વડોદરાઃ માતા-પિતાના નિધન બાદ બાળકો અનાથ બની જાય અને જ્યારે કોઈ સંબંધી પણ સાચવવા માટે તૈયાર ન થાય ત્યારે તેમને શિશુ ગૃહમાં મોકલાતા હોય છે. શહેરના નિઝામપુરા શિશુ ગૃહમાં રહેતા બે સગા ભાઈઓ રાહુલ (6) અને કાળુ (3)ના કેસમાં પણ આવું જ છે. થોડા વર્ષ પહેલા બંનેના માતા-પિતાને કોઈ ગંભીર બીમારી થતાં તેઓ મોતને ભેટ્યા હતા. માતા-પિતાની છત્રછાયા ગુમાવી બેસેલા આ ભાઈઓએ પછીથી શિશુ ગૃહને જ ઘર બનાવી દીધું.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
જો કે, સુરતમાં જન્મેલા આ બંને ભાઈઓ માટે વિધાતાએ કંઈક સારૂ જ લખ્યું હશે તેમ લાગી રહ્યું છે. કારણ કે ફ્રેન્ચ દંપતી વિન્સન્ટ પેરી મેરી પેડલ અને ક્રિસ્ટિન મેડીયા લેવી તેમને દત્તક લેવાના છે અને આ માટે તેમને મંજૂરી પણ મળી ગઈ છે.
‘જ્યારે બાળકો સુરતમાં રહેતા હતા ત્યારે જ તેમના પિતાનું મોત થયું હતું, બાદમાં તેમની માતાએ મજૂરી કામની શોધમાં વડોદરા જિલ્લાના મોટા ફોફળીયામાં સ્થળાંતર કર્યું હતું’ તેમ વકીલ કોમલ કુકરેજાએ કહ્યું. જો કે, સ્થળાંતર કર્યાના થોડા જ સમયમાં બીમારીના કારણે તેમની માતાનું નિધન થતાં તેઓ અનાથ બની ગયા હતા.
‘મોટા ફોફળીયા ગામના લોકો બંને ભાઈઓને શિશુ ગૃહમાં લઈ ગયા હતા’ તેમ કુકરેજાએ કહ્યું. બંને ભાઈઓએ દત્તક માટે રાજી થયા બાદ ફ્રાંસના વિન્સન્ટ પેરી મેરી પેડલ અને ક્રિસ્ટિન મેડીયાએ ફેબ્રુઆરીમાં તેમને દત્તક લેવાનો નિર્ણય કર્યો હતો. ઓગસ્ટ મહિનામાં સેન્ટ્રલ અડોપ્શન રિસોર્સ ઓથોરિટી (CARA)એ દંપતીને નો ઓબ્જેક્શન સર્ટિફિકેટ આપ્યું હતું.
કોર્ટે અધિકારીઓને બંને ભાઈઓના નવા નામ હેનરી રાહુલ મેરી પેડલ અને એમલિન કાળુ મેરિ પેડલ મુજબ નવા બર્થ સર્ટિફિકેટ આપવા માટે કહ્યું છે.
અમદાવાદઃ પોલીસકર્મીને ખેંચી ગયું ટોળુ અને પછી…
from Page Array – I Am Gujarat https://ift.tt/35Hj7Wn
No comments:
Post a Comment