વડોદરાઃ પ્રેગ્નેન્સીમાં પણ ફરજ પર આ ‘કોરોનાવીર’, કહ્યું- ‘સ્વસ્થ વિશ્વમાં બાળક જન્મે તેવી ઈચ્છા’

પ્રશાંત રૂપેરા, વડોદરા: શહેરમાં કોરોના વાયરસે ગયા મહિનાથી પગપેસારો કર્યો છે. વડોદરામાં શુક્રવારે સાંજ સુધીમાં કોરોનાના 59 કેસ નોંધાયા છે. શહેરના ક્લસ્ટર ઝોન જાહેર કરાયેલા વિસ્તાર નગરવાડા અને સૈયદપુરામાંથી શુક્રવારે વધુ 20 કેસ નોંધાયા હતા. વડોદરામાં લોકલ ટ્રાન્સમિશનથી કોરોનાનું સંક્રમણ વધી રહ્યું છે. એવામાં કોરોના વોરિયર્સ રાતદિવસ ખડેપગે છે. આવા જ એક ‘કોરોનાવીર’ 27 વર્ષીય ધારા ઠક્કર. તેઓ 6 મહિનાના ગર્ભવતી છે તેમ છતાં કોવિડ-19ના ફેલાવો શરૂ થયો ત્યારથી તેમણે રજા લીધી નથી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

ધારા ઠક્કર 108 એમ્બ્યુલન્સમાં પેરામેડિક તરીકે કામ કરે છે. આખા દિવસ દરમિયાન આવતી મેડિકલ ઈમર્જન્સી તેમણે સંભાળવાની હોય છે. શહેરમાં ગયા મહિને કોરોના વાયરસ ફાટી નીકળ્યો ત્યારથી ધારા ઠક્કર પૂરા જોશ સાથે કામ કરી રહ્યા છે. દરેક પ્રકારની ઈમર્જન્સીના કેસ તેઓ સંભાળી લે છે. ધારા ઠક્કરનો પરિવાર તેમને આરામ કરવાની સલાહ આપે છે પરંતુ તેઓ કામ કરવા અડગ છે.

એવું નથી કે ધારા ઠક્કરના પરિવારમાં આર્થિક સંકડાશ છે એટલે તેઓ કામ કરે છે. ધારા ઠક્કરે કહ્યું, “હું ઈચ્છું છું કે મારું બાળક તંદુરસ્ત દુનિયામાં જન્મ લે. આપણે અત્યારે કામ નહીં કરીએ તો કોણ કરશે.” ઉલ્લેખનીય છે કે, ધારા ઠક્કર છેલ્લા 11 વર્ષથી GVK ઈમર્જન્સી મેનેજમેન્ટ એન્ડ રિસર્ચ ઈન્સ્ટીટ્યૂટ (GVK EMRI) 108 સાથે જોડાયેલા છે.

કોરોના વાયરસના સંક્રમણના ખતરાને કારણે શરૂઆતમાં ધારા ઠક્કરને પોતાના નિર્ણયના લીધે પરિવારના વિરોધનો સામનો કરવો પડ્યો હતો. ધારાએ કહ્યું, “હું પહેલીવાર પ્રેગ્નેન્ટ છું. એટલે જ મારા પરિવારમાંથી ઘણા સભ્યો ઈચ્છે છે કે હું આરામ કરું કે રજા લઈ લઉં. જેથી આગળ જતાં કોઈ કૉમ્પ્લિકેશન ના થાય. મારા પતિ જયે અગાઉ 108 એમ્બ્યુલન્સ સર્વિસમાં કામ કરેલું છે. મેં તેમને સમજાવ્યા અને તેમણે અમારા પરિવારને.” ગોરવાના રહેવાસી ધારા ઠક્કરના પતિનો ટ્રાન્સપોર્ટનો બિઝનેસ છે. જ્યારે તેમના સસરા દાહોદમાં હેલ્થ વર્કર છે.

વડોદરામાં કોવિડ-19ના કેસો નોંધવાના શરૂ થયા ત્યારથી ધારા ઠક્કરે રેડ ઝોન જાહેર કરાયેલા ગોરવાથી તાંદળજાના વિસ્તારોમાંથી ડઝન જેટલા શંકાસ્પદ કેસો સંભાળી ચૂક્યા છે. પરંતુ ધારા ઠક્કરને જરાપણ ડર નથી. પાટણથી જનરલ નર્સિંગનો કોર્સ કરનારા ધારા ઠક્કરે કહ્યું, “ભૂતકાળમાં મેં ઘણી ઈમર્જન્સીઓ સંભાળી છે. હિંસા, હૃદયરોગ અથવા ફ્લૂ હોય દરેક કેસ મેં સંભાળ્યા છે. અમે ગ્વવ્ઝ, માસ્ક, એપ્રન, કેપ અને ગોગલ્સ પહેરીને અમારી સુરક્ષાની ખાતરી કરીએ છીએ. દરેક ટ્રીપ પૂરી થાય તેમજ દર્દીને SSG હોસ્પિટલ કે GMERS મેડિકલ કોલેજમાં ઉતાર્યા પછી એમ્બ્યુલન્સને સેનિટાઈઝ કરવામાં આવે છે.”

લૉકડાઉન બાદ જો ટ્રેન ચાલુ થશે તો રેલવેએ બનાવ્યો છે આ ખાસ ‘પ્લાન’

from Page Array – I Am Gujarat https://ift.tt/2JYbyBa