાના કૂમળા બાળકને ત્રાસ આપતા કાકાના સકંજામાંથી છોડાવ્યું હતું. બાળકના કાકા દારુ પીધેલી હાલતમાં હતા અને દિવાળીની સાંજે જ્યારે આખું શહેર ઉજવણીના ઉલ્લાસમાં ડૂબેલું હતું ત્યારે એ બાળકને રસ્તા પર પછાડવા જતા હતા. મણિનગર પોલીસ સ્ટેશનના આસિસ્ટન્ટ સબ ઈન્સ્પેક્ટર હમીદ નાગોરાએ જણાવ્યું કે તે શનિવાર અને રવિવારની રાત્રે પેટ્રોલિંગ કરતા હતા ત્યારે શહેરના પોલીસ કંટ્રોલ રૂમમાં એક જવાબદાર નાગરિક નિશા કંસારાનો રાત્રે 12.37એ ફોન આવ્યો હતો.
હવે ટેલિગ્રામ પર મેળવો દરેક મહત્વના સમાચાર, શરુ કરવા અહીં ક્લિક કરો
તેણે જણાવ્યું કે કાંકરિયાના જિરાફ સર્કલ પાસે એક બાળક પર અત્યાચાર ગુજારાઈ રહ્યો છે. ફરિયાદમાં જણાવાયું કે સમર્પણ ફન લેંડ પાસે દારુ પીધેલી હાલતમાં એક માણસ માંડ 14 મહિનાના એક બાળકને મારી રહ્યો હતો. પોલીસને જાણ કરનાર કંસારાએ 30 વર્ષના પુષ્પેન્દ્ર જલ્લુ ઠાકુરનો વીડિયો પણ ઉતારી લીધો હતો. ઉત્તર પ્રદેશનો આ શખ્સ બાળકને મારી રહ્યો હતો.
પોલીસની તપાસમાં જાણવા મળ્યું કે આ બાળક આરોપીનો ભત્રીજો હતો. કંસારાએ ઉતારેલા વીડિયોમાં દેખાય છે કે કાકા પીધેલી હાલતમાં બાળકના હાથ અને પગ પકડે છે અને પગને છેક ડોક સુધી લઈ જાય છે. તે બાળકને લાફો મારતો હોય એવું પણ દેખાય છે. હાલમાં પોલીસે જુવેનાઈલ જસ્ટિસ એક્ટની કલમ 75 અંતર્ગત ઠાકુરની ધરપકડ કરી છે. મણિનગર પોલીસ સ્ટેશનના PI એસ.એમ પટેલ કોમેન્ટ માટે ઉપલબ્ધ નહતા.
from Page Array – I Am Gujarat https://ift.tt/2MRT33W
No comments:
Post a Comment