ન્યૂ નોર્મલ: ફરી શરૂ થયા સીરિયલોના શૂટિંગ, આ રીતે કરવામાં આવ્યો કલાકારોનો મેકઅપ

ફેસ શીલ્ડ પહેરીને મેકઅપ

કોરોના વાયરસ અને લોકડાઉનના કારણે છેલ્લા3 મહિનાથી સીરિયલોના શૂટિંગ બંધ હતા. જો કે, સરકારે છૂટછાટ આપ્યા બાદ કેટલીક ચેનલોએ પોતાના ટીવી શોના ફ્રેશ એપિસોડ ટેલિકાસ્ટ કરવાનું અનાઉન્સમેન્ટ કરી દીધું છે. કેટલાક સેલેબ્સ હજુ પણ સેટ પર જતા ડરી રહ્યા છે. જ્યારે કેટલાક પૂરતી સુરક્ષા સાથે શૂટિંગ કરવા લાગ્યા છે. આ સમયમાં તેઓ શૂટિંગ કેવી રીતે કરે છે તેની તસવીરો સામે આવી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

સેટ પર પરત ફર્યા ટીવી સેલેબ્સ

નિયા શર્મા, અપર્ણા દીક્ષિત, અક્ષિત સુખીજા, ગ્રેસી સિંહ સહિતના ઘણા સેલેબ્સ 3 મહિનાના લાંબા બ્રેક બાદ સેટ પર પાછા ફરવાનો અનુભવ શેર કર્યો છે. સામે આવેલી તસવીરોમાં કલાકારો માસ્કમાં તો મેકઅપ મેન ફેસ શીલ્ડમાં જોવા મળ્યા.

ઘરેથી જ પ્રોમોનું શૂટિંગ

યે જાહુ હૈ જિન કા અને યે હૈ ચાહતે જેવી સીરયિલોના પ્રોમો કલાકારોએ ઘરે જ શૂટ કર્યા હતા, જેમાં અનાઉન્સ કરાયું હતું કે દર્શકોને ટૂંક સમયમાં ફરીથી ટીવી પર ફ્રેશ એપિસોડ જોવા મળશે. યે રિશ્તા ક્યા કહેલાતા હૈની ટીમે પણ શૂટિંગ શરૂ કરી દીધું છે.

સેટ પર સેનિટાઈઝેશન

એક્ટર્સને શૂટિંગ માટે બોલાવાયા તે પહેલા શૂટને સેનિટાઈઝ કરાયા હતા. આખા સેટમાં દવા છાંટવામાં આવી હતી અને દરેક ખૂણામાં ફૂટ-ઓપરેટેડ સેનિટાઈઝર રાખવામાં આવ્યા હતા. કર્મીઓ પણ જ્યારે ઈચ્છે ત્યારે તેનો ઉપયોગ કરી શકે છે.

સેટ પર પ્રવેશતા પહેલા દરેક વ્યક્તિનું સેનિટાઈઝિંગ

સેટના મુખ્ય ગેટ પર જ સેનિટાઈઝિંગ કરવાનું મશીન મૂકવામાં આવ્યું છે. દરેક સ્ટુડિયો જરૂરી સાવચેતી અને સેટ હાઈજીનનું ધ્યાન રાખી રહ્યા છે.

શૂટિંગ દરમિયાન સોશિયલ ડિસ્ટન્સિંગ

કલાકારો પોતાની મેકઅપ કિટ લઈને આવી રહ્યા છે. આ સિવાય જ્યારે શૂટિંગ ન થઈ રહ્યું હોય ત્યારે માસ્ક અને ગ્લવ્ઝ પહેરીને જ ફરે છે. આ સિવાય તેઓ ભીડમાં પણ સોશિયલ ડિસ્ટન્સિંગનું પાલન થાય તેનું ધ્યાન રાખે છે. સીરિયલ ભાખરવડીની ટીમે તો સોશિયલ ડિસ્ટન્સિંગ જળવાઈ તે માટે છત્રી લઈને આવવાનું નક્કી કર્યું છે.

પૂરતી સાવચેતી સાથે મેકઅપ

મેકઅપ આર્ટિસ્ટ પણ ફેસ-શીલ્ડ, માસ્ક અને ગ્લવ્સ પહેરીને કલાકારોને મેકઅપ કરી રહ્યા છે.

શૂટિંગ અને ડબિંગનું કામ શરૂ

હિના ખાને પણ હાલમાં જ પોતાની અપકમિંગ ફિલ્મની ડબિંગનું કામ શરૂ કર્યું છે. ત્યારે તેણે શેર કર્યું હતું કે, તે પૂરતું ધ્યાન રાખી રહી છે, છતાં તેને ડર લાગી રહ્યો છે. પ્યાર કી લૂકા છુપીની એક્ટ્રેસ અપર્ણા દીક્ષિતે જણાવ્યું કે, તે વહેલી જ સેટ પર પહોંચી જાય છે. માસ્ક પહેરવાનું બિલકુલ ભૂલતી નથી. તે ફોનમાં જ સ્ક્રિપ્ટ વાંચી લે છે અને જ્યારે તેનો શોટ હોય ત્યારે જ વેનિટી વાનમાંથી બહાર નીકળે છે.

સેટ પર કડક સિક્યુરિટી

સેટ પર કડક સિક્યુરિટી ગોઠવી દેવાઈ છે અને જરૂરી લોકોને જ પ્રવેશ આપવામાં આવે છે. નવા નિયમો પ્રમાણે, ક્રૂની સંખ્યા 33 ટકા ઓછી હોવી જોઈએ.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat https://ift.tt/2CDXc8G