કોરોના વાયરસના કેસ વધતાં ઓછી માહિતી આપી રહી છે કેન્દ્ર અને કેટલાક રાજ્યોની સરકારો

અતુલ ઠાકુર અને રેમા નાગરજનઃ ભારતમાં કોવિડ 19ના આંકડા કેન્દ્ર અને રાજ્યો દ્વારા દૈનિક ધોરણે આપવામાં આવે છે, જો કે કેટલાક રાજ્યો એવા છે જેઓ આમ કરી રહ્યા નથી. ઉત્તરપ્રદેશ અને જમ્મુ-કાશ્મીર બે એવા રાજ્યો છે જેઓ કોરોનાના ડેટા નિયમિત રીતે ઓનલાઈન મૂકતા નથી આ સિવાય દિલ્હી, તેલંગાણા, ઝારખંડ અને આસામ પણ મિનિમમ ડેટા જ આપી રહ્યું છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

કેન્દ્રીય સ્વાસ્થ્ય મંત્રાલય કુલ કેસ, મોત, એક્ટિવ કેસ અને કઈ તારીખે અલગ-અલગ રાજ્યોમાંથી કેટલા દર્દીઓ રિકવર થયા તેનો ડેટા આપે છે. અગાઉ જે જિલ્લાવાર ડેટા મૂકવામાં આવતો હતો, તે પણ હવે જાહેર કરવામાં આવતો નથી.

સમય જતાં કેન્દ્રની જેમ દિલ્હી પણ આમ કરી રહ્યું છે. અગાઉ દિલ્હી સરકાર હોસ્પિટલમાં દાખલ કરાયેલા દર્દીઓ, કેટલા દર્દીઓ ICU અને વેન્ટિલેટર પર છે તેના વિશે તેમજ સરકારી અને ખાનગી હોસ્પિટલમાં કેટલા દર્દીઓ સાજા થયા તેના વિશે નિયમિત બુલેટિન બહાર પાડતી હતી. આ સિવાય તેમાં હોસ્પિટલ વાઈસ મૃત્યુઆંક અને નવા કેસની સંખ્યા પણ આપવામાં આવતી હતી. બે પેજના બુલેટિનમાંથી દિલ્હીએ હવે માત્ર એક પેજનું બુલેટિન કરી નાખ્યું છે. જેમાંથી હોસ્પિટલ-વાઈઝ ડેટા, વય જૂથ મુજબ મૃત્યુદર સહિતની કેટલીક માહિતી ગાયબ જોવા મળી રહી છે.

અત્યારે કર્ણાટક એક એવું રાજ્ય છે, જે વિગતવાર ડેટાથી લઈને તાલુકા લેવલની તમામ માહિતી આપી રહ્યું છે, જે બાદ કેરળ, તમિલનાડુ અને મહારાષ્ટ્રનો નંબર છે આવે છે. જ્યારે મોટાભાગના રાજ્યોની કોરોના સંબંધિત ડેટા શેર કરવા માટે આરોગ્ય મંત્રાલય સાથે જોડાયેલી વેબસાઈટ છે, ત્યારે ઉત્તરપ્રદેશનો જાહેરમાં કોઈ ડેટા નથી. ઉત્તરપ્રદેશનું માહિતી વિભાગ મીડિયા સામે ડેટા શેર કરે છે પરંતુ લોકો જાતે કેસ જોઈ શકે તેવી કોઈ સુવિધા નથી. બિહારમાં પણ ડેટા સાથે સંકળાયેલી વેબસાઈટ નથી. જેના બદલે ટ્વિટર પર રોજના ડેટા શેર કરવામાં આવે છે.

મોટાભાગના રાજ્યો પોતાના દૈનિક બુલેટિનમાં માત્ર દિવસની માહિતી આપે છે. આવી સ્થિતિમાં જો કોઈને ડેટા એનાલિસિસ કરવું હોય તો તેણે રાજ્યના દૈનિક બુલેટિનના ડેટા ભેગા કરવા પડે. આંધ્રપ્રદેશ અગાઉ જિલ્લા અને તાલુકા વાઈસ ડેટા આપતું હતું, જો કે તેણે પણ છેલ્લા એક મહિનાથી આપવાનું બંધ કરી દીધું છે.

from Page Array – I Am Gujarat https://ift.tt/2YYhbGW