અમદાવાદ: ગુરુવારે એક ડ્રાઈવર સામે મોંઘીદાટ ગાડીને નુકસાન પહોંચાડવાનો ગુનો નોંધાયો છે. આરોપ છે કે, ગાડીના માલિક સાથે પગાર મુદ્દે માથાકૂટ થતાં ડ્રાઈવરે ગાડીમાં તોડફોડ કરી હતી. પોલીસે જણાવ્યું કે, આરોપીની ઓળખ કિશન ભરવાડ (51 વર્ષ) તરીકે થઈ છે. તેણે કથિત રીતે સુજલ રાવલ (38 વર્ષ) નામના વ્યક્તિની ગાડી પર સ્ક્રેચ પાડ્યા હતા. ઉપરાંત બુધવારે ગાડીને ગોબો પાડ્યો હતો અને સાઈડલાઈટ પણ તોડી હતી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
એલિસબ્રિજ વિસ્તારમાં રહેતા ગાડીના માલિક સુજલ રાવલે વાડજ પોલીસ સ્ટેશનમાં ફરિયાદ નોંધાવી છે. સુજલ રાવલે ફરિયાદમાં જણાવ્યું કે, કિશન ભરવાડને તેણે ડ્રાઈવર તરીકે રાખ્યો હતો અને માર્ચ મહિનામાં બાકીનો બધો જ પગાર ચૂકવીને નોકરીમાંથી છૂટો કર્યો હતો. રાવલનો આરોપ છે કે, કિશન ભરવાડે ત્રણ મહિનાનો પગાર માગ્યો હતો જે આપવાની ના પાડતાં માથાકૂટ થઈ હતી.
લગભગ સાત મહિના પહેલા સુજલ રાવલે માસિક રૂપિયા 15,000ના પગારે કિશન ભરવાડને નોકરીએ રાખ્યા હતા. જ્યારે સુજલ રાવલના અકાઉન્ટન્ટે કિશન ભરવાડને રૂપિયા આપવાની ના પાડી ત્યારે તેણે ઓફિસમાં એલફેલ બોલવાનું શરૂ કર્યું હતું. કથિત રીતે ઓફિસના સ્ટાફ મેમ્બર્સને પણ અપશબ્દો કહ્યા હતા.
સુજલ રાવલે કિશન ભરવાડને સમજાવવાનો પ્રયાસ કર્યો હતો કે તે વધારાના રૂપિયા નહીં આપી શકે કારણકે માર્ચમાં લોકડાઉન શરૂ થયું તે પહેલા જ તેણે નોકરી છોડી દીધી હતી. જો કે, રોષે ભરાયેલા કિશન ભરવાડે ઓફિસમાંથી નીકળતી વખતે બધો ગુસ્સો સુજલ રાવલની ગાડીને નુકસાન પહોંચાડીને ઉતાર્યો હતો.
from Page Array – I Am Gujarat https://ift.tt/3ejTjE3
No comments:
Post a Comment