FPI બે વર્ષ બાદ ફરી સક્રિય બનતાં મિડ-કેપ્સ તેજી માટે સજ્જ

72161885

રાજેશ માસ્કરન્હસ

મુંબઈ:છેલ્લાં બે વર્ષના મોટા ભાગના સમયગાળામાં વિદેશી ફંડ્સે માત્ર લાર્જ-કેપ શેરોની ખરીદી કરી હતી. જોકે હવે તેઓ મિડ-કેપ શેરો પર પણ નજર દોડાવી રહ્યા છે. સપ્ટેમ્બર ક્વાર્ટરમાં વિદેશી ફંડ્સે આશરે 60 ટકા મિડ-કેપ શેરોમાં તેમના હિસ્સામાં વધારો કર્યો છે.

અબુ ધાબી ઇન્વેસ્ટમેન્ટ ઓથોરિટી, ઇસ્ટસ્પ્રિન્ગ ઇન્વેસ્ટમેન્ટ, યુરો પેસિફિક ગ્રોથ ફંડ, ફિડેલિટી, ગવર્નમેન્ટ પેન્શન ફંડ, નોમુરા અને નોર્જિસ બેન્ક જેવા વિદેશી ફંડ્સે ત્રીજા ક્વાર્ટરમાં પણ આવી ખરીદી ચાલુ રાખી છે. છેલ્લા એક મહિનામાં આ ફંડ્સે એચડીએફસી લાઇફ, એપોલો ટ્રાઇકોટ ટ્યૂબ, યસ બેન્ક, વેલસ્પન, ફોર્ટિસ હેલ્થકેર, એરિસ લાઇફસાયન્સ અને દિશમાન કાર્બોજેનના શેરની ખરીદી કરી છે.

કેપિટલ ગ્રૂપ, અબર્ડિન, અમાન્સા કેપિટલ, ટી રોવ પ્રાઇસ, ટીચર રિટાર્યમેન્ટ સિસ્ટમ ઓફ ટેક્સાસ, યુબીએસ, મોર્ગન સ્ટેન્લી, SAIF પાર્ટનર્સ, કોલંબિયા થ્રેડનીડલ, ફિડેલિટી અને અબુ ધાબી ઇન્વેસ્ટમેન્ટ જેવા અગ્રણી વિદેશી સંસ્થાકીય રોકાણકારોએ છેલ્લા એક મહિનામાં આશરે બે ડઝન મિડ-કેપ કંપનીઓના મેનેજમેન્ટ સાથે બેઠક યોજી છે અને તેમાંથી કેટલીક કંપનીઓના શેરોમાં આ પછીથી તેજી આવી છે.

બીએસઇ મિડ-કેપ ઇન્ડેક્સમાં મધ્ય-ઓગસ્ટથી 10 ટકા તેજી આવી છે અને સેન્સેક્સમાં આઠ ટકાનો વધારો થયો છે. એનાલિસ્ટ્સ જણાવ્યું હતું કે તેજી આવી હોવા છતાં મિડ-કેપ શેરોના વેલ્યુએશન વાજબી છે. બીએનપી પારિબાના હેડ (ઇન્ડિયા ઇક્વિટી રિસર્ચ) અભિરામ ઇલેસ્વરાપુએ જણાવ્યું હતું કે “તાજેતરમાં તેજી આવી હોવા છતાં મિડ-કેપ અને સ્મોલ-કેપ શેરો ચાલુ વર્ષે અત્યાર સુધી નિફ્ટી કરતાં ઊતરતો દેખાવ કરી રહ્યા છે.

આ શેરો તેમના લાંબા ગાળાના સરેરાશ વેલ્યુએશન કરતાં નીચા ભાવે ઉપલબ્ધ છે, તેથી કેટલીક કંપનીઓમાં ખરીદીની તક છે. આપણે નિફ્ટી બહારના શેરો માટે સેફ્ટી માર્જિન રાખીએ છીએ. અમને ઇન્શ્યોરન્સ, એનબીએફસી તથા એરલાઇન, કન્ઝ્યુમર અને ફાર્મા ક્ષેત્રમાં આવી તક દેખાય છે.”

મોર્ગન સ્ટેન્લી અને SAIF પાર્ટનર્સે આ મહિને IIFL ફાઇનાન્સના મેનેજમેન્ટ સાથે બેઠક યોજી હતી. આ ઉપરાંત અબર્ડિન સ્ટાન્ડર્ડ ઇન્વેસ્ટમેન્ટ્સે તાજેતરમાં એફલ
ઇન્ડિયા અને ક્રેડિટએક્સેસ ગ્રામીણના મેનેજમેન્ટ સાથે બેઠક યોજી હતી. જુલિયસ બેરે નારાયણ હૃદયાલય તથા ટી રોવ અને કોલંબિયા થ્રેડનીડલે એયુ સ્મોલ ફાઇનાન્સ બેન્ક સાથે બેઠક કરી હતી. આ શેરોમાં છેલ્લા એક મહિનામાં 25થી 45 ટકા તેજી આવી છે.

from Page Array – I Am Gujarat https://ift.tt/2XLcL4X