જો આ વખતે લોકડાઉન આગળ વધ્યું તો આ પ્રકારને મળી શકે છે છૂટછાટ, અહીં સમજો

નવી દિલ્હીઃ દેશભરમાં લોકડાઉન વચ્ચે સરકાર આગામી દિવસોમાં કેટલીક રાહત આપવા માગે છે. આ માટે કોરોના વાયરસના ખતરાને જોતા કેન્દ્ર સરકારે દેશને ત્રણ ઝોનમાં વહેંચી શકે છે. આ ઝોન તે વિસ્તાર (જિલ્લા)માં મળેલા કોરોના વાયરસના કેસોના હિસાબથી હશે. કેન્દ્ર સરકારે રાજ્ય સરકારો અને એક્સપર્ટ્સને 14 એપ્રિલ બાદ પણ લોકડાઉન ચાલુ રાખવાના સૂચનો મળ્યા છે. જો સૂત્રોનું માનીએ તો બીજા ચરણના લોકડાઉન દરમિયાન દેશમાં કોરોના વાયરસના ખતરાને જોતા રેડ, ઓરેન્જ અને ગ્રીન ઝોનમાં વહેંચવામાં આવી શકે છે. જ્યાં એકપણ કેસ નહીં હોય તેને ગ્રીન ઝોનમાં રાખી શકાય છે, જ્યાં વધારે કેસ હશે ત્યાં રેડ ઝોન અને ઓછા ખતરાવાળા જિલ્લામાં યલો ઝોન રાખી શકાય છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

જે અંતર્ગત એવી ઈન્ડસ્ટ્રીયલ ટાઉનશિપ્સમાં મેન્યુફેક્ચરિંગ શરુ કરવાની મંજૂરી આપશે જ્યાં એન્ટ્રી અને એક્ઝિટ નિયંત્રિત કરી શકાય છે. જ્યાં સારી મેડિકલ ફેસિલિટી હોય. સાથે જ સરકાર એવી કન્સ્ટ્રક્શન સાઇટ પર પણ કામ કરવાની મંજૂરી આપવા વિચારી રહી છે. ઉપરાંત મેડિકલ હેલ્થકેર સાથે જોડાયેલા ઉપકરણોના ઉત્પાદનમાં પણ છૂટછાટ આપી શકે છે. અધિકારીઓએ કહ્યું કે દેશની અર્થવ્યવસ્થાને લોકડાઉનના ઝટકામાંથી બહાર કાઢવા માટે સરકાર ધીરે ધીરે 15 ખાસ ક્ષેત્રોમાં છૂટછાટ આપીને તેના પરિણામ જોવા માગે છે.

 

અધિકારીઓએ કહ્યું કે શનિવારે પીએમ મોદી અને રાજ્યોના મુખ્યમંત્રીઓની સાથે વીડિયો કોન્ફ્રેન્સિંગાં લોકડાઉન વધારવા માટે સહમતિ સધાઈ ગઈ છે. હવે સરકાર એવી ગાઈડલાઇન્સ પર કામ કરી રહી છે જેનો હેતુ કોરોના સંકટથી લોકોના જીવન બચાવવા સાથે સાથે તેમના રોજગાર અને ધંધાને બચાવવાનો પણ છે. આ અંગે જાણકાર એક ઉચ્ચ સરકારી અધિકારીએ અમારા સહયોગી ઈકોનોમિક્સ ટાઇમ્સને જણાવ્યું કે, ‘ત્રણ સપ્તાહનું પૂર્ણ લોકડાઉન હવે પૂરું થવા જઈ રહ્યું છે. હવે એ વિચારવામાં આવી રહ્યું છે કે કેટલીક ઇન્ડસ્ટ્રીઝ એક્ટિવિટી શરું કરીને અર્થતંત્રના ચક્રને ફરતું રાખવામાં આવે.’

નિયંત્રિત એક્ટિવિટીનું ઉદાહરણ આપતા અધિકારીએ જણાવ્યું કે ફોક્સકોન જેવી કેટલીક ઇલેક્ટ્રિક મેન્યુફેક્ચર્સ ઇન્ડસ્ટ્રીના કારખાનામાં ડોરમેટ્રી છે. સરકારી વિભાગો અને મંત્રાલયોએ આવી સુવિધા ધરાવતી ઈન્ડસ્ટ્રીના પ્રતિનિધિઓ સાથે વાત કરી છે અને તેના આધારે લિસ્ટ તૈયાર કરવામાં આવી રહ્યું છે. તેમને પીએમઓ અને ગૃહ મંત્રાલય દ્વારા મંજૂરી મળ્યા પછી શરું કરવામાં આવી શકે છે.

એવો પણ વિચાર કરવામાં આવી રહ્યો છે કે નિકાસ ક્ષેત્રે જોડાયેલી માઈક્રો, સ્મોલ એન્ડ મીડિયમ એન્ટરપ્રાઇઝમાં કામકાજ શરું કરવામાં આવી શકે છે. જોકે તેમાં તેમણે ઓછા કામગારો સાથે કામ કરવું પડશે. જરુરી મટીરિયલની મૂવમેન્ટ પણ મર્યાદિત હશે. તેમજ સ્પેશિયલ ઇકોનોમિક ઝોનની તમામ ઇન્ડસ્ટ્રીઝ કે જોઓ એક્સપોર્ટ લક્ષી ઉત્પાદન કરે છે તેમને ઓછામાં ઓછા સ્ટાફ સાથે શરુ કરવાની મંજૂરી આપવામાં આવી શકે છે. જોકે આ કંપનીઓએ સેનિટાઇઝેશન અને સોશિયલ ડિસ્ટન્સિંગના નિયમોનું પાલન કરવું પડશે.

આ 15 ઈન્ડસ્ટ્રીને મળી શકે છે છૂટછાટ

1) ટેક્સટાઇલ્સ,
2) ઈલેક્ટ્રિક મેન્યુફેક્ચરિંગ
3)ટ્રાન્સફોર્મર અને સર્કિટ વ્હીકલ્સ
4) ટેલિકોમ પ્રોડક્ટર બનાવતી ઇન્ડસ્ટ્રીઝ
5) કમ્પ્રેસર અને કંડેસર યુનિટ
6) સંરક્ષણ સંશાધનો પ્રોડક્શન કરતા યુનિટ્સ
7) પલ્પ અને પેપર યુનિટ્સ
8) તમામ પ્રકારના ખાદ્ય પદાર્થ બનાવતી કંપનીઓ
9) ખાતરના કારખાના
10) સિમેન્ટ કારખાના
11) કલર અને પેઇન્ટ કારખાના
12) ઓટોમોબાઇલ્સ પ્રોડક્શન પ્લાન્ટ
13) પ્રેશર કુકર ગાસ્કેટ
14) સર્જિકલ ગ્લવ્સ અને રબડ કોટેડ એપ્રોન સહિત ફાર્માસ્યુટિકલ આઈટમ્સ
15) હોસ્પિટલ માટે ટ્રોલી વ્હીલ અને કેથેટર

સરકાર સામે છે આ સમસ્યા?

સરકાર આ તમામ ઉદ્યોગોને છૂટ આપતા પહેલા પ્રોડક્શન સ્થળ અને અન્ય તમામ જગ્યાએ સોશિયલ ડિસ્ટન્સિંગ, ડિસઇન્ફેક્ટિંગ અને દિવસમાં થોડા થોડા સમય પછી ટેમ્પરેચર ચેક કરવા જેવી સ્ટાન્ડર્ડ ઓપરેટિંગ પ્રોસીઝર જાહેર કરી શકે છે. તેમજ અર્થતંત્રને તબક્કાવાર શરું કરવામાં કેટલીક સમસ્યા પણ આવી શકે છે.

ઝોનવાઈઝ આવું હશે લોકડાઉન

રેડ ઝોનમાં સંપૂર્ણ રીતે લોકડાઉન રહેશે, જ્યારે ગ્રીન ઝોનમાં થોડી છૂટછાટ આપી શકાય છે. જેમ કે બહારથી આવનારા લોકો પર પ્રતિબંધ લગાવીને સ્થાનિક રોજગારને પહેલાની જેમ ચાલવાની છૂટ આપી શકાય. ગ્રીન ઝોનમાં જિલ્લાની સરકારી ઓફિસમાં પહેલાની જેમ કામ શરૂ કરવાની વ્યવસ્થા થઈ શકે છે.

ગ્રીન ઝોન અને ઓરેન્જ ઝોનમાં ખેતી સાથે જોડાયેલા કામ અને કેટલાક નિયમોમાં છૂટ મળી શકે છે. જ્યારે એક લિમિટમાં હવાઈ અને ટ્રેનમાં મુસાફરીમાં છૂટ આપી શકાય છે. દિલ્હી જેવા શહેરોમાં મેટ્રો સર્વિસ પણ ચાલુ કરી શકાય છે. પરંતુ યાત્રીઓની સંખ્યાને મર્યાદિત રાખવા પર વિચાર થઈ રહ્યો છે.

Video: LPG સિલિન્ડરને પણ સેનિટાઈઝ કરીને આપવામાં આવે છે

from Page Array – I Am Gujarat https://ift.tt/2xpJynm