બાળકોમાં જોવા મળી રહ્યા છે કોરોના વાયરસના નવા લક્ષણો, બ્રિટનના ડૉક્ટરોએ આપી ચેતવણી

લંડન: કોરોના વાયરસનો કહેર આખી દુનિયામાં છે. કોવિડ-19ની દવા શોધવાનો પ્રયાસ દુનિયાભરના વૈજ્ઞાનિકો કરી રહ્યા છે. પરંતુ આ વાયરસની શરીર પર ઘણાં પ્રકારે અસર થતી હોવાથી દવા શોધવું વધુ મુશ્કેલ બની રહ્યું છે. સંક્રમણના ઘણા કેસ એવા પણ સામે આવ્યા છે જેમાં દર્દીમાં એકપણ લક્ષણ જોવા મળ્યું ના હોય. આ દરમિયાન બ્રિટનના સ્વાસ્થ્યકર્મીઓએ નવી ચેતવણી જાહેર કરી છે જે સંક્રમણના વધુ એક વિકરાળ સ્વરૂપને દર્શાવે છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

બ્રિટન, ઈટાલી અને સ્પેનના ડૉક્ટરોએ બાળકોમાં રેર ઈન્ફ્લૅમેટરી સ્થિતિની ચેતવણી આપી છે જેનો સંબંધ નવા કોરોના વાયરસ સાથે હોઈ શકે છે. આ અઠવાડિયાના પ્રારંભે બ્રિટનની પીડિયાટ્રિક ઈન્ટેન્સિવ કેર સોસાયટીએ ડૉક્ટરોને ચેતવણી આપી હતી કે, બાળકોમાં દેખાઈ રહેલા કોવિડ-19ના લક્ષણો ચિંતાજનક છે. જો કે, આ લક્ષણો કોવિડ-19ના કારણે છે કે અન્ય કોઈ રોગ જવાબદાર છે તે જાણવું જરૂરી છે.

આ કેસોમાં ટોક્સિક શૉક સિન્ડ્રોમ અથવા કાવાસાકી (Kawasaki) ડિસીઝ (રેર બ્લડ વેસલ ડિસઓર્ડર) જેવા લક્ષણો હોવાનું જાણવા મળ્યું છે. ઓછી સંખ્યામાં બાળકો કોવિડ-19નો શિકાર બન્યા હોવાથી વૈજ્ઞાનિકો માટે એ કહેવું મુશ્કેલ છે કે, આ નવા લક્ષણો કોરોના વાયરસના છે કે બીજી કોઈ બીમારીના. કાવાસાકીના લક્ષણોમાં 5 અથવા વધુ દિવસથી હાઈ ટેમ્પરેચરનો તાવ રહે અથવા રેશિઝ થાય અને ગળાની રસ ઝરતી ગ્રંથિમાં સોજો આવે છે.

સ્પેનના અસોસિએશન ઓફ પીડિયાટ્રિક્સે પણ આવા જ પ્રકારની ચેતવણી હાલમાં આપી હતી. તેમણે ડૉક્ટરોને કહ્યું હતું કે, ‘બાળકોને પેટમાં અસામાન્ય દુખાવો થાય સાથે જ ગેસ્ટ્રોઈન્ટેસ્ટિનલ લક્ષણ જોવા મળી શકે છે. જે આઘાત, લૉ બીપી અને હાર્ટની તકલીફ સુધી દોરી શકે છે.” ઈટાલીમાં આ ચિંતાજનક વિષય સાથે 10,000 ડૉક્ટરોને ચિઠ્ઠી મોકલવામાં આવી છે.

જણાવી દઈએ કે, કોવિડ-19ના કારણે બેહાલ થયેલા બ્રિટનમાં કેટલાક બાળકો પણ કોરોના વાયરસની ચપેટમાં આવ્યા છે. તેમનામાં એકદમ અલગ અને ઘણા પ્રકારના લક્ષણો જોવા મળી રહ્યા છે. જુદા-જુદા ઉંમરના યુવાનોની હાલત ગંભીર હતી. તેમનામાં તાવ, લૉ બ્લડ પ્રેશર, શરીર પર ચકામા જોવા મળ્યા હતા. સાથે જ પેટમાં દુખાવો, ડાયેરિયા અને હૃદય પર સોજો જોવા મળ્યો હતો.

નિષ્ણાતોનું કહેવું છે કે, નાની ઉંમરના બાળકોમાં ખાસ કરીને આ પ્રકારની સમસ્યા ચિંતાજનક છે. તેમણે લોકોને અપીલ કરી છે કે, જો આવા લક્ષણો બાળકોમાં દેખાય તો તરત જ ડૉક્ટરનો સંપર્ક કરવો. મીડિયા રિપોર્ટ પ્રમાણે, હજી સુધી સ્પષ્ટ નથી કે આ પ્રકારના લક્ષણોવાળા કેટલા બાળકો સંક્રમિત છે પરંતુ આ મુશ્કેલી બની શકે છે.

જોવા મળે છે આવા લક્ષણો

– શરીર પીળું પડવું, ધબ્બા પડવા અથવા અડવાથી અસામાન્ય રીતે ઠંડી લાગવી.
– શ્વાસ લેવામાં તકલીફ, શ્વાસનની તકલીફ એ રીતે વધવી કે શરીર કામ કરતું બંધ થઈ જાય.
– હોઠની આસપાસ વાદળી રંગના નિશાન.
– શરીર અચેત થવું.
– બહુ પરેશાન થઈ જવું (રડવા લાગવું), મૂંઝવણ રહેવી અને સુસ્તી આવવી.
– શરીર પર ચકામા પડવા જે દબાવ્યા પછી પણ જાય નહીં.
– ટેસ્ટીક્યુલર પેઈન (ખાસ કરીને નાની ઉંમરના બાળકોમાં)

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat https://ift.tt/2YeuAeZ