વડોદરાઃ વડાપ્રધાન નરેન્દ્ર મોદી વિરુદ્ધ TikTok વીડિયો વાયરલ કરવાને લઈને પોલીસે સોમવારે પાદરા તાલુકાના સેજકુવા ગામમાં આવેલી સરકારી સ્કૂલના આચાર્ય અને એક મજૂરની ધરપકડ કરી હતી. બંનેએ વોટ્સએપ પર મીડિયા વિરુદ્ધ લખાણ સાથેનો ફોટો પણ વાયરલ કર્યો હતો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
આરોપી આચાર્ય નૂર મહોમ્મદ મલેક સામે ડિઝાસ્ટર મેનેજમેન્ટ એક્ટ હેઠળ ગુનો નોંધવામાં આવ્યો છે. આ સિવાય પાદરા પોલીસ સ્ટેશનમાં તેની સામે રમખાણ કરાવવાના ઉદ્દેશથી ઉશ્કેરણી બદલ તેમજ દુશ્માનવટ ઊભી કરવા અથવા તેને વેગ આપવા માટેના નિવેદનો આપવાને લઈને કેસ દાખલ કરવામાં આવ્યો છે. બંનેની ખેડૂત યોગેશ અધ્યારુની ફરિયાદના આધારે ધરપકડ કરવામાં આવી છે. આચાર્યના ફોનમાં તપાસ કર્યા બાદ, પોલીસને જાણવા મળ્યું કે, તે વીડિયો પ્યારે નૂરુદ્દીન લાલ મિયા નામના મજૂર દ્વારા તેમને ફોરવર્ડ કરવામાં આવ્યો હતો.
‘પહેલા અમને થયું કે વીડિયો મલેકે બનાવ્યું છે, કારણ કે તેમાં એક જ વ્યક્તિનો અવાજ સંભળાતો હતો. પરંતુ તેની ધરપકડ કરાયા બાદ અને તેનો ફોન તપાસ્યા બાદ અમને જાણ થઈ કે, લાલ મિયાને તે વીડિયો કોઈના પાસેથી મળ્યો હતો અને બાદમાં તેને વોટ્સએપ ગ્રુપમાં શેર કર્યો હતો, જેનો મલેક પણ સભ્ય છે’, તેમ પાદરા પોલીસ સ્ટેશનના સબ-ઈન્સપેક્ટર એ.પી. ગઢવીએ જણાવ્યું. મલેકે બાદમાં તે વીડિયો સેજકુવાના આચાર્યના વોટ્સએપ ગ્રુપમાં શેર કર્યો હતો.
વીડિયોમાં કોઈ અજાણ્યો શખ્સ પીએમ મોદી સામે કટાક્ષ કરી રહ્યો હતો. મલેકે એક ફેક ફોટો પણ વાયરલ કર્યો હતો જેમાં લખ્યું હતું કે મીડિયા સૌથી ખતરનાક વાયરસ છે.
આ વીડિયો અને ફોટો તાલુકા પ્રાથમિક શિક્ષણ અધિકારી મહેશ પ્રજાપતિને પણ મળ્યો હતો. બાદમાં પ્રજાપતિએ રવિવારે પાદરા શહેરમાં રહેતા અધ્યારુને વીડિયો અને ફોટો બતાવ્યો હતો. પોલીસે કહ્યું કે, અધ્યારુને તે વીડિયો સમુદાયો વચ્ચે રમખાણ કરવા માટે પ્રેરિત કરતો હોવાનું લાગતા તેણે મલેક સામે ફરિયાદ નોંધાવી હતી.
સેજકુવાની સરકારી શાળામાં મલેક છેલ્લા 13 વર્ષથી આચાર્ય તરીકે ફરજ બજાવે છે.
નફરત ફેલાવતી ઓડિયો ક્લિપ વાયરલ કરનારની ધરપકડ
સુરતઃ લઘુમતી સમાજ સામે નફરત ફેલાવતી ઓડિયો ક્લિપ વાયરલ કરનાર 49 વર્ષીય શખ્સની DCBએ ધરપકડ કરી હતી. વોટ્સએપ ગ્રુપમાં મોટા પ્રમાણમાં વીડિયો ક્લિપ શેર થતાં DCBએ 4 એપ્રિલે મુકેશ સામે ફરિયાદ નોંધી હતી. 6.42 મિનિટની ઓડિયો ક્લિપમાં મુકેશે પોતાની ઓળખ સિટી લાઈટ વિસ્તારના રહેવાસી તરીકે આપી હતી, જેના આધારે પોલીસે તે સમયે અજાણ્યા શખ્સ સામે ગુનો નોંધ્યો હતો. પોલીસના જણાવ્યા પ્રમાણે, મુકેશ મૂળ રાજસ્થાનના ભિલવાડા જિલ્લાનો વતની છે. તેની સામે જાહેરનામાનો ભંગ કરવા બદલ તેમજ આઈપીસીની કલમ હેઠળ બેદરકારીભર્યું વર્તન કરવા બદલ કેસ નોંધવામાં આવ્યો છે. આ સિવાય તેની સામે નેશનલ ડિઝાસ્ટર મેનેજમેન્ટ એક્ટ હેઠળ પણ ગુનો નોંધાયો છે.
કોરોના વાયરસઃ લૉકડાઉનનો ભંગ કરતા લોકોને પોલીસ આપી રહી છે આવી સજા!
from Page Array – I Am Gujarat https://ift.tt/2xVZjlQ
No comments:
Post a Comment