કોરોના વાયરસના સંક્રમણને રોકવા માટે કરાયેલા લોકડાઉન વચ્ચે એક વિડીયો હાલ સોશિયલ મીડિયા પર વાઈરલ થઈ રહ્યો છે. જેમાં દૂધ લઈને જઈ રહેલું એક ટેન્કર પલટી મારી જતા દૂધ રસ્તા પર ઢોળાઈ ગયું હતું. જેનાથી કેટલાક રખડતા કૂતરાઓ પેટ ભરી રહ્યા છે, ત્યારે તેમની જ બાજુમાં એક વ્યક્તિ હાથથી એક માટીના વાસણમાં દૂધ ભરી રહ્યો છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
આ વિડીયો આગરાના રામ બાગ ચૌરાહાનો હોવાનું કહેવાય છે. જાણકારી મુજબ, તાજ મહેલથી 6 કિલોમીટર દૂર દૂધ લઈને જતું ટેન્કર પલટી મારી ગયું હતું. એવામાં કેટલાક કૂતરાઓ તરત ત્યાં દૂધ પીવા પહોંચી જાય છે. તેમની સાથે જ એક વ્યક્તિ પણ ખોબા ભરીને દૂધ માટીના વાસણમાં ભરી રહ્યો છે.
પોલીસ સ્ટેશનના SHOએ આ ઘટના કન્ફર્મ કરી હતી. તેમણે જણાવ્યું કે, તે વ્યક્તિ માનસિક રીતે અસ્વસ્થ થે અને કૂતરાઓને ખબડાવતો હોય છે. તે કદાચ કૂતરાઓ માટે જ દૂધ એકઠું કરી રહ્યો હશે. 50 વર્ષનો આ વ્યક્તિ ફ્લાયઓવર નીચે રહે છે. તે કૂતરાઓને ખવડાવવા માટે ભોજન એકઠું કરતો હોય છે. આ વ્યક્તિ એકલો જ રહે છે અને તેનો કોઈ પરિવાર નથી.’
ઉત્તર પ્રદેશના કોરોના વાયરસના ઘણા કેસો સામે આવતા આગરામાં હાલ લોકડાઉન ચાલું છે. આવી સ્થિતિમાં કાયમી આવક ન થવાથી કેટલાક પરિવારો મુશ્કેલીમાં મૂકાયા છે. ઉલ્લેખનીય છે કે પ્રધાનમંત્રી નરેન્દ્ર મોદીએ જાહેર કરેલું 21 દિવસનું લોકડાઉન મંગળવારે પૂરું થઈ રહ્યું છે. લોકડાઉનના કારણે કામકાજ બંધ હોવાથી મજૂરો અને ઘરવિહોણા લોકોની સ્થિતિ સૌથી ખરાબ બની છે.
from Page Array – I Am Gujarat https://ift.tt/2V6TkUL
No comments:
Post a Comment