ભારે આક્રોશ બાદ અમૂલે તેના ટ્વિટર હેંડલ પર ‘એક્ઝિટ ધ ડ્રેગન’ ટ્વિટ પિન કર્યું

પ્રશાંત રૂપેરા, વડોદરા: ચીન અને ભારત વચ્ચે વિવાદની અસર અમૂલના ટ્વિટર એકાનઉન્ટ પર પડી રહી છે. અમૂલે 3 જૂનના રોજ ચાઈનીઝ પ્રોડક્ટનો બહિષ્કાર કરતું એક ટોપિકલ તેના ઓફિશિયલ ટ્વિટર હેંડલ પર મૂક્યું હતું. જેથી માઈક્રોબ્લોગિંગ સાઈટ ટ્વિટરે અમૂલને કોઈ પણ જાણ કર્યા વગર તેના ઓફિશિયલ એકાઉન્ટ પર નિયંત્રણ મૂક્યો હતો. જોકે, બાદમાં ટ્વિટર એકાઉન્ટ ચાલુ પણ થઈ ગયું હતું. અમૂલે સિક્યોરિટી પ્રોસેસને ટાંકીને ટ્વિટરે ઓફિશિયલ એકાઉન્ટ પર નિયંત્રણના પગલાં પર રોષ વ્યક્ત કર્યો હતો અને 3 જૂનના રોજ અમૂલે પોસ્ટ કરેલું ટોપિકલને ફરીથી પોતાના ટ્વિટર હેંડલ પર પિન કર્યું હતું.

અમૂલે તેના ટ્વિટર હેંડલ પર પિન કરેલું ટ્વિટ ‘#Amul Topical, જે ચાઈનીઝ પ્રોડક્ટનો બહિષ્કાર કરતું દર્શાવે છે. શનિવારે 28000થી વધુ ટ્વિટ સાથે અમૂલ દેશમાં ટ્રેડિંગ ટોપિક્સ પૈકી એક હતું. અમારા સહયોગી અખબાર ટાઈમ્સ ઓફ ઈન્ડિયા શુક્રવારે એક એક્સક્લુઝિવ રિપોર્ટ આપ્યો હતો કે, માઈક્રોબ્લોગિંગ સાઈટ ટ્વિટરે અમૂલનું ઓફિશિયલ એકાઉન્ટ ટેમ્પરરી બ્લોક કર્યું હતું. ટ્વિટરના આ પગલાંથી ગુજરાત કો-ઓપરેટિવ મિલ્ક માર્કેટિંગ ફેડરેશન (GCMMF)ના ઉચ્ચ અધિકારી આશ્ચર્યમાં મૂકાયા હતા.

અમૂલે મૂકેલા ટોપિકલમાં લાલ અને સફેદ પોલ્કાડોટેડ ડ્રેસ પહેરેલી આઈકોનિક ગર્લ એક ડ્રેગન સામે લડીને તેના દેશને બચાવતી જોવા મળી રહી છે. તેની પાછળ ચાઈનીઝ વિડીયો શેયરીંગ મોબાઈલ એપ્લિકેશન ટિકટોકનો લોગો પર જોઈ શકાય છે. ક્રિએટર્સે પણ બોલ્ડ અક્ષરોમાં ‘અમુલ મેડ ઈન ઈન્ડિયા’ લખેલુ દર્શાવ્યું છે, જે વડાપ્રધાન નરેન્દ્ર મોદીના આત્મનિર્ભરના આહ્વાન પર ધ્યાન કેન્દ્રિત કરે છે.

અમેરિકન માઇક્રોબ્લોગિંગ અને સોશિયલ નેટવર્કિંગ સર્વિસના પ્રવક્તા દ્વારા જારી કરાયેલા નિવેદનમાં ટ્વિટર ઓપરેટરો માટે એકાઉન્ટની સેફ્ટી અને સિક્યોરિટી તેમજ કી પ્રાયોરિટીને ટાંકીને જણાવ્યું હતું કે, તે નિયમિત કવાયતનો એક ભાગ હતો.

શનિવારે TOIને ઈમેઈલમાં કરેલા નિવેદનમાં પ્રવક્તાએ કહ્યું કે, ‘કોઈ એકાઉન્ટ સાથે ચેડા થયા છે કે નહીં તેની ખાતરી કરવા માટે કેટલીક વાર એકાઉન્ટ ઓનરને એક સરળ રિ-કેપ્ચા પ્રક્રિયા પૂર્ણ કરવાની જરૂર હોય છે. ઓથેન્ટિક એકાઉન્ટ ઓનર્સ માટે આનું નિરાકરણ કરવું સરળ છે. એકવાર જ્યારે એકાઉન્ટ સિક્યોરિટી સ્ટેપ પાર કરે ત્યારે એકાઉન્ટ ફરીથી સપૂર્ણ એક્સેસ મેળવે છે.

GCMMFના મેનેજિંગ ડિરેક્ટર આર.એસ. શોઢીએ ટાઈમ્સ ઓફ ઈન્ડિયાને જણાવ્યું કે, શુક્રવારે અમે ટ્વીટરને પૂછ્યું હતું કે તેણે અમારું એકાઉન્ટ કેમ બ્લોક કર્યુ છે. જોકે ત્યારબાદ ટ્વિટર તરફથી કોઇ પણ પ્રકારની પ્રતિક્રિયા સામે આવી નહોતી. બાદમાં દેશભરમાં આ અંગે આક્રોશ ફેલાતા ટ્વીટરે એક દિવસ બાદ પ્રતિક્રિયા આપી હતી. જે રીતે દેશભરના લોકોએ અમૂલને પ્રતિક્રિયા આપીને ટેકો આપ્યો તે દર્શાવે છે કે આવા સમયમાં પણ ભારતીય કેવી રીતે એકસાથે ઉભા રહે છે.

from Page Array – I Am Gujarat https://ift.tt/30d6Ysh