નવી દિલ્હીઃ કોરોના વાયરસના સંક્રમણને રોકવા માટે દેશવ્યાપી લોકડાઉનનો સમયગાળો વધારવાને લઇ વડાપ્રધાન નરેન્દ્ર મોદી આજે નિર્ણય લઇ શકે છે. તેઓ આ મુદ્દા પર તમામ રાજ્યોના મુખ્યમંત્રીઓ સાથે વીડિયો કોન્ફરન્સિંગ દ્વારા વાત કરશે. આની પહેલાં પણ વડાપ્રધાન મુખ્યમંત્રીઓની સાથે મીટિંગ કરી ચૂકયા છે. બુધવારના રોજ તમામ પક્ષોના પ્રતિનિધિઓની સાથે મીટિંગમાં પીએમે કહ્યું હતું કે તેઓ દેશભરમાં લાગૂ લોકડાઉનની સમયમર્યાદામાં ફેરફાર કરવાનો નિર્ણય કરતાં પહેલાં તમામ રાજ્યોના મુખ્યમંત્રીઓ સાથે એક વખત વાત કરશે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
આ મીટિંગમાં પીએમે લગભગ સ્પષ્ટતા કરી દીધી હતી કે આવનાર 14મી એપ્રિલના રોજ લોકડાઉન હટાવાશે નહીં. મીટિંગમાં મોદીએ કહ્યું હતું કે કેન્દ્ર સરકારની પ્રાથમિકતા દરેક જીવની સુરક્ષા છે. લોકડાઉનના વિસ્તારના મુદ્દા પર તેમણે કેટલાંય જિલ્લાના જિલ્લાધિકારીઓ સાથે વાત કરી અને તમામને એકમત થઇ લોકડાઉનની સમય મર્યાદાને આગળ વધારવા પર સહમતિ વ્યકત કરી છે. તેમણે એમ પણ કહ્યું હતું કે આખા દેશમાં એક સાથે લોકડાઉન હટાવું શકય નથી.
લોકડાઉન પર સસ્પેંસ ખત્મ થશે?
હવે આજે પીએમ મોદી વીડિયો કોન્ફરન્સિંગ દ્વારા તમામ રાજ્યોના મુખ્યમંત્રીઓ સાથે વાત કરશે. પીએમની આ મીટિંગમાં એ વાત પર ચર્ચા થવાની પૂરી શકયતા છે કે આગામી 14મી એપ્રિલના રોજ ખત્મ થઇ રહેલ દેશવ્યાપી લોકડાઉનની મર્યાદા આગળ વધારવી કે નહીં?
આની પહેલાં 2 એપ્રિલના રોજ મીટિંગમાં વડાપ્રધાન મોદીએ રાજ્યોના મુખ્યમંત્રીઓ સાથે વીડિયો કોન્ફરન્સિંગ દ્વારા સંવાદમાં કહ્યું હતું કે લોકડાઉન સમાપ્ત થયા બાદ લોકો ફરીથી ઘરમાંથી બહાર નીકળવાને ધ્યાનમાં રાખતા રાજ્યો અને કેન્દ્રને એક રણનીતિ તૈયાર કરવી જોઇએ.
ઓડિશા બાદ પંજાબે પણ વધાર્યું લોકડાઉન
આ બધાની વચ્ચે ઓડિશાની નવીન પટનાયક સરકારે રાજ્યમાં લોકડાઉનને 30મી એપ્રિલ સુધી વધારવાની જાહેરાત કરી દીધી છે. જે બાદ ગઈકાલે પંજાબ સરકારે પણ રાજ્યમાં લોકડાઉન આગળ વધારીને 30 એપ્રિલ અંતિમ તારીખ જાહેર કરી છે.
દેશમાં છેલ્લાં 24 કલાકની અંદર દિલ્હીમાં રેકોર્ડ 183 કેસ સામે આવ્યા છે. જ્યારે દેશમાં કુલ કોરોના સંક્રમિતોની સંખ્યા 7500 પર પહોંચી ગઇ છે.
Video: લૉકડાઉન બાદ જો ટ્રેન ચાલુ થશે તો રેલવેએ બનાવ્યો છે આ ખાસ ‘પ્લાન’
from Page Array – I Am Gujarat https://ift.tt/2wuPnj0
No comments:
Post a Comment