સૈકત દાસ
મુંબઈ:રિલાયન્સ હોમ ફાઇનાન્સ (RHFL)ના બોન્ડમાં રોકાણ કરનારા આશરે 20,000 ડિબેન્ચર્સ હોલ્ડર્સને નુકસાન થવાનું જોખમ છે. કંપનીએ ત્રણ જાન્યુઆરીએ આ ડિબેન્ચર્સ હોલ્ડર્સને આશરે ₹3,000 કરોડનું સંપૂર્ણ રિપેમેન્ટ કરવાનું છે અને રિકવરીની આશા ઓછી છે. ડિબેન્ચર્સ હોલ્ડર્સમાં વ્યક્તિઓ, મ્યુચ્યુઅલ ફંડ અને રિટાયરમેન્ટ સંસ્થાઓનો સમાવેશ થાય છે. જો કંપની ચુકવણી કરવામાં નિષ્ફળ રહેશે તો કંપની સામે કાનૂની પગલાં લેવાની આવા જંક બોન્ડના ટ્રસ્ટીએ ચેતવણી આપી છે.
નિપ્પોન ઇન્ડિયા મ્યુચ્યુઅલ ફંડ, એસબીઆઇ મ્યુચ્યુઅલ ફંડ, ઇન્ડિયન આયર્ન એન્ડ સ્ટીલ પીએફ (સરકાર માલિકીના સેઇલનો એકમ), ઓરિએન્ટલ બેન્ક ઓફ કોમર્સ, ફ્રાન્સ રોસ (ઇમામી ગ્રૂપની કંપની), નેશનલ બેન્ક ઓફ એગ્રીકલ્ચર એન્ડ રુરલ (નાબાર્ડ), મહારાષ્ટ્ર સરકારની SICOMએ આવા બોન્ડમાં રોકાણ કરેલું છે. આ બોન્ડનું અગાઉ AA+ રેટિંગ હતુ.
રિલાયન્સ કેપિટલ અને સંસ્થાકીય રોકાણકારોએ ઇટીના ઇ-મેઇલનો જવાબ આપ્યો ન હતો. કમિટી ઓફ ડિબેન્ચર્સ હોલ્ડર્સના સભ્યે જણાવ્યું હતું કે, “જો કંપની સંપૂર્ણ રકમની પરત ચુકવણી નહીં કરે તો નાણાંની વસૂલાત માટે કાનૂની પગલાં લેશે.
આવા RHF બોન્ડનું વેચાણ ડિસેમ્બર 2016માં પબ્લિક ઇશ્યૂ મારફત કરવામાં આવ્યું હતું. પ્રથમ સિરીઝના બોન્ડની પાકતી મુદત જાન્યુઆરીના પ્રથમ સપ્તાહમાં છે. પરંતુ ડિફોલ્ટના કિસ્સામાં કંપનીએ સંપૂર્ણ મુદત રકમ અને વ્યાજ ચૂકવવું પડશે. આ બોન્ડ વિવિધ પાકતી મુદતના છે.
નવેમ્બરના પ્રારંભમાં IDBI ટ્રસ્ટીશિપ (બોન્ડની કસ્ટોડિયન)એ RHFના મુદ્દાની ચર્ચા કરવા ઔપચારિક બેઠક કરી હતી. કંપનીના રેટિંગને ઘટાડીને ‘ડી’ (ડિફોલ્ટ કેટેગરી) કરવામાં આવ્યા બાદ આ બેઠક થઈ હતી.
IDBI ટ્રસ્ટીશિપ સર્વિસિસના MD & CEO સ્વપન કુમાર બાગચીએ 19 નવેમ્બરે RHFના ચીફ ઇન્વેસ્ટેન્ટ ઓફિસરને પત્ર લખીને ત્રણ જાન્યુઆરીની પાકતી મુદતની સમગ્ર લોન રકમ પરત કરવાની સૂચના આપી હતી. પત્રમાં જણાવાયું હતું કે, “જો કંપની પેમેન્ટ કરવામાં નિષ્ફળ રહેશે તો ટ્રસ્ટી યોગ્ય પગલાં લેશે.”
સપ્ટેમ્બરમાં કેર સહિતની રેટિંગ એજન્સીઓ RHFLની રેટિંગને ઘટાડીને ‘ડી’ અથવા ડિફોલ્ટ કેટેગરી કર્યું હતું. રિલાયન્સ કેપિટલ (માલિક કંપની) પણ આવા રેટિંગનો સામનો કરી રહી છે.
from Page Array – I Am Gujarat https://ift.tt/2RWXrSa
No comments:
Post a Comment