એપલે દૂર કરી ગુજરાતની કંપનીએ બનાવેલી 17 એપ્સ, યુઝર્સને તાત્કાલિક ડિલીટ કરવા કહેવાયું

નવી દિલ્હી: મોબાઈલ સિક્યોરિટી કંપની Wanderaએ iOS પર રહેલી 17 એવી એપ્સનુ લિસ્ટ તૈયાર કર્યું છે કે જેમાં એડ રેવન્યુ વધારવા ગોલમાલ કરવા માટે ઉપયોગમાં લેવાતા ક્લિકવેરથી પ્રભાવિત છે. આ તમામ 17 એપ્સ ગુજરાત સ્થિત AppAspect Technologies Pvt. Ltd દ્વારા બનાવવામાં આવી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

આ ગોલમાલ બહાર આવતા એપલે તમામ 17 એપ્સને App Storeમાંથી હટાવી દીધી છે.આ એપ્સમાં Clicker Trojan નામનું માલવેર મોજૂદ હતું. જેનો ઉપયોગ એડ-ફ્રોડ માટે થાય છે. આ માલવેર એડનેટવર્ક અથવા વેબસાઈટ્સ સાથે ફ્રિકવન્ટ કનેક્શન કરે છે, અને તેનાથી તે આર્ટિફિશિયલી વિઝિટર્સ કાઉન્ટ વધારી પે-પર-ક્લિક બેસ પર આવક વધારી આપે છે.

આ માલવેરથી પ્રભાવિત એપ્સ કંટ્રોલ સેન્ટર પરથી કમાન્ડ મેળવી એડ લોડ કરતી, તે વેબસાઈટ બેકગ્રાઉન્ડમાં ખોલતી અને ડિવાઈસ સેટિંગ ચેન્જ કરી મોંઘીદાટ સબસ્ક્રિપ્શન સર્વિસ શરુ કરી દેતી. નવાઈની વાત એ છે કે, આ બધું થઈ જાય તેની યુઝરને ખબર પણ નહોતી રહેતી.

એપલે જે 17 એપ્સને પોતાના યુઝર્સને ડિલીટ કરી દેવા કહ્યું છે તેમાં RTO વ્હીકલ ઈન્ફોર્મેશન, EMI કેલ્ક્યુલેટર અને લોન પ્લાનર, ફાઈલ મેનેજર- ડોક્યુમેન્ટ્સ, સ્માર્ટ જીપીએસ સ્પીડોમીટર, ક્રિકવન-લાઈવ ક્રિકેટ સ્કોર, ડેલી ફિટનેસ- યોગા પોઝ, એફએમ રેડિયો- ઈન્ટરનેટ રેડિયો, માય ટ્રેન ઈન્ફો- IRCTC અને પીએનઆર, અરાઉન્ડ મી પ્લેસ ફાઈન્ડર, ઈઝી કોન્ટેક્ટ બેકઅપ મેનેજ, રમઝાન ટાઈમ્સ 2019, રેસ્ટોરાં ફાઈન્ડર- ફાઈન્ડ ફુડ, બીએમઆઈ કેલ્યુલેટર- બીએમઆર કેલ્ક્યુલેટર, ડ્યૂઅલ અકાઉન્ટ્સ, વિડીયો એડિરર- મ્યૂટ વિડીયો, સ્માર્ટ વિડીયો કોમ્પ્રેસર જેવી એપ્સનો સમાવેશ થાય છે.

from Page Array – I Am Gujarat https://ift.tt/2WmalsQ