કોરોના: એક્ટિવ કેસમાં મહારાષ્ટ્ર બાદ બીજા નંબરે પહોંચ્યું દિલ્હી, ગુજરાતનું સ્થાન ક્યાં?

દુર્ગેશ નંદન ઝા, નવી દિલ્હીઃ દેશમાં કોરોના વાયરસના સૌથી વધુ એક્ટિવ કેસ મહારાષ્ટ્રમાં છે અને તેના પછી દિલ્હી બીજા નંબરે પહોંચ્યું છે. રાજ્યોએ શેર કરેલા આંકડા પ્રમાણે મહારાષ્ટ્રમાં કુલ 39,935 એક્ટિવ કેસ છે જ્યારે દિલ્હીમાં આ આંકડો 14,456 પર પહોંચ્યો છે. જ્યારે તામિલનાડુ ત્રીજા નંબર છે અને ત્યાં એક્ટિવ કેસનો આંકડો 12,135 છે, આ પછી ગુજરાતનો નંબર આવે છે અને અહીં 4,779 કેસ છે. આ સિવાય બીજા બે રાજ્યો છે જ્યાં કોરોનાના કેસ પ્રમાણમાં વધારે છે.

દિલ્હીમાં 28મી મેના રોજ 1000થી વધારે 1,024 કેસ નોંધાયા હતા અને ત્યારે પછી સતત રોજના નવા કેસમાં વધારો નોંધાયો છે. જેમાં માત્ર 1 જૂનના રોજ 990 કેસ નોંધાયા હતા. ગુરુવારે શહેરમાં 1,359 નવા કેસ નોંધાયા હતા, જેની સાથે કુલ આંકડો 25,000ને પાર કરીને 25,004 પર પહોંચ્યો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

આ સાથે દિલ્હીમાં વધુ 44ના કોરોના વાયરસના કારણે મોત થયા છે અને તેની સાથે કુલ આંકડો 650 થયો છે.

શહેરમાં નોંધાયેલા પોઝિટિવ કેસમાંથી માત્ર 3,307 (23%) હોસ્પિટલમાં સારવાર હેઠળ છે. એક સિનિયર અધિકારીએ જણાવ્યું કે, “કોરોનાથી પીડાતા મોટાભાગના લોકો હોમ આઈસોલેશન (65%) છે. જ્યારે કેટલાક લોકો હેલ્થ સેન્ટર અને કોવિડ સેન્ટરમાં આઈસોલેશમાં રખાયા છે.”

ગુજરાતમાં કોરોના વાયરસના કેસનો આંકડો 4,779 પર પહોંચ્યો છે. રાજ્યમાં અત્યાર સુધીમાં 12,667 લોકો સ્વસ્થ થઈને પોતાના ઘરે પરત ફર્યા છે. જ્યારે 1155 લોકોનું કોરોના વાયરસના કારણે મોત થઈ ગયું છે. ગુજરાતમાં સૌથી વધુ કેસ અમદાવાદમાં છે. અમદાવાદમાં એક્ટિવ કેસનો આંકડો 3,188 છે અને 938 લોકોના અહીં કોરોના વાયરસના કારણે મોત થઈ ગયા છે.

from Page Array – I Am Gujarat https://ift.tt/3gYupLG