સુશાંત સિંહ રાજપૂતની કંપનીમાં કથિત ગર્લફ્રેન્ડ રિયાના ભાઈની હતી પાર્ટનરશીપ, પોલીસે કરશે તપાસ

સુશાંત સિંહ રાજપૂતના મોત પર તપાસ

બોલિવૂડ એક્ટર સુશાંત સિંહ રાજપૂતે 14મી જૂને મુંબઈમાં આપઘાત કર્યો હતો. એક્ટરના નિધનને 13 દિવસ થઈ ગયા છે. મુંબઈ પોલીસ તેની મોતની તપાસ કરી રહી છે અને લોકોના નિવેદનો નોંધી રહી છે. જેમાં સુશાંતની કથિત ગર્લફ્રેન્ડ રિયા ચક્રવર્તીની મુંબઈ પોલીસે 9 કલાકથી વધુ સમય સુધી પૂછપરછ કરી હતી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

સુશાંતની કંપનીમાં રિયાના ભાઈની પાર્ટનરશીપ

મીડિયા રિપોર્ટ્સ મુજબ, પોલીસને સુશાંત સિંહ રાજપૂતના ઘરેથી 5 પર્સનલ ડાયરીઓ મળી હતી. જેમાં એક્ટરની કંપનીમાં તેની કથિત ગર્લફ્રેન્ડ એક્ટ્રેસ રિયા ચક્રવર્તી અને તેના ભાઈ શોવિક ચક્રવર્તીની પાર્ટનરશીપની જાણકારી સામે આવી છે.

સુશાંતના ઘરેથી મળેલી ડાયરીમાંથી મળી જાણકારી

સુશાંત સિંહ રાજપૂતે આ ડાયરીઓમાં જાતે જ આ વાતની જાણકારી આપી હતી કે તેની કંપનીમાં કોણ ડાયરેક્ટર હશે, કોણ કન્ટેન્ટ એકઠું કરશે, ટીમમાં કોને શામેલ કરાશે અને કોની શું ભૂમિકા હશે. પોલીસે આ વાતની ખાતરી સુશાંતની પૂર્વ મેનેજર શ્રુતિ મોદીના નિવેદનથી કરી. પોલીસે મામલામાં એક્ટરના ચાર્ટર્ડ એકાઉન્ટન્ટનું નિવેદન પણ નોંધ્યું છે.

પોલીસે કરશે શોવિક ચક્રવર્તીની પૂછપરછ

જોકે આ કંપનીઓમાં રિયા ચક્રવર્તી અને તેના ભાઈ શોવિક ચક્રવર્તીના ઈન્વેસ્ટમેન્ટ અને ટર્મ્સ શું હતા, તેની જાણકારી પોલીસે હજુ મળી નથી. આ ખારણે શોવિક ચક્રવર્તીનું નિવેદન નોંધવામાં આવશે. ઉલ્લેખનીય છે કે સુશાંતની આ ડાયરીમાં તેના ડ્રીમ, ક્વોન્ટમ ફિઝિક્સના પ્રોબ્લેમ ઉપરાંત તેની યોજનાનો પણ ઉલ્લેખ કરાયો છે.

from Page Array – I Am Gujarat https://ift.tt/2Zjnt3I