અમદાવાદઃ પાર્કિંગ મુદ્દે પાડોશીઓએ હોકી સ્ટીકથી વ્યક્તિને માર માર્યો

અમદાવાદઃ શહેરના ઘોડાસર વિસ્તારમાં રહેતા 40 વર્ષીય પ્રશાંત દડવીએ વટવા પોલીસ સ્ટેશનમાં ફરિયાદ કરી હતી કે પોતે જે સોસાયટીમાં રહે છે ત્યાં પાર્કિંગ મુદ્દે પાડોશીઓએ તેની સાથે ઝગડો કરી હોકી સ્ટિકથી માર માર્યો હતો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ઘોડાસરમાં આવેલ આનંદ ટેનામેન્ટમાં રહેતા અને એક પ્રાઈવેટ કંપનીમાં કામ કરતા ફરિયાદી દ્વારા મુકવામાં આવેલ આરોપ મુજબ શનિવારે જ્યારે તે ઘરે હતો ત્યારે આરોપી જીગર દેસાઈના સંબંધી તેના ઘરે આવ્યા અને કહ્યું કે દેસાઈ તેને બોલાવી રહ્યા છે. જ્યારે તે મળવા ગયો તો ‘તું કાર કેમ બધાને નડે તેમ પાર્ક કરે છે.’ કહીને ઝગડો કરવા લાગ્યા.

દડવી અને દેસાઈ વચ્ચે આ બાબતે બોલાચાલી શરું હતી તેવામાં જ અન્ય એક આરોપી પરેશ ત્યાં પહોંચ્યો અને તેણે દડવીને હોકી સ્ટિક વડે માર મારવાનો શરું કર્યો. તેમજ અન્ય એક વ્યક્તિએ દડવીના હાથ પર ચાકુનો ઘા પણ માર્યો. ત્યારે દડવીના મિત્ર વિરલ દવેએ વચ્ચે પડીને તેના બચવાનો પ્રયાસ કર્યો તો બંનેએ તેની સાથે પણ ઝગડો કર્યો.

ત્યારબાદ જીગર અને પરેશે દડવીને કારને પણ નુકસાન કર્યું હતું. ત્યાર બાદ જો ભવિષ્યમાં સોસાયટીના ગેટની અંદર કાર પાર્ક કરશે તો ગંભીર પરિણામ ભોગવવા તૈયાર રહેવા અંગે ધમકી પણ આપી હતી. વટવા પોલીસે ફરિયાદ નોંધીને કાર્યવાહી શરું કરી છે.

from Page Array – I Am Gujarat https://ift.tt/342MWiE