અમદાવાદઃ MAની પરીક્ષા આપવા માટે ચાલુ ટ્રિપે બસને અધવચ્ચે છોડીને જતા રહેનારા બસ કંડક્ટરને નોકરી પરથી કાઢી મૂકવામાં આવ્યો છે. નિલેશ રબારી નામનો આ કંડક્ટર પરીક્ષા આપવા માટે GSRTCની બસમાંથી ઉતરી ગયો હતો. આટલું જ નહીં તેણે પેસેન્જરોને ટિકિટ આપવા માટે પોતાની જગ્યાએ પોતાના પિતરાઈ ભાઈ ઉમેશને રાખ્યો હતો. બંનેને દોષી જાહેર કરતા 1 વર્ષની જેલની સજા ફટકારવામાં આવી છે. પાછલા અઠવાડિયે સેશન કોર્ટે પિતરાઈ ભાઈની જેલની સજાને માફ કરી હતી. કોર્ટે તેમનું સારું વર્તન નોંધ્યું હતું અને કેસ લાંબો ચાલતા બંનેને નાની ઉંમરે જ વધારે સજા મળી ચૂકી હતી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
સમગ્ર ઘટનાની વિગતો મુજબ, 23 વર્ષના નિલેશે 28 એપ્રિલ 2012માં હાલોલથી અમદાવાદ જતી GSRTC બસની ડ્યુટી નડિયાદ આવતા અધવચ્ચે છોડી દીધી. બસ આગળ જતા ડ્રાઈવરને ધ્યાને પડ્યું કે નિલેશની જગ્યાએ અન્ય કોઈ પેસેન્જરોને ટિકિટ આપી રહ્યું હતું. તેણે તરત જ કંટ્રોલ રૂમમાં ફોન કર્યો અને બસને સીધી અમદાવાદ ડેપોમાં લઈ જવા માટે પરમીશન માગી.
પૂછપરછ દરમિયાન ઉમેશે જણાવ્યું કે, નિલેશને આણંદમાં MAની પરીક્ષા આપવાની હોવાથી તે પોતાનું કામ તેને સોંપીને અડધે રસ્તે ઉતરી ગયો હતો. આ બાદ એસ.ટી વિભાગે બંને વિરુદ્ધ કાગડાપીઠ પોલીસ સ્ટેશનમાં ફરિયાદ નોંધાવી. ઉમેશ પર સરકરી કર્મચારીની જગ્યા લેવાના આરોપમાં IPLની કલમ 170 હેઠળ, જ્યારે નિલેશ વિરુદ્ધ IPCની કલમ 114 હેઠળ ફરિયાદ નોંધાઈ હતી. પેનલે બંનેને 7 વર્ષની જેલની સજા ફટકારી હતી.
જોકે બંને ભાઈઓએ તે ચૂકાદાને નકાર્યો હતો અને કોર્ટમાં 5 વર્ષ સુધી કેસ લડ્યા હતા. એપ્રિલ 2017માં સેશન કોર્ટે બંને ભાઈઓને દોષી માન્યા અને 1 વર્ષની જેલની સજા કરી. દોષીના વકીલે કોર્ટેના ચૂકાદાને સ્વીકાર્યો હતો પરંતુ તેમને જામીન આપવા માટે જજને વિનંતી કરી હતી. બંને ભાઈઓ 5 વર્ષથી કેસ લડતા હોઈ કોર્ટે તેમને થયેલી મુશ્કેલીઓને જોતા 20 હજારના બોન્ડ પર જામીન આપ્યા હતા.
from Page Array – I Am Gujarat https://ift.tt/2r7wtfk
No comments:
Post a Comment